زوجي والمثبطات

انا تزوجت زواجه شبه اجباريه وتمت الشوفه بدون مااتمقل بوجهه ولا اخذ المعلومات الكافيه عنه الكل اما يقول ماعرفه او يجبون معلومات شجرة العايله بدونه كانه محذوف حذف من الكرت والكل بعد الشبكة صار يطلع استفهامات شلون اخذته شلون تزوجته كيف قبلوا فيه نسالهم ليش يقولون هالكلام يتهربون امه وخواته وابوهم مالهم اي صوت بالخطبة حظروا الزواج كانهم ضيوف من اول يوم بالدخله وانا الاحظ فيه اشياء غريبه طريقه كلامه حركاته بالبدايه قلت توتر بعدين بديت احط استفهامات اول شي لاحظته مشروب الطاقه مع الدخان تزامن سكت ثاني شي يدخل بمرحله ضجه وازعاج وضحك ثم هدوء ونوم كان يحس بتانيب الضمير وانا اصلا من صدمتي بالزواج كنت كاني مو حيه موجوده ومو موجوده سلكت اسبوعين من شهر العسل حاجات استفهمات بس كان تفكيري كله بامر الدخله من خوفي ماعندي وقت اتفضى.اقوله ليش دائما كان يقولي انا اوعدك اتوب واتغير الافضل واني اكون عند حسن ظنك وانا من باب الحياء اول الايام ابتسم بعدين تجرات سالته ليش وش فيك تتوب من ايش؟ كان يطالعني ويقول انت بريئه ودموعه ملي عيونه وبين فيه الالم والندم قلت هدا عنده مصيبه بس مدري وش ومع الوقت الاحظه مايثبت رجوله وحده يمدها والثانيه يحركها طول الوقت يهزها منسدح او جالس او يسوق قلت توتر يابنت مشي شهر بعدين صرت الاحظه بنزل سيارته وياخذ شوي يرجع حرك ويسولف ويضحك ثم يقول ياالله قمنا ونروح خمس دقايق ينام الليل يجيه ارق وقلق والنهار نوم كل دقيقه وثانيه حتى دوامه يسحب عليه ويتهرب منه وصار يحكي عن ماضيه بعد اربع شهور وطلع ماضي مخيب للامال كله تفحيط ومضاربات ودق عود واشياء ماتقبل فيها وحده عندها مبادئ بكيت لاشعوريا قدامه قلت كملها في شي ثاني غير الظلام هدا حلف ان ماله بالنسوان والشراب قلت انا بحلفك بالله واحنى اخر الليل طالما الفكة سهله بشهورها الاولى وش وضعك حلف يمين انه ماعنده خرابيط وانه بيقولي علشان من باب الصراحه بينا بلعت جمرتي وسكت كملنا ست شهور الرجال ماديته تطير مثل البرق صرت الاحظ يجيه تخديره قبل النوم يتكلم كثير ليما يصير زي الانسان اللي ماخذ بنج فكه يثقل ويتخدر وانا كنت منصفقه وربي مافكرت مجرد تفكير انه ممكن يكون ياخذ شي صرت ادخله مواضيع عن الاكتئاب واعراضه لان لاحظت عليه اعراض حزن هم قلق ارق نوم على نياتي واسترسل معي صار يتكلم عن حبوب اسمها الصاروخ ومدري ايش وانها تخلي الانسان يطير ويفصلها تفصيل اللي مو خويه كانه مجربها ومتحسف والله يسامح من كان السبب وانا مصدومه وبديت اشغل مخي والاحظ عيونه دائما حمراء دخوله متكرر للحمام فصلاته النوم عيونه متورمه الخدران ذا يجيه لما يكون زعلان من شي قوي مشكله بالدوام او مع اهله او انا رفضت اسلفه او نقاش مايتكلم لا يثقل لسانه وينسدح ويغفي لو عشر دقايق ويصحى بعدين صار بينا الفه وعشره كملت سنه الصدمه صار يتكلم عن طفولته كلها ضيم كانه ولد شوارع ودائما يذكر جدته المتوفيه ويقولي انه يتخيل صورتها يشوفها قدامه ومع الاسئله مني قالي انه يشوف صورة امه مو دائما والحين صار يشوفني كذا يتخيلها بالسقف هو يقول الان انه يحبني لكن انا ملئت منه رعب واشفق عليه بنفس الوقت ومرة يسولف معاي قال انا معي ورقه من الطب النفسي يعني لو اذبح ماعلي شرهه يمكن سجن واطلع وانا طار قلبي قلت صدق معاك ورقه قالي لا لا امزح وصار يحبني بشكل جنوني مو طبيعي لاتقولين احمدي ربك تعرفون الالتصاق اللي كاني ام حتى حمام يزعل اذا رحت يوم عن يوم لاحظت اني اذا تكلمت معاه يفهي كانه مايسمع يرد علي بشي ثاني وهو معي ماراح ماطلع علشان اقول ياخذ شي بس شافه رجال من جماعتنا عند اهلي وقال هدا الشخص مو طبيعي ياخذ مهبطات وترى طايحين فيها كثير شباب ولما سالني ابوي وقلته له اعراض ملاحظتها قالي ممكن اكتئاب او ممكن بلا وهو الان موقف له شهر و ١٥ يوم ماعرف سببها هو عسكري ومنزلني على اساس عنده دوره بعدين طلعت السالفه قبل مايدخل السجن باسبوع قالي انا موقف ١٥ يوم والسبب سالفه قديمه تهاوشت مع الضابط من سنه وتو يصدر حكمي وتوقيفه مو بالدوام بمنطقه العسكريه نفسها وانا بعد هدا كله امتلئت منه رعب لاماديه كويسه ولا شخص مسؤول وفوقها شكوك انها يتعاطى فكرت اطلب الطلاق وابوي يبي نجلس ونتفاهم انتم شوروا علي لاني حبيته ماتوقعت اني بحبه هو من ناحيه العاطفه معي كويس مشاكل عاديه تجي بين اي زوجين لكن دخلني الشك فيه وبعد كلام الناس اللي شافته طاب خاطري ومستحيل امسكة اقوله انت تتعاطى لان اذا يتعاطى ماراح يعترف واذا مايتعاطى بيكرهني ويصير حاقد علي ومستحيل تصير حياتي طبيعيه 😫انا محتاره هو طالع بكره واحس نفسي وحيده ماعندي احد استشيره او يتفاهم معاه ابوي كبير بالعمر واخواني من ابوي اخر همهم شافه واحد منهم على عشاء قال لابوي مارتحت له شكله يتعاطى طيب وينك من الخطبه والشبكة ليش ماتكلمت الزبده اني ابيه ولا ابيه وعقلي يقولي هجي واخاف يسوي فيني شي لاني طلبت الطلاق منه قبل فتره قريبه وجاني ركض من هنا اكتشفت سالفه سجنه وقالي انا انسان ماعندي شي اخسره بس لاعاد تطرين الطلاق انا ابيك وشاربك وانا قسم بالله ماتغمض عيني اشوف معاه بندول نايت ومره حبوب لاريكا شفتها مره والثانيه سولبادين ياخذها بالسجن ويقولي زينه تخفف الصداع وتنشط خلاص انا تعبت ماقدر اخذ قرار اذا انفصلت وماقدر اثبت شي عليه لان معاملته كويسه بس ماديته متدهوره ويضغطني انه ياخذ مني فلوس وهذي القاضي ماراح يقول غير صلح وامور انه ياخذ مهبطات ماقدر اثبتها لان قريت عنها ياخذون بروفين او ليمون تبطل مفعولها بالتحليل ويقدر يزورها ويدبرها تعرفون الرجال مايعوقهم شي وبحثت اذا عنده ملف بالطب النفسي مالقيت وش الدبره 😫❤️‍🔥تكفون وربي انه كلامه لي يوم يقول معي ورقه كان مايحس بنفسه وش اسوي ابوي مستحيل يرجع المهر وانا ماعاد اقدر ارجع له مهر او ارجع معه مهما كان يحبني واحبه فقدت الثقه والامان فيه ومعه ودي اصيح بكل صوتي اقول تكفون مابي ارجع شلون افتح الموضوع انا مابي محاكم وقضايا