زوجي واهله

بنات انا متزوجة لي سنة ونص وعندي بنت عمرها ٨ شهور وانا على نياتي جداً وطيبة مع اخت زوجي وامه والبيت كله المهم امه صراحة كانت طيبة مدري هي طيبه ولا كانت تمثل علي انا وهلي وزوجي ضعيف شخصيه معتمد على امه فقط ما عنده اعتماد على نفسه هي شايله كل المسؤولية عنه وهو عايش حياته انا ساكنة معهم بس لي قسم لحالي بس انه بنفس بيتهم كلنا مع بعض انا شرطت بالعقد بيت لي مستقل وهو بعد الشبكة كلمني وتخدع فيني يقول امي وامي وهي لحالها وابوي عند زوجته الثانيه واختي ما تجيها كثر وهي لحالها قلت طيب ووافقت وسكنت معهم بعد الزواج انكشف كل شي ابوهم كل يوم عندهم وحتى اخته كل يوم وعيال ابوه كل يوم عند امه استغربت ليه الكذب عديت الموضوع بعدين بعد الزواج ب ٦ اشهر كذا بدو يتدخلون فيني وانا ادري هو يوصل لهم كل كلامي بالملي كل شي يقولهم ماهي بعيده بعد يقولهم وش نسوي بالفراش وربي اني طيبه طيبه معاهم وعلى نياتي وانا ادري انه يتكلمون فيني بس برضو استقبلهم عندي ونقعد مع بعض وهم ف بيتي يووشون ف اذاني بعض الام والبنت وقول ما ابي اسيء الظن اعدي الموضوع بس بعدها بفتره اكتشفت شي منهم مع اني قلت ما ابي اسيء الظن الين اسمع شي ب اذني انا كل خميس اعزمهم على القهوه بعدين جينا في طاري ملابس بنتي قامت تقول اخته انتي اتذكر عندك درفه فاضيه قلت اي في قامت تقول تعالي بشوفها لسى ما جيت اقول طيب قامت راحت غرفه النوم المهم شافت الدرف قالت انتي عندك اغراض فاضيه طلعيها ورتبي وحطي ملابس ريتال فيها وجيبي بوكسات رتبي فيها قلتلها طيب عادي رايك حلو مع اني انا طالبه زوجي يسوي لي درف لاكن هم لعبو بعقله وقالوله لا ومن هالكلام وهم يبون ينقلون ف بيت ثاني ويبون اني اروح اسكن معهم وانا وافقت فوق حركاتهم الدنيئه وافقت اني اسكن معهم المهم سمعت اخته اتكلم عن البيت الجديد هي وامها وزوجي معهم قاعدين يخططون ف البيت الجديد حقي كيف ارتب اغراضي ووين احط غرفه النوم واي غرفه اخليها مجالس تخيلو هم يرتبون على كيفهم وقالو لزوجي سوي كذا كذا وهو اول ما دخل عندي الشقه يقول خلاص الغرفه الفلانيه فيه كذا كذا والثانيه كذا كذا تخيلو يقول لي نفس كلامهم !! المشكلة بدون اسلوب جا يهاوش وعناد انا عرفت الكلام موب منه لان هو ما عنده شخصيه يسمع كلام امه واخته المهم سمعت اخته تقوله انا قلت لزوجتك سوي كذا كذا بالدولاب ولا تسوين كذا تخيلو اتكلم فيني بعد وتكذب تقول اشياء انا ما قلتها هي وامها قام هو شبك مع امه واخته يتكلم فيني يقول هي وهي فيها وفيها وهي ما تسمع كم مرا انا قلتلها حطي ف بوكسات تخيلو شادين حيلهم يتكلمون وانا سمعتهم اول ما دخل عندي الشقه قلتله وش عندكم تتكلمون فيني يقول لا ياشيخه قلت اي سمعتكم قام طلع من عندي قعد بالصاله وراح قالهم اني سمعته وهم قعدو يومين ما يكلموني اكيد مالهم وجه وهو راح قلهم هي سمعتنا وترا هي تتصنت علينا ويحط بذمته اني اتصنت وانا الباب عندي مفتوح وصوتهم جاني وامه بعدها بكم يوم تدور معي سوالف وانا عادي كلمتها عادي وعديت السالفه وانا بعدها كانت عندي مراجعه بالمستشفى رحت مع اهلي لان زوجي سيارته خربانه المهم قلتله امشي روح معي قال لا وامي كلمته يقول لا مب رايح روحي انتي قلت طيب ورحت بعد ما خلصت من المستشفى وانا طالعه قلتله ها وش اجيب عشا معي كان يقول انا رايح اودي بنت اختي المستشقى تخيلو !! انقهرت انا يعني لانه ما راح معي ولا مرا ولا ايام حملي ما في يوم راح معي ولا يوم ولاده كان معي من يوم بنتي ولدت اتعب ما قد راح معي نوديها مشيت الموضوع انا تعبت ايام حملي اغمى علي كنت عند اهلي امي اتصلت عليه قالت زوجتك تعبانه وطاحت وسئل امي عني ولا جاني المستشقى واخته نزفت بحملها راح قبل زوجها راح وراها على طول وانا ما عبرني بشي وراح اليوم الثاني علم امه واخته قلهم هي تهاوشت معي لاني وديت ريم المستشفى وتروح مع اختك ولا قد رحت معي تخيلو على طول راح علمهم كل شي الا اخته انزل ستوريات واتس وسناب عرفنا معادنكم ومن هالكلام وربي انقهرت مرا يعني ماله داعي يسبب حساسيه بينا وش استفاد ويروح يقول ل امه هي اسمع اغاني وهي وهي وانا وربي كل عصريه اعزمهم على القهوه هي وبنتها وهم يجون يدقوني بالكلام لان هو يعلمهم كل شي عني وهم يدقوني قمت قلتله انا داريه تعلم اهلك كل شي عني قام يقول لي هم ينصحونك ما يدقونك لان لو قالها لك بوجهك تزعلين قلت انا قلت ب امك كذا مرا اذا شي انا غلطانه فيه تجي تكلمني ما ازعل ليه الدق يقول وربي انك تزعلين قمت سكت قلت اهلك موب اهلي علشان اعلمهم كل شي عني وانا شفته قبل فتره يكلم عيال شواذ وصارت هوشه على ذا شي قام كسر جواله يوم تهاوشنا على طاري المستشقى راح علم اهله ان تهاوشنا وكسر جواله هم انقهرو مرا مراقامت اخته تقوله اسحب جوالها انت بعد انا يوم كنت اسوي مع زوجي كذا كان يسحب جوالي هو قلها ماني ساحب الجوال تخيلو يعني اول ما جا من عندهم يقول ترا اقدر اسحب جوالك يعني غبي ما يعرف يتصرف لا اول ما دخل يقول ترا اقدر اسحب جوالك وربي ان زوجي ورع للحين عمره ٢٥ يمشي على كلام امه حتى في عبايتي ونقابي تدخلو وفي جزمتي تدخلو ليه ما تلبس نقاب ابو غطى مثلنا وليه ما تلبس عبي فضفاضه مثلنا وليه تلبس فلات تطلع رجلها قام هو جا يسوي معي مشاكل بسبب هذا الشي يعني هم وش استفادو هو لو ما كانت عاجبته كان كلمني من اول يوم زواج وش حبقت الحين يهرج وانا عرفت من اهله موب منه قمت انا طول هالفتره ساكته وعلمت ابوي عن امه وعن اخته وعنه ابوي قال انا اوريك فيهم واتصل على ابوه قله انا مزوج بنتي لزوجتك موب ولدك ولدك ما عنده سالفه ولا يعرف شي بالحياه وابوي قله انا جاي الحين بيت بنتي وتعال والمهم ابوي وصل وكان واقف برا لسى ما دخل قامت امه تقول لي انا اوريك الحين على حركاتك الماصخه وتقول ابوك ما يستحي يقول لولدي جزمه وابوي ما قال لزوجي قال ل اخوه الصغير عمره ٤ سنين وهو على طول راح يفتري على ابوي يقول ان ابوي قله هو جزمه وهو كذاب وانا بكيت على طول كلمت ابوي قلتله ادخل عندي امه تقول لي ماصخه وتقول عنك ما تستحي ابوي قال معليش انا استاذن منكم وطلع من بيتي وقال لي يلا اطلعي وانا طلعت معه وفوقها مسوين هم الزعلانين وهم المظلومين وربي !! امه بكل شي تتدخل فيني وزوجي ماله كلمه امه تعبيه واخته حتى ف بنتي يتدخلون وبعد يهددني يقول اجيب ورقتك !! وامه تفتري علي عند ولدها تقول اني يوم اروح معهم بيت جدانه ما اسلم عليهم !! اذا ما اسلم ليه ياخذوني معهم كل مرا وهي قالت انا باخذ البيت الجديد علشان هو يكون له شق لحال يتحمل مسؤوليه نفسه راحت تقول لولدها ان انا قلتها ولدك ما عنده مسوؤليه تخيلو !! وهي بنفسها قايله لي كذا وربي انا مقهوره قهر وفوقها حاطين كل شي فيني انا وامه كانت تسبني وتقول لي ماصخه وهو واقف مع امه ولا قال لها شي تخيلو ؟؟ ودخل مع امه واخته وسكو الباب في وجهي احس مافي شي يشفع اني ارجع له ابدا بس اذا رجعت علشان بنتي وانا متردده اما عمري ٢٠ يعني تخيلو يمشي على كلام اهله كل شي يعلمهم كل شي وبعد ما سبوني وامه قالت على ابوي ما يستحي انا طلعت من بيتي وجيت عند اهلي لي ٤ ايام امس اتصلت عليه قلتله بجي البيت اخذ اغراض قال ما تجين البيت ومافي احد قلت بيتي يقول مثل ما سمعتي وراح متصل على امه يقول هي كلمتني يعني نهائي ما عنده شخصيه وزوجي غبي يقدر الواحد يجيب راسه امه تسايسه مرا مرا وهو علشان كذا مع امه واخته ويسمع لهم