زوجي واهله يعايروني باهلي

انا تزوجت قبل ١٠ سنين وكملت دراسه بعد الزواج وخلفت ثلاث عيال ونفست ببيتي وماحد عندي يادوب اخواتي المتزوجات يمروني بين فتره وفتره واهلي مايدرو عني ولا عن اخواتي من تزوجنا يقطعونا يعني خلاص زوجناك لاعاد نشوفك حتى الزياره لاتجين ،،اروح لهم بين فترات طويله ويفشلني ابوي ويقول لزوجي ليش تجيبها مو شرط كل ماقالت لك ودني مكان تقول طيب المره مالها الا البيت 😭😭وزوجي نقل كل كلمه لامه واخواته ،، المهم فالاعياد والمناسبات مايجوني ابدا واهل زوجي ملاحظين ودائما يحرجوني بالاسئله ويدققو بالكلام وزوجي الليل والنهار يجرح ويتكلم عنهم انهم مو سائلين عني ولايعرفو الاصول واول مره يشوف عائله مثلهم وهو فعلا كلامه صح بس وش ذنبي في اللي يسوونه اهلي !!! وام زوجي واخواته ماعد رحت لهم غير مره بالشهر من تصرفاتهم اللي تغثني وليتهم رحموني في هالزياره يجرحوني جرح ماانساه لحد مااروح لهم الزياره الثانيه ،،،،
ام زوجي تجلس تمدح في زوجها وانه حنون ومهتم في بناتها المتزوجات ومستحيل يزوج وحده منهم وهي تدرس ،،وان اخوها يحب بناته وان الوحده بس تولد لازم اهلها ياخذوها ويقومو فيها واللي غير كذا اهلها مو معبرينها ،،
تخيلو كانت بنتها بتولد وسألتها بحسن نيه وين بتولد فلانه ياعمه قالت بنتنا نحبها وبناخذها مو مثل بعض البنات اهاليهم مايدرون عنهم ( تقصدني)
وبنتها جو ناس يخطبوها قلت هاه ياعمه بتوافقون طالعتني باحتقار قالت ليش بايعين بنتنا عشان نزوجها وهي باقي تدرس ( تقصدني)
وصارت تمثل هي وبناتها قدامي تاخذني معاها بيت بنتها وتطلع مبلغ كبير من الشنطه وتقول هذا من اخوانك وابوك هديه وسألت زوجي وحلف عالقرآن انه كذب وبس فشخره قدامي ،،، رايحين مكه واخت زوجي وعيالها جايين معي فقلت لزوجي خلاص مو شرط تجي السياره زحمه وهالمره نروح لوحدنا قالي ليش تفكرينا بنعامل اخواتي زي مايعاملوك اهلك وحتى امي تقوله ،،

اكثر من مره ام زوجي اتصلت فيه تقول كلم اخواتك زور اخواتك اعط اخواتك لاتسوي زي ارحامك في زوجتك


انا كافيه خيري وشري عنهم وعمري ماوضحت شي ،،ليش مركزين على هالسالفه وش ذنبي مثلي مثل هالبنات ودي باهل يرفعون راسي بس ماباليد حيله ،، قلت لاهلي على اللي يصير بس لاحياه لمن تنادي مافي احساس ولا ضمير وزوجي يدري بتصرفات اهله ولاحرك ساكن