زوجي !!!!!!!!!! والمحافظه على

بسم الله الرحمن الرحيم

السلام عليكم يابنااات كيف حاااالكم
ايش اخباركم ان شاااء الله طيبين

بدخل في الموضوع هو ان زوجي الله يهديه مايحافظ على صلاته بالمسجد واحينا يجمع فرضين او ثلاثه بدون عذر واحيانا يجمعهم مع الصلوات الي بكرى

والله العظيم والله يشهد علي اني حاولت كثير اني اخليه يحافظ على صلاته بس الله كريم
والشي الثاني انه ملتزم وملتحي وبالبيت ماعندنا الا قناه المجد

ومايخليني اطلع الا بقفاز وشراب
للعلم ماكاااان كذا بس مادري وش الي صارله وقبل لا اتزوجه

كان مشاء الله عليه
يقوم الليل ومايخلي القران والصلوات كلها مشاء الله في المسجد

بس الحين مادري وش البلا الي فيه

وزوجي مشاء الله عليه

طيب وحنون ويموت فيني وبار بأمه بشكل لايوصف


بس عيبه الصلاه


بس لما يكون برى يصلي في المسجد


اما لمن يكون بالبيت اسحبه تسحيب علشان يروح للمسجد ومرات يمشي معاي ومرات والله ينشف ريقي

وبدا اسب فيه

ماتخاف من ربك كيف تبي ولدك يكون محافظ على الصلاه وابوه القدوه ميحافظ عليها

والله لمن اقوله روح صل يقول طيب ويكون جالس على الكمبيوتر الين اخلص اصبري

ومن الكلام ولا
انه يروح يتوضى وسنه علشان
يخلص ويسحب رجوله علشان يروح

والله احبه وابيله الخير ابي طريقه ولا لمن انصحه يتعدل يوم يومين ويرجع

ودايم اقوله تراني بقول لأمك انك ماتحافظ على الصلاه وتجمعها ومن الكلام

يهاوشني

لن امه ملتزمه وما ترضى ان يكوم ولدها كذا واخاف اعلمها تصير مشكله طول وعرض

لان من ناحيتي مافي فايد ه


الله يوفق كل وحده ترد علي ويدخلها الجنه ويسخر ازواجكم لكم قولوا امين

ابي حلولكم وارائكم علشان اغيره من الناحيه هذي
وخليه يحافظ على الصلاه

والله احبكم يابناااات حواااء
لانكم مشاء عليكم متعاونين مع بعض في حلول مشاكلكم والله يوفقكم

واسفه اذا كان تعبيري ملخبط

ولكم مني دعوه حلوه الي تعطيني حل