زوجي وامي بين نارين

يابنات حابه اخذ رايكم بموضوع واتمني تساعدوني ولا تردوني هو الموضوع ممكن اغلبكم يشوفه بسيط بس هو كبير عندي وحاسه اني بتمشكل يامع زوجي او مع امي وبالنهايه انا الخسرانه بالحالتين
السالفه ومافيها لنا قريبه بتتزوج بعد العيد وانا سكني بعيد عن اهلي ممكن نص ساعه والزواج بديره اهلي وبنفس اليوم زوجي مابيقصر بيوديني من الصباح بيت اهلي عشان نخلص من المشغل وغيره وبعدين الزواج بيودينا سواق او اخوي بس البلوة باللليل بيرجعنا سواق وزوجي مايرضي اركب مع سايق لحالي ابد يخاف من السوالف الي تصير والسواق اكيد بيوصل امي وبعدين بيوديني لانه مشواري بعيد عن امي وزوجي بهاليوم عنده دوام اخر ليل ولا بيكون موجود عشان يرجعني والا هو مايقصر
قلت المشكله لامي وبكل بساطه تقول لي وش دراه عادي ارجعي مع سايق لحالك مابياكلك وكلمت اخوي وقال لي عيب تكسري كلمه زوجك عشان زواج طز فيهم وبزواجهم اهم شي زوجك وحياتك بعدين بتنعدم الثقه بينكم وكلام كبير كثير وحاولت بامي اني مااجي الزواج وزعلت 3 أيام ماتكلمني وبعدين راضيتها وقالت لازم تروحين
الحين انا بين نارين لو رحت برجع بسايق لحالي ويمكن زوجي يعرف او يكون احد واقف عند باب بيتنا من اهله لاني ساكنه فوقهم ويعلمه وتصير مشكله كبيره مره واذا مارحت امي بتزعل وقلت انام ببيت اهلي صعبه مره ماعندهم مكان وانا عندي ولدين وبنت وين اوديهم وابوي مره كبير وعصبي واقل صوت يصارخ ومافي مكان أساسا وش اسوي مره محتاره امي كل همها اروح الزواج بغض النظر عن الي بيصير بعدين لاني بنتها الكبيره فلازم اروح وش اسوي شورو علي خايفه مره ولا ابي اكسر كلمه زوجي ويصير شي لايحمد عقباه لو أي وحده منكم مكاني وش تسوون محتاره مره وخايفه ماابي ازعل امي ولا ابي اعصي زوجي ومافي أي خيار قدامي وللأسف اخواني او قااربنا ماحد فيهم يبي يطق مشوار نص ساعه باللليل وش اسوي ياناس انصحوني
واسفه علي خربطه الموضوع لاني خاشه من جوالي الله يسعدكم ردو علي
شكرا صاحبه المعرف وربي يرزقك الذريه الصالحه ولا يحطك بمشكله يارب ويحقق لك امانيك