زوجي وامه جننوني بموضوع الخلفه رغم اني حامل الحين

اول ماتزوجت رفض زوجي اخذ مانع.. وحملت بعدها بشهرين.. اجهضت حملي ورجعت حملت بعد 3شهور.. تخيلوا كل هذا وانا لسى عروس.. وجبت بنتي الله يحفظها بس بعملية قيصرية.. من وقت نفاسي وام زوجي تزن على البيبي الثاني.. وزوجي قال مومشكله ارتاحي سنتين بعدين البيبي الثاني لكن رافض المانع ومصر عالعزل.. وانا تعبني العزل كثييييير وجاب لي اكتئاب وماكنت استمتع ابدا بالجماع ولا احس اني خلصت.. واضطريت اخذ مانع بدون علمه.. عرف زوجي وزعل شهر كامل بعدين رضى.. وطبعا طول هالفتره وام زوجي تزن وتزن وتزن بكلام يسد النفس وتشحن ولدها علي وتقول لي يلا متى تحملي او احملي حتى مايتزوج عليك!! وتقول المرأه الكاملة اللي تدخل ومعها طابور اطفال!!!.... المهم حملت بعد ماكملت بنتي 3 سنين..وهالمره ببطني ولد ماشاءالله وانا الحين بالتاسع... احتمال كبير اولد عمليه مره ثانية على كلام الدكتوره.. وام زوجي برضو مو عاجبها وتزن تبغى الثالث من الحين!! وزوجي لازال رافض مانع الحمل بحجه انه خايف يسبب لعقم مؤقت ومره يقول الحبوب تخلي المراه العصبيه..وانا اشوف طفلين في اربع سنين نعمه واحتاج اربع سنين فوقها حتى ارتاح شوي لان بنتي مززززعجه الله يصلحها وانا ناويه اتوظف وحابه يكون لي استقلاليه ودوام ومستقبل الخ.. وزوجي مو معترض بس رافض الحبوب!! وامه تزن عليه كل شوي بشكل مززززعج!! واللي يقهر انها بعمرها ماتحملت مسؤوليه بنتي ولا تهتم كثير فيها.. امي الله يحفظها اللي هي اللي تمسكها لو عندي مناسبه او اضطريت اتركها بالبيت.. ام زوجي تشوفها ساعتين بالاسبوع بس!! ومع ذلك تبغى تهد صحتي بكثره الحمل والولاده.. وتحسسني دايما بالنقص رغم انو بنات عيلتهم كلهم مامعهم الا طفل او طفلين واكثر وحده معها 3 وكلهم متزوجين قبلي!!.... احيانا اقول اطنشها بس مقهوره من زوجي اللي دايما يحب يرضي امه على حساب راحتي وصحتي... اما سالفه انه يتزوج علي فالحمدلله ماقالها لكن انا مقتنعه ان الرجال لو فكر يتزوج بيتزوج سوا ماعنده اطفال او عنده عشره... لكن ودي اعيش مبسوطه زي باقي الحريم ودي ارتاح كم سنه بعد حملي واخذ مانع وامارس الجماع كامل بالشكل الطبيعي.. انا مكتأبه من حياتي ومن نفسي تعبت من زوجي وامه