الدلوعه جوجو
•
الله يفرج همك
والله يالغاليه لا تبيعين اهلك عشان زوجك ابددددا لان بكره لو يصير لك شي ما احد بيساعدك بعد الله الا اهلك وخلي زوجك يحترم نفسه ولا يجيب لاهلك طاري الا بالخير لانك لو تكلمت على اهله ما بيرضى اهلك عزيهم وقولي له يابن الناس انا مستحيل اغضب والدين عشان اي احد حتى لو على نفسي وبالنسبه للنفس اذا تحسين انه كفو وبيهتم فيك خلاص انفسي في بيتك والله يالي تهين اهلها عشان زوجها ان تاكل هوا بكره يتغير عليك وعايرك باهلك لكن اذا عرف ان علاقتك باهلك قويه احترم نفسه ودرى ان عندك ظهر الرجاااال مالهم امن وانا اختك ولا فيه في الدنيا احن من قلب الام والاب على عيالهم لو مهما صار وانتي الله يهديك لا عاد تجيبين لاهلك طاري الا بالخير وعزيهم ورزيهم قدام زوجك ومن الحين قولي لزوجك انت عندي غالي ولو ان غلاك نقص عندي يوم اني اسولف لك وانت تفتن بيني وبين اهلي واحب اوضحلك ان امي وابوي عندي بالدنيا ولا راح اسمح لنفسي او اي احد يتكلم عليهم الا بالخير وصدقيني بيفهم على نفسه ولكن اثبتي وحاولي تصلحين الامور والله يصلح ما بينكموالله يالغاليه لا تبيعين اهلك عشان زوجك ابددددا لان بكره لو يصير لك شي ما احد بيساعدك بعد الله...
ياحياتي الوحده مننا تعرف اهلها روحي للعاقل فيهم واطلبي منه حل المشكله ووضحي له انك ماتبين الطلاق نهائيا لان المشكله ماتستاهل عشان يدرون انك ماراح تسمحي لهم بتحطيم حياتك دام الرجال ندمان ويحلف لك لا تفتحين على نفسك باب الطلاق طبعا كل هذا تعمليه من غير علم زوجك وفي وقت تكونين انتي وامك بس خذي كريم وابدي همزي رجولها الين تدخل فترة استرخاء طبعا قبل فترة الاسترخاء قاعده تسب في زوجك انتي لاتتكلمين وسوي نفسك مسكينه وحزينه وانتي شغاله تهميز قولي يمه ودموعك في عينك وارجعي حسسيها بكلمة يمه وانتي تقولينها وين اروح احس اني تعبانه ماودي بالمشاكل بينكم ولاودي بالطلاق ساعديني نحل المشكله يمه تكفين وابكي في حضنها انا بنتك ترضين لي بالطلاق يمه كم مره عانيت من المشاكل مع ابوي ليه ماطلبت الطلاق يمه انا ابي بنتي ولا ولدي في حضني بكره اذا تطلقنا بياخذه مني بعدها والله اموت وابكي يمه تكفين ساعديني وقولي انه ماقصده وانه مزوحي بزياده ولسانه متبري منه يمه تراه يحبكم والشيطان دخل بينكم ولافيه شئ يستاهل القطاعيه ذي كلها وحسسيها وانتي تتكلمين انك ماراح تطلبي الطلاق مو عشانك تحبينه عشان الي في بطنك صدقيني امك بيحن قلبها وتبدا تلين معك وبكذا ضمنتي الطرف القوي في تحريك العائله وهي الام الله يحفضها وراح تلين قلب ابوك وهي ادرى كيف وبالنسبه لزوجك حاولي توضحي له انه غلطان وان المشكله لازم تنحل لانك مانتي راضيه بقطاعيته لاهلك ولن تسمحي لاحد ان يهين شيبانك وبعد فتره تلين القلوب وحسيتي ان الوضع لا بأس به خلي زوجك يوديك عند اهلك وينزل معك على اساس انه بيعزمهم عزيمه خاصه لهم وقولي له ماهو عيب ولا حرام خلك العاقل ومهما كان هذولا والدين وشيبان كبار ولو يلقاك في الشارع شايب ماتعرفه ويتكلم عليك ماضنتي يازوجي العاقل بترد عليه لانه شايب وكبير في السن والرد عليه عيب فكيف والدين واجداد عيالك العن الشيطان واحتسب الاجر ولو انك انت المخطي عشان ما يكابر وقولي له عشان يطمن تراهم ماعاد جابو طاريك وان ابوي اذا جيت عندهم يسألني عنك وش اخباره واهلي ناس طيبين وانت يا فلان معدنك اصيل وتعرف في الحقوق روح عند ابوي واحلف غير تذبح كرامه لهم والي يبونه حاظر وممنون وانتي قد وصيتي اهلك بانك راح تجين وتبين استقبال طيب طبعا هذا الكلام وضحيه لامك باسلوبك وقولي لها عشان خاطري يمه بدون مايدري زوجك ولا تمدحينه قدام اهلك كثير يكرهونك قولي مافيه انسان كامل ولا تمدحين اهلك لزوجك كثير فيحس انك كذابه ومتصنعه وانك بايعته خليك وسط وان جا طاريهم قولي فديتهم واسفه على الاطاله صلو على محمد صلى الله عليه وسلم اكثروا من الصلاة عليه ياقارئين واكثروا الاستغفار فمن لزم الاستغفار جعل الله له من كل هم فرجا ومن كل ضيق مخرجا
الصفحة الأخيرة