زوجي والمسيار ازعجنا

السلام عليكم جميعا
بقولكم قصتي المتعبه الي ماكنت اتوقع اجي يوم واكتب مثلكم كنت والله اذا شفت مشكله وحده ادعي لها واليوم انا اصارع الألم بداية القصة متزوجة من ٣ سنوات و٨ شهور من رجل حافظ لكتاب الله وإمام مسجد واخلاقه عاليه تزوجت وعمري ١٧ إجبار من اهلي عشت اول سنه احلى حياة يحبني واحبه ماكنت افتح جواله ابد كنت واثقه فيه تمام الثقه حملت بولدي بعد سنه وفي شهري السادس تقريبا لقيت تقريبا ٥٠ ورقه مطبوعات بارقام خطابات انصدمت وسألته رفض يعلمني بعد ولادتي تعبت كثير بغيت اموت لولا لطف ربي صار عندي خطا طبي وماكذب عليكم وقف معي مره واستغليت فرصة اني تعبانه اسأله عن الاوراق قال هذي اوزعها على الناس الي يبون مسيار او تعدد ومن بعد الاوراق صرت دايم افتش جواله وصرت اشوفه يكلم خطابات وخطابين واذا واجهته قال مو لي لواحد قلت طيب اذا الواحد هذا ماعدل بين زوجاته راح تكسب اثم لانك انت المتسبب عصب وقال لالا انا وش دخلي وصرت اشوف اشياء واسكت اسكت وانا بداخلي غصه من ترضى ان زوجها يكلم خطابة وشفته مره يكلم رقم كثير واخذته وسجلته بالنمبر بوك طلع مكتوب زواج وسكت وقلت ان شالله مو له بعد ماتم ولدي سنه حملت بالغلط بغيت انهبل لكن مكتوب وولدت قبل اربع اشهر بنفاسي لحظت زوجي ساهجني مع انه مايجي الا بعد اسبوعين لاننا بديرة ثانية صرت اتضايق واشك بعد مارجعت لبيتي وركدنا فتحت جواله على ولد خالته لانه دايم يرسله سوريات للمسيار والقاه داق على الرقم وكل برودكست حقات ولد خالته عن الحريم كبر زوجي بس للحين ماتزوج المهم فتحت المحادثة لقيت زوجي يقوله وين النا س قال ولد خالته بلاك ماشفت الي اشوف رخص ومتعة قال زوجي وين باندونسيا قال ايه قال زوجي يعرفن لغة عربية ويسأله اسئله كثيرة متحمس وولد خالته يقول لايفوتك الحق البكر ٣ الاف والثيب الف جلس زوجي يصفق 👏👏 ويقول هلاهلا قال متى تجي اخذ علومك وكل يوم اشوفه مرسله ماجيت ؟؟ انا السالفه ماقدرت اقراها ادوخ بعدين اصحصح واكمل قرايه وناقشته قلت كل عمرك تقول الزواج بنية الطلاق مايجوز والحين صار عادي قال لا انا كنت قبل اقول مايجوز لكن الحين فيه اختلاف مرضني وجنني المهم اكتشفت انه ماراح برا ويقول انا ضد الي تزوج ويطلق لان الحكم مختلف فيه وقال هذي كلها سواليف رجال مو جد ومن بكرى اشوف بجواله داخل موقع زواج ماتاب لكن ماقدرت افتحه ومارتحت ضليت انبش بجواله لين شفت الرقم الي قلت لكم عليه فوق اسمه زواج يكلمه دايم ربع ساعه على طول اخذت الرقم وارسلت من جوالي ايش الرقم هذا رد صاحب الرقم هذا موقع زواج للسعوديين والمقيمين فيها والرقم طلع مدير الموقع وواجهته قال اخطب للي يبي مسيار قلت وش عليك من الناس يعرفون يخطبون ماتعطلوا عشانك ماخطبتلهم وواعدني وعد انه يترك هالاشياء التخطيب مع انه مو اول مره يواعودني ولايتوب لكن هالمرة باين انه جازم ارتحت كثير وقلنا خلاص نترك الماضي ومره من الليالي واحنا بنام قبل اسبوعين يعني قال انا لك وانتي لي بس انا خلاص ماراح اخطب لاحد ولاراح ادخل موقع ارتحت ومن بكرى اشوف الرجال ماسك جواله ومتحمس ومرتبك عرفت انه بالموقع وانا عارفه اسمه بالموقع لكن ماشفت عليه شي جلسنا نتهاوش مو امس مواعدني قال الا بس انتي ذكرتيني كذاااب اذا ذكرتك يعني تدخل واذا قلت له قلي منهم الي تخطب لهم عشان اصدق قال مادور لاحد قمة التناقض اقول اجل ليه مسجل يقول ادور لواحد وعلى هالحال والموقع التسجيل فيه بفلوس والريال بالموت يطلع منه غير ان ظروفنا الماديه صعبه جدا جدا جدا حتى حليب ولدي احيانا مايقدر يشتريه واعطيه من فلوسي المهم هو شافتي بذيك الليله الي كشفته ماسكة جوالي ومتحمسه قال وش تسوين وعصب اكيد تحاولين تدخلين من حسابي وخايف مره انا يوم قال كذا قعدت احاول لما راح ينام وعرفت الرقم السري وغيرته ودخلت اه وليتني مادخلت لقيت المفضله كلها سوريات يطلبن مسيار كل السوريات الي بالموقع طالب منهن تواصل ووحده سوريه عشانها عندنا بالرياض مرسلها خمس رسايل خاصه ومحذفهن ومرسلهن بتاريخ اليوم يعني اليوم مرتبك صار قاعد يراسلها وامس يقولي خلاص تركت الموقع هذا الي شفت بس والي ماشفت الله اعلم فيه هنا انا انهرت رحت اركض لمه وصرخت بوجهه مابغى اعيش معك ياكذاب يامنافق قال انقلعي لاتقعدين على طول كلمت امي مو حلا صابرة عليه من سنتين امي هدتني واهلي كلهم عرفوا سمعوا امي وهي تكلم من بكرى طلب مني فطور وسويت له وجلست ابكي قدامه انا وش ناقصني وهو ندمان وجلس يبوسني وقال بس تسليه قلت مطوع وامام مسجد واتسلى ماتدخل العقل قلت ياأنا ياتتزوج سوريه انا مامنعتك لكن انا اروح اعيش شبابي ببيت اهلي قال اكيد ابغاك انتي وش ابغى فيهم بس ماصدقته خلاص قلت انا ماعاد اثق فيك وخلاني انا الغي عضويته بالموقع بس قال الغيه ياويلك لوتكذبين علي انك مالغيتيه يخاف يجي رساله خاصه من السوريه واقراها قلت له ارتاح الغيته وانا اكذب هو مايقدر يدخل لاني غيرت الكلمة السريه بالنهايه قلت اكتب لي تعهد انك ماتروح للخرابيط قال اوعدك خلاص بدون مااكتب بس بشرط تحسنين سمعتي مثل ماشوهتيها عند اهلك لان امي تمووووت فيه وهو تفشل وسويت الي طلب مني بس ماصدقوا اهلي بالمره قال خلاص فتحنا صفحة جديدة لكن مازال بقىلبي غصه وكل شوي افتح. الموضوع يقول خلاص لاتذكريني بالموضوع بستفرغ انتي مصدقه ومره يقول ايه مسجل ابقهرك ومره يقول تسليه ومره يقول ادور لجارنا السوري قلت السوري يبي زوجة معه وانت تدور مسيارقلت انت واعدتني تتركه وانت قدوة للناس قال انا وعدتك اترك التدوير لي انا ادور للناس قلت شي جديد ماشالله تدور لك قال هههههه لالا شايفه الفلوس ارتاحي ترى بتندمين بعدين انك. تعبتي على لاشي المهم السوريات بالموقع يجيهن رسايل بالهبل فما يردن على الناس ومن ضمنهم زوجي وتخيلو يقولي مدري ليه مسجلات وهن مايردن عليناهذولي لعابات قلت يعني انت جاد قال لاتسليه مو صريح ابد عجزت افهمه وسالته ليه تترك الموقع عشاني ابتدلع ايقالي قال عشانك وعشانهن ماردن علي عصبت قال احمدي ربك انهن ماردن علي مو تعصبين ويقولي هذي الايه( وكفى الله المؤمنين القتال ) واشوف يكتب بالبحث معلمة تريد مسيار . ممرضة تريد مسيار بالنهايه بعطيكم بعض المعلومات انا عمري ٢٠ وهو ٢٩ الحمدلله بيضاء مثل السوريات الي ازعجنا عندهن ومزيونه وجميله جداوطويله وجسمي رشيق مره ماشالله وماقصرت معاه باي حاجه حتى هو يقوله اما هو يحب السوريات اول شهر من زواجي يقول تكلمي عندي باللهجة السورية واذا شاف طفل سوري يخق معاه تقل شايف الجنه المشكله هو اسمر وعادي جدا جدا وعيالي جذبتهم بالبياض والشقار بس مايشوف الا الي برا ابي حل وش السبب يسوي كذا من مر بنفس حالتي احيانا اقول من الفراغ لانه ماعنده لاشغل ولامشغله واصحابه قليلين ساعدوووني ادري القصه طويله ويمكن كلامي ملخبط معليش