زوجي واهلي

السلام عليكم
بدخل فالموضوع على طول وياريت تساعدوني لاني تعبت .. زوجي شايل على اهلي من حركات انا شايفتها تافهه وهوا مرره شايفها كبيره حتى لو تزعل بس مو لدرجة يقطعهم كم شهر كدا دا وانا ليا سنه متزوجه ولسا مافي اولاد ولا في شي .. المهم اهلي دحينا عدت خمسه شهور تقريبا وسارت افراح واحزان ولا فكر يكلمهم ولما اقلو كلمهم يقلي مالك شغل انا رجال واعرف ايش اسوي .. والله اهلي مرره شايلين عليه وانا ماني عارفه ايش اسوي وكمان انا مغتربه يعني بعيده عن اهلي و زوجي ولا همو شي طفشت كل ما افتكر انو ما بيكلم اهلي اشيل عليه والله واهلي دايما لما يكلموني يسالوني عنو ويقولولي سلمي عليه وهوا ولا سال عنهم حتى ولا سلميلي عليهم ولا شي والله مقهوووره ما يكفي اني تركت اهلي واغتربت معاه كمان يقطعهم ؟؟؟كلام كتير نفسي اقلو هوا بس من يوم ما اجيب سيرة اهلي احس يسير وحش خلاص وما يخليني اتكلم حتى لو باسلوب والله 😢😢 .. واهلي يحسبوني ما باقلو كلمهم ما يدرو اني تعبت معاه .. ياريت تساعدوني وتقولولي ايش اسوي انا دحينا