السلام عليكم
بنات بقلكم مشكلتي بختصار رغم انه طووووويله م البدايه بس قلت بعطيكم الزبده
زوجي من تزوجته وانا اشوفه بااارد معي بتصرفاته مع انه فترة الخطوبه كانت كلها احلام وحب بس الواقع طلع غييير يجي من دوامه اكون منتظرته وارحب واجي باحضنه يصد عني ويتعذر انه يبي يغتسل ويكون نظيف طيب كنت امشيها رغم اني ماشم منه ريحه كريهه بس اقول توه عريس وحاب يكون باحسن صوره !ونجي ننام بقترب منه يجاملني وبعدين يقلي صراحه تضايقت اعذريني مو متعود وانجرح وامشيها لييين صار بيننا جفاف عاطفي صارت علاقتنا زي الاصحاب سوالف عاديه واكل وشرب وضحك بس عنده مشكله ماعرفت ايش هي دايم يشتكي من بطنه والصداااع وماياكل اي اكل قلتله قولون يقول ايه وبعدين صار انطوائي حتى اهله مايجلس معهم ولايروح لاصحابه قلتله يمكن بكتريا يقول لا رحت الطبيب مافيني بكتريا هذا قولون وصرت احرم نفسي من اكلات احبها عشان اطبخ اللي يريح معدته واكل معاه والنفسيه حدث ولا حرج
والان من فتره تقريبا ٥ شهور صار انسان ثاني في تعامله معي يعني صار جاف اكثر وقلييييل مايتكلم وعنده وسواااااس ويقول انا مسحور كلمته يروح شيخ يرقيه يررررفض يقول انا برقي نفسي افضل ودايم يسمع الرقيه وكلمت خالتي و اخته عن حالته بس يقولولي اقري عليه ومن هذا الكلام بس ماحد وداه او ساله المهم صار يوسوس لدرجه يشك ف اهله انهم ساحرينه واحاول ابعده عن هذي الظنون لييين صار يشك فيني اني ساحرينه انا واهله!!!! ويحلفني القران وحلفت وكل بعد فتره يرجع نفس الموال يتغير كلامه معي واعرف انه شك فيني وبعدين يصارحني ويكلمني عن العذاب والجزاء وانا برررريئه من هذي الاعمال بس الله يلعن الشيطان >>انا ببعده عشان مايشك باهله بالنهايه يشك فيني!!
نفسيتي منهاره وماعرف ايش اسوي
اليوم قام الصباح ويحلف يمين ف يمين راح يجمع اخوانه ويقول الاول والتالي ومدري ايش ..طبعا هنا انا مادريت كيف اتصرف واحس اني سكتت كثييير
ع طول ارسلت لوالدي واتس اب وكلمته عن اللي بيصير فيه قالي باكلم شيخ واوديه وبعدين كلمت اخوه اللي اكبر منه بحكم انه قريب منه وقلتله عن كل شي قالي تمام وقبل ساعتين ارسله يقوله تعال ابيك !! الحين خايفه يابنات اكون تصرفت خطأ
ايش اسوي قولولي هل تصرفت صح لما كلمت ابوي واخوه ؟؟ وهل فعلا تتوقعون اللي فيه سحر او بكتريا او ايش 😭
عز البنات @aaz_albnat
محررة
يلزم عليك تسجيل الدخول أولًا لكتابة تعليق.
افضل شي سويتيه والمفروض من بدري
يمكن فيه مرض نفسي ولا متأذي بالسحر من احد
وضعه جداً غريب
وحده من صديقاتي زوجها كان يسوي حركات زي كذا ويتوهم اشياء ويشك فيها وبالاخير طلع يحشش
يمكن فيه مرض نفسي ولا متأذي بالسحر من احد
وضعه جداً غريب
وحده من صديقاتي زوجها كان يسوي حركات زي كذا ويتوهم اشياء ويشك فيها وبالاخير طلع يحشش
والله مدري بس سوا فيه عين او سحر او مرض الرقيه الشرعيه علاجه والله يلطف بحاله ويخليه لكم
SHAH12
•
معليش زوجك من البداية وضعه مو طبيعي من بداية الحالة ومن بداية شكة باهله المفروض اخذتي موقف حازم ، احتمال كبير يكون عنده مرض نفسي وبسبب افكارة قام يتصرف كذا المفروض رحتي لاخصائي نفسي على طول ، المصيبة وصل يشك فيك حتى انتِ ، افضل شيء سويتيه حاولي تلاقين حل مع اهله هذي مو مشكلة بسيطة بينكم علشان احد يقولك لاتدخلين اهله هذا مرض ممكن بكره يمد يده ولا يضربك ولا حتى يذبحك بسبب افكارة
الصفحة الأخيرة
1/استغفرالله العظيم من كل ذنب عظيم
2/اللهم صل وسلم على نبينا محمد
3/أشهد أن لا اله الا الله وان محمد عبده ورسوله
4/سبحان ربي العظيم
5/لاحول ولاقوه الا بالله
6/الحمدلله
7/اللهم انا نسألك حسن الخاتمه
8/اللهم اغفر للمؤمنين والمؤمنات الاحياء منهم والاموات
9/سبحان الله وبحمده عدد خلقه ورضا نفسه وزنة عرشة ومداد كلماته
10/حسبي الله الذي لا اله الا هو عليه توكلت وهو رب العرش العظيم
اللي يبغاها يحط نقطه💙💙