زوجي واهله

السلام عليكم

بدخل بالموضوع علئ طول وبدون مقدمات
انا توني والده وباقي لسه ماخلصت الاربعين وجدآ تعبانه من الم ظهري لدرجه اني اروح اخذ علاج طبيعي من الالم وفوق هذا تعرفون الشهور الاولئ لطفل تعب للأم لانوم زي الناس ولا راحه ولاشي
قبل يومين كنت سهرانه لحد 9 الصبح مع بنتي بس تصيح ومن التعب قالي زوجي خلاص باخذ البنت الكبيره وبطلع امشيها واللعبها عشان ماتعك وترتاحين واحنا بنتغدا برا قلت له طيب
هو طلع 10 وانا نمت ماحسيت الا وانا متخررعه من طق الجرس للبيت بشكل غير طبيعي كنه صاير شي قمت مفزوعه واسال مين الا اخته جايه تزور الظهر الساعه 12
ما مداني اغير لبسي فتحت الباب بروب النوم ودخلتها وكان شايفتي متخرعه واسالها صاير شي تقولي لا بس جايه اشوفك قلت لها حياك الله ووجبتها ولا قصرت معأها ابد
بعد ساعه دق زوجي يشوفني صحيت ؤلا لا ورديت وقلت له اختك عندي
وجاء بسرعه ياخذها قلت له خلاص انا صحيت خليها يقولي انتي تعبانه وابيك ترتاحين وتنامين شوي وانا اخذت البنت عشان ترتاحين مو عشان يجيك احد يتعبك
المهم جاني اليوم يقولي اهلي زعلانين عليك سالته ليش يقولي ان اخته قايله لامه ان انا متعمده ااخليها تطق الجرس وما افتح لها بسرعه وان انا دقيت علئ اخوها اقوله تعال اخذ اختك وان معنات هالحركه اطردها من بيت اخوها
قلت له انت تعرف وضعي وانت اللي خذيتها عشان ارتاح مفروض تشرح لهم
يقول قلت لهم بس يحسبوني ادافع عنك وانتي غلطانه
قلت له اسمع يابن الناس لا انا ازور اهلك ولا هم يجوني ببيتي واذا يبون يشوفون بناتك انا ماعندي مانع خذهم وقت ماتبي لهم وانا مالي دخل فيهم تعبت من اهناتهم واذا زرتهم يقطون بالكلام وعمري ما اذيتهم بشي حتئ بزياراتي لهم اخذ قهوتي وحلاي معاي واذا عزموني علئ غدا اخذ معاي طبق للغدا وهم اذا جوني محد يجيب معاااه شي ابدااآ وفوق هذا يتكلمون علئ من وراي لك ويتشكون وقدامي يقطون بالكلام انا مليت انت زوجي وانا ملزومه فيك بالحالك مو ملزومه باهلك ورضاهم وزعلهم علي
هو زعل وراح ينام بالصاله ليش اني مابي اهله الحين جاوبوني معاي حق بلي قلته له ولا لا !!
لاني عارفته كلها يومين وبيقلب الموضوع علي اني انا الغلطانه من اول السالفه للاخير