زوجي والوسواس القهري وانا

السلام عليكمورحمة الله وبركاته
اليوم حبيت افضفض لكم مشكلة متعبتني لها سنه ونص تقريبا زوجي كان انسان رائع مزوح الكل يحبه ويحب يجلس معاه كان ونعم الزوج ونعم الاب لعياله دايم يحترمنا ويلبي كل رغباتنا انا وعياله عمره ماقصر معانا فشيئ كان مقصر بصلواته دايم يأخرها ويجمعها الين وصل انه يترك الصلاه مايصليها لاحظت عليه وقعدت انبهه انه انت ملاحظتك ماتصلي كان يجحد ويقول صليت بس انتي ماتشوفيني تقريبا صار على هالحال اكثر من اربع شهور صار انطواءي دايم على النت طول يومه تخيلو ينام ساعه ويقوم يقابل النترنت نومه صار ملخبط يعني يادوب ينام باليوم ثلاث ساعات الين مره جاء من الدوام ونام يمكن سبع ساعات قام انسان ثاني انسان موسوس يقول قلبي يرجف احس بدوخه وبس يتشكى الين وصل فيه الحال انه يشك انه بيذبحني ويذبح عياله حاولت اهديه وابين له ان هذا من وساوس الشيطان بس مافي فايده قعد يصارع الاوهام شهر كامل لين تدهورت حالته وراح طبيب نفسي شخص حالته ان عنده وسواس قهري زوجي كان طول هالفتره ماينام تخيلو واحد ينحرم من نعمت النوم بس طول اليوم يتثاوب قسم شي مو طبيعي صار مينام الا بمنوم وعطاه مهدئات وحبوب اكتئاب يناس زوجي كل ماله يذبل وتصرفاته الطفل الصغير ينتقدها يسوي اشياء وربي احيان اقوم ابكي من القهر مدري وش الي قلب حياتنا كذا الحين الاوهام الي تجيه كلها انه يأذيني او يطلقني صار عصبي معي مايحترمني ابد من اسولف معاه صار زي النار لازم يعصب علي الله يوفقكم دلوني على حل انقذه من هالاوهام الي عايش فيها خايف يسوي فيني شي او يسوي فنفسه شي وهو حاول مرتين ينتحر يقول تجيني افكار اني أذيك انتي وعيالك فأفكر انتحر واريحكم مني ادعولي ياخواتي انا فهم مايدري فيه غير ربي