زوجي والمصروف....وقوامة الرجل بالانفاق

مرحبا يا صبايا
بدي ادخل بالموضو ع مباشرة
انا قبل لاتزوج كنت بشتغل وزوجي وافق على عملي وقال لي المهم ما تقصري بالبيت واتفقت معه اني ادخر راتبي للزمن.
صار لنا متزوجين 5 سنين
وهو عافي نفسه من كل الانفاق الا بالمأكل والمشرب
يعني ما اشترى لي من يوم ما تزوجني الا مرتين اهداني بلوزة ومرة بدي
ناقشته كثير وقلتله الواحدة منا لو كانت مليونيرة بتجب زوجها يعطيها مصروف ...او على الاقل يشتري لها فستان واحد بالسنة !!!!!!!!!
وهو بيقولي اه و ماشي وان شاء الله
ومرة كان عرس اخوي....وطلبت منه فلوس لاشتري فستان سهرة (فساتين السهرة غالين شوي عندنا) وقال لي بعطيكي مبلغ وانت كملي عليه ..ووافقت
بس هو ما اعطاني طلبت منه مرة ومرتين وثلاث وبعدين حسيت اني بستجدي منه فدفعت المبلغ كاملا.
حتى الهدايا عافي نفسه منها اما ادبر حالي من البيت او انا اشتري من راتبي ...
ولما اهلي بيصير عندهم مناسبة بيماطل بشراء الهدية وبيتأخر كثيييييييير مما يضطرني لان ادفع مني انا !!!
شو رايكم يا صبايا ؟ ومين عانت مثلي؟
وما تقولولي مش مشكلة لانك بتشتغلي واصرفي من راتبك...لاني بدي اخليه يشعر بالمسؤولية تجاهي وحقي الشرعي بالانفاق بالمأكل والمشرب والكسوة

والله يا بنات لما بشوف غيري من القاعدات بالبيت ومستتات ...انه جاييهم كل شي لحدهم وبيلبسو ااحسن لبس وبيصرفوا على خاطرهم اني بنقهر من جواة قلبي.
واخيرا طلب مني اني استقيل من عملي...,وافقته لانه من حقه اني اقعد بالبيت ....
بس المشكلة
هل رح يقتر علي بالمصروف ؟؟ هو قال لي بعطيك الضروري مثل ما بياخذوا الزوجات.... بس انا شاكه بالموضوع...لانه رح يظل عينه على مدخراتي ونهاية الخدمة اللي رح اقبضها !

والمشكلة الاكبر اني اتعودت اشتري من راتبي العطورات والملابس والاكسسوارات والمكياج و و و و و
واللي هو رح يعتبرها كماليات !
والله خايفة ومش عارفة شو اعمل
دلوني الله يخليكم