زوجي واهله زعلانين

مدري وش اسمي زعلهم ياترى سخافه ولا نذاله ؟ انتم وش تشوفون ؟ السالفه باختصار ياطويلات العمر انا انسانه عاديه مافيني جمال يعني باختصار اللي يشوفني ماينبهر فيني شكلي عادي جدا جاني ولد اسم الله عليه جميل ماشاءالله والغريب انه ماخذ نفس تقاطيع وملامح وجهي لاتتلخبطون اقصد عيونه نفس رسمة عيوني وجبهته نفس شكل جبهتي وفمه نفس رسمة فمي ..الخ الخ الخ لكن سبحان الله هو عنده جمال كل اللي يشوفه ينتبه انه جميل وانا عاديه مو ملفته فهمتو ؟ كل اللي يشوفه يقول ولدك جميل حتى امي وخواتي يقولون لي الولد نسختتتك لكن زايد عنك بالحلا ماشاءالله المهم مالكم بالطويله طول فترة نفاسي كلما زارتني حرمه قالت ولدك نسختك وحرمه ورى حرمه ورى حرمه كلهم يرددون نفس الحكي وام زوجي في فترة نفاسي كانت تزورنا شبه يوميا وتسمع تشبيه الناس بس ماتنطق حرف واحد وانا ماجا على بالي اي شي وزوجي نفس الشي يقول الولد ماخذ ملامحك بقوه سبحان الله وصديقاتي زاروني ببيتي ونفس الشي قالو الولد طالع عليك اثاري الحرمه طول فترة نفاسي مفقوع قلبها تسمعهم يشبهون ولدي فيني وتنتظرني متى ارجع بيتي عشان تدقني بالحكي براحتها ! ورجعت لبيتي واستلمتني استلام الله لايوريكم كلما شافتني تدعي قدامي بكل وقاحه وتقول الاطفال يتغيرون لما يكبرون وهذا ان شاءالله بيتغير يارب! قالت هالدعاء مره وعديناها قالته مرتين وعديناها قالت عشر مرات وعديناها لين الحين ولدي صار عمره 4 شهور وهي كلما شافتني تناظر ولدي وتقوله ياترى انت تشبه مين؟ زوجي يقولها يشبه فلانه تقول ان شاءالله بيتغير باذن الله ! ندري ان الاطفال يتغيرون والله ندري بس لو يشبه بناتها كان دعت الله وتمنت بهالقوه انه يتغير ؟مع العلم عمري ولامره جبت طاري شبه ولدي فيني هي مع نفسها تتكلم وتعارض ماتتخيلون وش كثر يصير شكلها بايخ وهي تكلم نفسها وترد على نفسها! فيها غل الدنيا عشان شبهوا ولدي فيني لدرجه انو شكلها هزات زوجي وقالتله لاعاد تقول ان الولد يشبهها لانو صار الحين يقول نفس كلام امه كلما شاف ولدي قال احسه مايشبهك انا كنت غلطان وعادها كثير ارد عليه مايهمني يشبهني او يشبه اي احد بالدنيا قد يوم جبتلك طاري هالموضوع ؟ ينحرج موت و يتلعثم لانه شايفني ولايوم فتحت هالموضوع امه اللي مسويه حرب مع نفسها ومعاي مااقول الا الله يشفيها كلما مامسكت ولدي تساله بصوت عالي عشان تسمعني تقوله انت ياترى تشبه مين ؟ انت طالع على مين ؟ ملامحك ماتشبه احد! مسكينه ارحمها تبي تذبح عمرها عشان الناس اعترفوا انه شبهي والحين طلعتلي بموال جديد غثتني كلما شافتني قالت شكله تغير مو زي لما انولد صح ؟ صار شكل ثاني صح؟ يعني قصدها الحريم اللي شبهوه فيني بالنفاس لو شافوه الحين بيغيرون رأيهم انا اسلك لها واقولها ايه تغير والزياره اللي بعدها تعيد نفس السؤال تقولي بالله يافلانه ناظريه شوفيه كيف تغير صار واحد ثاني صح ؟؟ وان شاءالله بيتغير اكثر واكثر يااارب وتعيد السؤال مليون مره ذابحه نفسها مسكينه والمضحك ان عماتي شافوه الاسبوع اللي فات قالوا كلما يكبر يشبهلك اكثر ! ولا فكرت اقول لام زوجي هالكلام اخاف تنتحر واخذ ذنبها قاعده تصارع مع نفسها ومتعبه عمرها مستعره مني وش شايفتني عندها مثلا؟؟!!! جد اذا لم تستحي فأصنع ماشئت اقدر ارد عليها وافحمها لكن محترمه نفسي ومحترمه كبر سنها انا والله العظيم ماهمني ولدي يشبه مين ماهمني يشبهني او يشبه ابوه او حتى لو يشبهها هي او يشبه الجيران اهم شي صحته وعافيته عندي بالدنيا لكن مستغربه ومقهوره للدرجه ذي التسلط ؟ بالنهايه هذا ولدي وانا امه هي مالها جمل ولاناقه هي لها بعيالها وبس وعلى فكره خوات زوجي جميلات بس شكل ثاني وملامح ثاانيه مختلفه تماما عني وعن ولدي يعني شبعانه حلا وجمال وش المطلوب اغير ملامح ولدي بعمليه عشان يشبههم و ارضيها؟ جد اهل العقول براحه. تضايقت وحبيت افضفضلكم