مساء الخير خواتي أنا بدخل في الموضوع على طول زوجي وأخوه مسوين ترميم لبيت أمهم وأنا ساكنة معهم
في نفس البيت وعلشان هذا الترميم أنا لي سنة جالسة عند أهلي المهم البيت تقريبا خلص بس ينتظرون
م
الأثاث طبعا زوجي من النوع البارد كل شي عنده عادي وأنا تعبت لأني أحترق وأعصب وهو يقول مافيه شي
يستاهل تعصبين علشانه أنا لي جناح ثلاث غرف وحمام كل ماقلت أبي الشي الفلاني القاه مسوي العكس
لآن اخوه قاله كذا أحسن صراحة مليت أخر شي سواه أني قلت غير شباك غرفت عيالي وطبعا كان رافض
وبعد ماحنيت وزعلت وافق وكلم العامل بعد ثلاث أسابيع جلست أقوله كلم العامل شف وش صار على
الشباك كلمه وقال العامل أخوك قالي مايحتاج تسوي وعصبت ولكني رضيت وقلت طنشي المهم أنا كنت قايلة
يكلم المبلط ويحط عند باب غرفت عيالي وغرفتي عتبة من باقي السيراميك علشان الماء مايدخل على الغرف
خاصة ان غرفة عيالي مستواها نازل عن السيب قالي طيب طبعا هو انسان يعتمد على الغير كلم أخوه وقاله
ولاعاد سأل بعدين سألته وقال خلاص أزعجتيني المهم اليوم الفجر جاني واخذني على أساس نفطر برا
وأحنا نفطر قالي ان أخوه سأل المبلط وقال العامل أنه مايصلح يحط العتبة مأدري وش يعني مايصلح هو قصده
بيخرب شكل المكان والاماتركب العتبة وصراحة عصبت وتكلمت قلت أنت كل شي تقول أخوي قال واخوي سوا
ومايهون عليك تشتحن وتكلم العامل وتسأله كل شي على الناس طبعا انا شلت على اخوه من مواقف كثيرة
حصلت أثناء الترميم من ضمنها أني قلت لزوجي وأمه أني ابي حنفية في جدار الحمام حق جناحي علشان
غسالة الملابس لآني انا اللي أغسل ملابس عيالي وزوجي واللي حصل ان اخو زوجي قال لا لآن الحنفية
بتخرب شكل الحمام يعني تخيلو يبغاني أعبي الغسالة بسطل أجلس أشيل الماء فيه والله قهر مايحس هالأخ
والمشكلة أنه مريح زوجته مصلح حمام الغسيل لها وجايب شغالة لها طبعا في البيت شغالة بس ماأحب أقولها
تسوي شي لي لأنها لأم زوجي هذا وللعلم البيت مافيه الا أنا وأم زوجي وأخواته يجونا تقريبا يوم ورا يوم
وعلاقتي فيهم كويسة وأحبهم لكن وزوجي يدفع راتب الشغالة بس عادي أهم شي مايجيني مشاكل
المهم اليوم بعد المشكلة عصب علي وقال أنتي متى مروقتي ماسويتي مشكلة واذا كنتي ضايقة
تحطين حرتك فيني وتفرغين ضيقتك من الناس علي وأنتي أستبدادية ومأدري وش قصده بهالكلمة بس والله
ضقت وقهرني أنا أبغى أسكن وأستقر وهو بارد صح هو يحبني وطيب معي بس وش أسوي في بروده عجزت
أنا لي عشر سنوات متزوجة والله ماني مقصرة معه في شي وكثير ضحيت على شانه وصابرة على وضعنا
بس مليت من تدخل أخوه.........
معليش كلامي ماهو مرتب وعندي كلام كثيرودي أفضفض فيه بس ماني عارفة.........
وقولوا لي وشلون أتصرف مع بروده ؟؟؟؟؟؟؟؟؟؟؟؟؟
ديمة الوادي @dym_aloady
عضوة جديدة
يلزم عليك تسجيل الدخول أولًا لكتابة تعليق.
*أم جوري العسل*
•
الله يعينك
الصفحة الأخيرة