زوجي واهلي/رسمي معااهم لاخر درجة مع ان اهلي عمرهم ماضايقوه/وبابا يكره زوجي بس مايبين!

ياعمري انتي صراحه مو زيـــــــــــــــــن ابدا انو يكون رسمي مرة لازم يزورهم وزجك على ماعودتيه عوديه انتي انو في زياره كل اسبوع مرة او كل اسبوعين مرة والله يرزقك الذرية الصالحه وزجك خليه يتعالج...الحال من بعضه ...الله يصلح الحال..ويرزقنا الذرية الصالحه..

الله يفرج همك

الله يكون بعوتك

..........

شوفي يا قلبي ...
أهم شيء ان زوجك يحترم أهلك ..
وزوجك دام هو يزور أهلك في المناسبات وفي فترات متباعدة فهذا المطلوب .. بيض الله وجهه ..
أكثر من كذا ما تقدرين تطالبينه .. اذا بيطلع من نفسه وبنفس طيبه فكثر خيره ..
ما حب يزيد وفضّل تكون علاقته رسمية فهذا شيء راجع له ومن حقه ... وحطي في بالك ان هالشيء ممكن يكون في صالحك ..
اذا ابوك ما يحب زوجك أو يكثر من انتقاده وهو رسمي معهم فما بالك به اذا صار يمون ؟!
أكيد بتكثر الإنتقادات ..

أما عن انه يعزم الناس ويسوي لهم ذبائح وما يسوي لأهلك .. فما أظن انه بيرفض لو قلتي له أبي ذبيحة أعزم أهلي عليها .. أنت اعرضي عليه الأمر .. هم أهلك فالمفروض أنت اللي تبادرين مو تنتظرينه هو يبادر خصوصا وأنت عارفة انه يبي علاقة رسمية معه .

صدقيني يا اختي أغلب الرجال مثله بل ان فيه رجال علاقتهم بأهل زوجاتهم شبه مقطوعة .. مو رسمية بس ..
واذا الزوجات نفسهم كثير منهم الآن صاروا رسميين مع أهل أزواجهم بشكل يأثر على علاقة أولادهم بأهل أبوهم ..
فكيف نطالب الزوج انه يوطد علاقته بأهل زوجته !!

أما عن كلام ابوك عن زوجك .. فقولي : كيف يخفي عنّا أمر ما كان يعرف به وكان في علم الغيب .