السلام عليكم الله وبركاته
كيف حالكم اخواتي ان شاءالله بخير؟
حبيت اقولكم سالفتي وان شاءالله القى عندكم الحل اللي يريحني لاني ولله اعتبركم خواتي واخذ برايكم...
السالفه ومافيها يابنات اني متزوجه من 8شهور وشوي وزوجي يحبني والحمدلله ومو مخلي علي قاصر ورجل ملتزم ويخاف ربه المهم قبل 4ايام تقريبا استخدمت لابتوبه بالصدفه مالي كان خربان وكان بره البيت واستاذنت منه واذنلي ويا بنات المصيبه لقيت مقاطع الله وكيلكم تقشعر بدن الواحد وماصدقت اللي شفته قلت مستحيل زوجي يسوي هالشي كان كبير بعيني وفجاة وبلحظه احتقرته وكرهته وطاح من عيني يدعي الدين والصلاح ومع هذا يسوي هالاشياء والله حسيت كرامتي انهانت انا مومخليه عليه قاصر والله صدقوني حتى هو يقول انه مرتاح معاي وماعمره شكى مني بشي المهم يوم شفت هالاشياء زعلت وتضايقت حقرته وما اكلمه يسالني شفيج مارد عليه طول اليوم لي اليوم الثاني العصر هو درى اني شفتهم حس بس اناماقلتله عاد شوفو شسوى يابنات اخذ لابتوبه ويكلم بتلفون يقول يله حطيته لك بره وحطه عند باب شقتي ودش سالته وين لابتوبك قال عطيته اخوي بيبين لي انه اخوه اللي مشغل هالشغلات معنه اخوه ولامره طلبه وخذاه انا متاكده ان زوجي اللي شايف هالشغلات وبفعله اكدلي وشوفو شسويت سويت نفسي غبيه وان مشت علي السالفه وسالته اخوك اخذ اللابتوب من قبل قال ايه والله يابنات اني مدري شلون تصرفت هالتصرف سويت نفسي ولا كان صاير شي وجيت عنده وقلتله سامحني ضنيت فيك ضن السوء وقلتله شنو شفت وقعدت اشرح شعوري تجاهه شنو كان قتله انك طحت من عيني و كرهتك حييل استغليت الفرصه اني انصحه بطريقه ثانيه وبديت اقوله ديربالك على اخوك وموزين اللي يسويه حرام وتخيل لويموت على جذي وانه زاني لان العين تزني ومن هالكلام اخترع وقال انا اتصرف معاه والله دست على قلبي وسويت نفسي عادي حسيتها فرصه ماتعوض اني انصحه بطريقه غير مباشره لاني اعرف نفسي صعبه اواجهه وبعدين قلتله قط اللابتوب مانبيه خربان ورايح فيها جان يكسره جدامي وقطيته بالزباله وانا ان شاءالله ماراح اخليه بذكره دايم بالله واهتم بنفسي اكثر وبلبي كل احتياجاته وبدعيله دايم بالهدايه وبراقبه بين فتره والثانيه اذا رد لهالشغلات لي تصرف ثاني معاه والله يقدرني على هالشي والله يهديه ان شاءالله...
انا الحين خواتي هل صح اللي سويته ولاكان لازم اواجهه واعلمه اني دريت عنه والاجذي احسن قولولي والله محتاره وذبحني التفكيير؟!
وسامحوني عالاطاله وجزاكم الله خيير على استماعي...
جوارحك ستشهد @goarhk_stshhd
عضوة جديدة
يلزم عليك تسجيل الدخول أولًا لكتابة تعليق.
جوارحك ستشهد
•
استغفر الله واتوب اليه
تصرفك عين العقل والإنسان لا بد ماتجيه لحظات ضعف عاد هنا يجي دور اللي حوله بالنصح والإرشاد المثمر مو العتاب اللي مايجيب نتيجة والله يكملك بعقلك
AL Jody
•
تخيلي انك واجهتيه بالحقيقه راح ينكر وتزيد المشكله تعقيد
وبالاخير بتطلعين انتي الغلطانه
بس من جد ماشأء الله عليك
دستي على قلبك >> بس فيه نتيجه
اللي هي انه كسر الاب
وبالاخير بتطلعين انتي الغلطانه
بس من جد ماشأء الله عليك
دستي على قلبك >> بس فيه نتيجه
اللي هي انه كسر الاب
الصفحة الأخيرة