زوجي وبخور يوم الجمعه

احنا ماعندنا عادة البخور يوم الجمعة
بس اشم ريحته من عند جيراني صراحة مرة انبسط على ريحته وعادة مرة حلوة تغيير جو
والاحساس بيوم الجمعة انه غير عن باقي الايام
تقبلي مروري الله يسعك

من عاداتنا
نصحى بدري
بالإضافة الاستحمام
والعود طبعا
والإستماع للخطبة كاملة
وتجهيز الغدا منزليا خاصة الجمعة
وقراءة سورة الكهف ,,,


والدعاء قبل أذان المغرب

وكل الأهل والأقارب مثلنا ’’’

احنا عندنا نتسبح بيوم الجمعه قبل الصلاه ونخلي الرجال يتجهزون لصلاة الجمعه يلبسون ثياب

ويكون معطر ومكوي << احلفي ههههه

امي الله يحفظها من كل شر كان تقول اللى مايتسبح يوم الجمعه الحوته اطهر منه ههههههههه

الحوته يعني السمكه وكنا نقولها وحنا صغار لانها هيه بالمويه عايشه <<برائه


ويكون باقي البيت نظيف ومبخر الا المطبخ حوسة الطبخ

ولما يرجعون من المسجد واحنا الحريم مخلصين صلاه في البيت تجمعنا سفرة الغداء على خير وعافيه

وبعدها ناخذ قيلوله وبعد صلاة العصر نمسك المصاحف ونقرا سورة الكهف (( ماشاء الله علينا )) ..

اعتقد كل المسلمين يوم الجمعه عندهم يوم مميز عن غيره مثلا احنا من يوم احنا صغار يوم الجمعه عندنا نصحى بدري

نقوم باعمالنا المنزليه والاستحمام واهم شي البخووور ابوي الله يطول بعمره مايروح للمسجد لين يتبخر

الله يديم علينا نعمه الاسلاااام

أنا كنت أبي أعود زوجي بخور يوم الجمعة بس مارضي لي ..

يقول إنه بعد الجمعة يروح في الشمس يجيب مقاضي بيت أهله وأغراضهم ..

وهو الله يحفظه من النوع اللي يعرق على أدنى حر ..

عشان كذا قالي حسافته ..

ومن يومها ليومك ماعاد بخرته بيوم جمعة ..