زوجي وامه وغيرتهم من الضيوف

بدخل بالموضوع مباشره بس ياليت شوي تركيز في التفاصيل لان اللي ترد وهي مو فاهمه ماراح ارد عليها بطنشها اقري التفاصيل زين وركزي بعدين ردي الله يرضى عليك
زوجي يقربلي وامه تقربلي وانا وحمولتي ساكنين مع بعض انا ساكنه تحت وام زوجي فوق
طبعا اللي يقرب لعمتي يقرب لي واللي يقرب لي يقرب لعمتي الى الحين كل شي واضح؟
من يوم تزوجت ومن وانا عروس لاحظت زوجي يعصب لو احد عزمني وماعزم امه بأي مناسبه حتى لو تافهه حتى لو سخيفه (وترى نادرا انهم مايعزمون عمتي جدا نادر بالعاده انا وهي ننعزم سوا)
المهم زوجي يعصب حتى لو اللي عزمتني حرمه وحده فقط وقالتلي حياك انا وانتي نتقهوى زوجي ينعفس فوق تحت يصير يقط حكي ونغزات وكلام جارح وانا كنت خبله ما افهم هو ليش يسوي كذا وليه يقول كلام جارح كذا بس بعد سنوااااااااات من زواجي فهمت اللعبه
يعني مثلا بنت خالي قالتلي تعالي تقهوي عندي انا وانتي بلحالنا اكلم زوجي اقوله ودني يقول هي عزمتك؟ اقوله ايه يقول وش قالتلك ؟ اقوله بالحرف وش قالتلي , على طوول يطق التكشيره ويقول والله مدري اشوف ظروفي وهي ليه تعزمك بهالطريقه اللي مافيها احترام لك ؟!! اقوله كيف يعني؟!! يخترع اي كلام سخييييييييف عشان يطلع اسلوب عزيمتها لي مافيه احترام لين يخليني اكره بنت خالي واعتذر وما اروح وكل زعله بالحقيقه عشان امه ما انعزمت ! ياني كنت مغفللله
وبعد فتره تجي بنت خالي نفسها تسوي حفله وتعزم الكل ومن ضمن المعازيم تعزم ام زوجي هنا زوجي يفررررررح ويطير ويقولي بوديك وين عنوانها الخ
نجي لام زوجي ااااااااه يا بنات اااه
ياما وياما خططت وانا كنت ياغافلين لكم الله اثاري كلما احد عزمني او احد نوى يجي يزورني ببيتي ام زوجي توولع ليش يجون عندي ومايجون عندها هي! ماكنت ادري وش ينطبخ من وراي
اكتشفت اخيرا ان طول سنين زواجي الكلام الجارح هذا كان من ام زوجي تحفظه ولدها ويجي يجرحني به اثاريها هي بعد تولع لو احد زارني او لو احد عزمني وماعزمها (وزيما قلتلكم هي نادرا اللي مايعزموها جدا نادر بالعاده انا وهي دايم يعزمونا سوا)
والله ياما زاروها حريم ولا تكلمت ولافتحت فمي بحرف ولا فكرت ازعل
والله ياما عزموها بزواجات واعراس وطنشووووني وانا وربي ولا بقلبي حتى افكر مجرد تفكير اني ازعل
وصلت في مره من المرات وكان اقسى موقف مريت فيه صار زواج لاقاربنا عزموا ام زوجي وبناتها كلهم وزوجي حتى عزموه وانا لاااااااااااااا ورب الكعبه ام زوجي وخواته راحوا كوفيره وكشخوا وزوجي يدهن نفسه بالعود وانا جالسه بلبس البيت اشوف التجهيزات وساكته وش السبب اللي خلاهم مايعزموني؟ يكرهوني مرره فقرروا مايعزموني والله انهم حطوني بموقف بايخ قدام زوجي وحمولتي وانا ولا تكلمت بحرف ولا قومت الدنيا والادهي زوجي ماقال شي ولا زعل بالعكس كان فرحان, والله العظيم انهم عزموا اخت زوجي اللي عمرها 14سنه وانا زوجة ولدهم طنشوني خلوني اقعد ببيتي ومع ذلك ماتكلمت.
بالمقابل يوم وحده من قرايبي تعزمني ببيتها قهوه ام زوجي تقوم الدنيا وتحرق جوال زوجي اتصالات قدامي يروح ركككككككض لمجلس الرجال تكلمه ساعه او ساعه ونص يجيني مشحون وجه احمر طماط وليه قريبتك تناديك بهالطريقه؟ وينها ماعبرتك من زمان؟ اكيد تبي مصلحه منك ؟ ماعزمتك لسواد عيونك ترى !!! ليه ماعندها احترام ليه ماتسوي كيت وكيت؟
يعني يدور عذروووووووووووب عشان يفقدني ثقتي بنفسي فهمتوا؟ وكله عشان محروق ليه مايعزمون امه
و اااخ ياالقهر لو عزموا امه او زاروها ناس ببيتها يفررح يموت فرحه
لمعلوميتكم ام زوجي ماتحب المناسبات ولا تحب تستقبل ضيوف وبلسان زوجي حتى هالكلام يقول امي انطوائيه وفعلا يابنات والله العظيم انها تمر سنه كامله ماتعزم حرمه وحده ببيتها انطوائيه واذا راحت مناسبه هي اول وحده تلبس عباتها وتطلع بدري واخروحده تروح وياما وياما عزموها اعراس وحفلات وعزايم عشا وماااااااااااااااااا تروح ترفض قطعا لانها ماتحب
لكن يركبها مليون ابليس ومليون عفريت لو احد عزمني لوحدي !!!!!!!!!!! ولو تغار من اليوم لبكره ماهمني اللي اتعبني ولدها يقول كلام يجررررررررررح يجرررررررررح واحيانا اكون بصدق كلامه عن فلانه وعلانه واكون على وشك اوقع بالفـــــــــــخ وهذا اللي اتعبني
انا ما اعرفكم ولاتعرفوني يعني مالي مصلحه اني ابالغ
اخر مره ثنتين يقربون لي ولام زوجي اتصلوا على ام زوجي على اساس يزوروها ويزوروني بنفس اليوم (على اساس تكون جمعه لنا كلنا ببيت ام زوجي) زوجي فرررح طبعا المهم ام زوجي قالت لزوجي تراني صرفتهم ما ابيهم مو فاضيه مشغوله
جاني زوجي وهو يضحك قال امي خلاص صرفتهم قلتله ليه ؟ قال مو فاضيه لهم خلاص ماتبي
اتصلت علي ام زوجي قالت اسمعي لو سألوك عني قولي لهم اني مشغوله قلت ليه ياعمه ؟ قالت مو فاضيه لهم انا وراي سوق قلت طيب لو سألوني عنك بقولهم انك مشغوله ابشري
ثاني يوم اتفاجأ اتصلن الحرمتين علي وقالولي ترى ام زوجك صرفتنا وحنا قررنا نجيك انتي بعد ثلاث ايام قلتهم حياكم
وتصير الطااااااااااااااااااااااااااااااااااامه , زوجي وامه بغوا ينتحرون اااااااااااه ماتوقعت اللي صار وهالموقف هو سبب كتابتي للموضوع والله ثم والله ثم والله اني ما راح اكذب عليكم بحرف
قعد زوجي ثلاث ايام يهين بكرامتي بكلام جاااارح وامه ثلاث ايام ورا بعض وهي تتصل باليوم اكثر من عشر مرات وزوجي يررركض عالمجلس ويتساسر معها وزوجي شهيته للاكل صارت صفر ماياكل ويجيني ويرمي كلام مهين مهين مهين وربي ما ابالغ ترى زوجي وامه مرضى نفسيين
طول ما حنا جالسين عالتلفزيون كل شوي يطلعلي بكلمه كل شوي يرمي كلمه وانا ادري انه تخطيط بتخطيط مقهورين ليش قرروا يجوني بالرغم انها رفضتهم
يعني لايرحمون ولايبون رحمة ربي تنزل مو انتي اللي رفضتيهم؟! طيب انتي ماتبينهم كيفك لكن ليش تزعلين انهم بيزوروني وش منقص عليك جيتهم لي؟ تراهم قرايبي مثلما هم قرايبك! ولا تبينهم يبكووووووووووون عشان رفضتيهم مثلا ؟؟؟
زوجي ثلاث ايام توتر بتوتر قالي اسسسسسمعي قلت نعم قال تراهم جايين عشان امي مو عشانك!!!! قلت مو تقول امك صرفتهم قال ايه بس شكلهم يتحججون فيك عشان يبون يمرون عندها بعد مايطلعون من عندك قلت اذا مروا عليها انا مالي علاقه هم وامك مع بعضهم كيفهم
شوي يقولي اسمعي ترى امي قالتلي لو دقوا بابي ماني بفاتحه لهم قلت ماراح يدقون ترى الناس عندهم كرامه ويحترمون انفسهم امك صرفتهم ماراح يدقون عليها ضحك بأعلى صووووت قال بيدقون على باب امي وبتشوفين ولا وش جابهم اجل؟ انا سكت لاني عرفت ما قال هالحكي الا من حر مافيه
وجا اليوم المنتظر ويوم دقن الحريم فتحت الباب عشان استقبلهم واشوف ام زوجي مشرعه باب بيتها وفاتحته عالاخر وحاطه البخور عند باب بيتها !!!!!!!!!!!!!!! واضحه الحركه عشان تبي تلفت نظرهم وينشغلون فيها ويجون عندها لانها اول مره بحياتها تترك بابها مفتوح بابها دايم مقفل
وبعد ما زاروني جا زوجي من بره وياكل اظافره قال اسمعي قلت نعم قال ماسألوك عن امي؟؟ قلت لا (وهذا الصدق) ويزززززززززززعل زعل وينقلب وجهه قال امممممممممممم
شوي قال طيب وهم خارجين من عندك ماقالوا يبون يمرون على امي؟ قلت لا والله ماقالوا
شوي قعد يذم فيهم وطلع فيهم عذاريب الدنيا قال ليه يجون وقت المغرب ليه مايجون قبل ؟ شوي قال قليلات ادب ليه طلعوا بدري وكانهم مغصوبين عالزياره ؟ (( اسلوب دس السم بالعسل يعني يبي يوصلي رساله انهم مايبوني وما طولوا عندي))
شوي قال ماقالوا انهم بيجون عند امي مره ثانيه؟ قلت اذا يبون يجون لامك بيتصلون عليها زيما اتصلوا بالمره الاولى قال اممممممممممم وهو مكشششر وجهه يقطع الرزق استغفرالله
وتصير المفاجاه بنفس اليوم ام زوجي اتصلت علي قالت شلونك شخبارك ومعصبه قالتلي فلانه وفلانه زاروك؟؟؟؟؟؟؟؟ قلت ايه ياعمه قالت اهااااا تراهم مازاروني عشاني صرفتهم بمزاجي ترى و هم اكيد بيزوروني مره ثانيه اكيييييييييييد (( وقاعده تضغط على كلمة اكيد)) قلت الله يجعلهم يزوروك دوم مو يوم ياعمه
قالت ان شاءالله وبس
والله ماتوا ماتوا على هالزياره صدددددمتهم هالزياره الظاهر هم توقعوا ان الحرمتين بيبكون عالاطلال وان بعد ما الحرمتين يزوروني بيروحون يوقفون على باب عمتي ويترجونها تفتح لهم الباب!!!!!!!!! عقول سبحان الله