زوجي واهله ؟؟؟؟؟

انا اول مره اشارك بهالقسم بمشكله مو حل ....
بس بصراحة ميت من القهر
بختصار اهل زوجي مايعجبني تعاملهم معاه
اشلون ؟؟؟؟...زوجي الاخو الكبير بالبيت ويهتم فيهم يعني اول مايحس انهم محتاجين شي او مشوار بعيونه يخدمهم مع ان احنا ببيت الوحدنا
بالاول لما يتوفى احد ندري من بعيد او من اهلي مع انه من المفروض ندري منهم عشان لو كان هناك حضور دفان اوشي يكون مع اهله واخوانه احسن بدال مايروح
بروحه اقول يمكن مايحبون ينقلون اخبار حزن وامشيها
ودايما تتكرر
واخرمره من قريب
جات بطاقة دعوه لزوجي واخوانه لحضور زواج والدعوه كرت للبيت كله وجات بيت اهل زوجي ..وماقالت له امه الايوم الزواج العصر والزواج بمدينه ثانية يعني لازم يكون مستعد من قبل ولما سال من راح من البيت عرف ان بعض اخوانه راحوا من الظهر
انا بصراحه حز في نفسي بس لو انا مكانه كان رديت وقلت :
توكم تذكرون تقولون كان علمتنوني من قبل ..ولا انا مو مهم .
بس انا اعرف زوجي عزيز نفس
لوكانت الظروف احسن كان عزمت عليه انه يروح بس انا عارفة ان سيارته الجديدة في التشييك ..والقديمه مايتسافر فيها يادوب بقاله او حلاق.
انا افكر اني المح لاهله بشكل عابر يعني مع السالفه عن الزواج والروحة والجيه
اقول:
والله ياليتكم قايلين من اول ماجاتكم الدعوه كان وده يوجبهم لانه يحبهم ومواعد العريس بالحضور )( وانا صادقة بالكلام )
ولا اسكت واقول بينه وبين اهله ايش يدخلني ؟؟؟؟