زوجي واموره الماديه وحياتنا الخاصه// مُعدل

السلام عليكم




انا آسفه على الصراحه باسم الموضوع لكن انا أعاني
وأتمنى ألقاااء حل لمشكلتي
وان شاء الله البنات بالمنتدى ما راح يقصروون
القصة وما فيها أن زوجي الحالة المادية جداً سيئة وما قلنا شيء والحمدلله وحاولة اسعاده باللي اقدر عليه وحرمت نفسي أشياء كثييييره
علشان ما اضغط عليه والله سبحانه ما راح يضيع شيء والحمدلله .
وكلام حلو ما فيه وبرضوا ما قلنا شيء
ولمس ورمنسيه ما في ولا قلنا شيء
نقول مثل ما يقول الرجال أفعال 
والحمدلله
لكن حتى الفراش ( ......)
ما فيه هذا الشيء اللي تعبتي نفسياً ودهورت  حالتي و كل وما تقول بتزين أشوف الوضع يسوء 
وخفت اصارحه والوضع يسوء ازود بدل ما يكون فيه شوي (...) معليش بنات ما ابغى اصرحه يكفي التصريح بالبداية
وأخف الشوي هذا يختفي بالمره 
زوجي متحطم ويأسه بسبب الحاله المادة والديون 
حتى صار ما عاد يستمتع بأي شيء ودايم كاشت)؛ اي بالعربي  هارب من كل شيء
و أتمنى انه يتحسن وادعي له ليل نهار
والله يغير الحال
وأنا ابغى من اللي تعاني من نفس حالتي تساعدني كيف أشغل نفسي وأنسى التفكير بزوجي ولا احمله فوق طاقته
وش الأساليب والطرق اللي تساعد أني أخفف من تعلقي بزوجي
والله يا بنات انه ما يجيني إلا شفقه على حالي
أما هو ما يشتهي بالمره 
تعرفون معنى كلمة عايف!!!  عايفني وعايف الحياه كلها
ولا تقولون الطلاق لأني احبه واموت فيه ولا اقدر أنسى العشره اللي بيننا وان شاء الله يرجع مثل ما كان وأحسن
وعندي منه خمس أطفال بس والله لو عندي عشرين وأنا ما احبه والله ما اقعد دقيقة
ولا اقدر أنسى الأشياء الكثيره اللي ساعدني فيها وتغيرت حياتي للأحسن بفضل الله ثم بمساعدته وتشجيعه لي وأنا الحين مدرسه وعلاقتي الاجتماعية زينه ونسيت أقول أني ولله الحمد جميله وجه وجسم وشعري ماشاء الله يهبل بس حالين ما تغري زوجي بأي شيء
وكل من شافني ذكر الله إلا زوجي ما يتحرك فيه شعره وحده والوضع عنده سيان
انا ابغى شيء يصبرني ويسلني لين ربي يفرجها علي وكل وحده تعاني معاناتي
وابغى قصص نفس معاناتي تسليني بعد
وان شاء الله البنات ما يقصرووون