زوجي وبناته

السلام عليكم ورحمة الله وبركاته

انا قصتي با اختصار
كنت متزوجه قبل زوجي هذا وعندي ولدين وهو متزوج وعنده ماشاء الله اربعه بنتين وولدين
اولادي كبار ماشاء الله واحد اولى ثانوي والثاني ثاني متوسط يعني حالتهم الصحيه مش ولا بد اثنينهم عندهم سكر وتعبانين وابوهم راعي خرابيط الله يستر علينا وعليه الفتره اللي هي ست سنوات كانو مع امي وابويه الله يحفظهم بعد ما استقريت الحمد الله لان زوجي كان يسافر وانا معاه المهم جابهم زوجي يسكنون معايه لان اهلي بديره وانا بديره الحين هم معايه لهم سنه ونص تقريبا ويدرسون عندي ومرتاااحه
عيال زوجي وزوجته الاولى في ديره غير اللي انا فيها لانها مارضيت تنقل من جنب اهلها
المهم
زوجي جاه نقل على منطقه قريبه من عياله وزوجته انا كذا مرتاحه وعيالي عندي بنات زوجي نفس عمر عيالي بالظبط يعني الكبيره اولى ثانوي والثانيه ثاني متوسط انا باقي في هالمنطقه عشان فترة الاختبارات تخلص بعدين ننقل مع زوجي كلمني اليوم يقول البنات يبون يجون يسكنون معايه لانه الظاهر بينه وبين امهم خلافات والله مادري عنها اصلا زوجته ماعمري شفتها الحين متزوجه لي سبع سنوات تقريبا ما اعرفها ابد بناته شفتهم كذا مره بنات مؤدبات حبوبات صراحه ما احتكيت فيهم كثير بس طلعو معانا كذا مره يوم رحنا نتمشى بديرتهم وطبعا اولادي كانو عند امي

المشكله وين
المشكله لو يبون بناته جد يسكنون معانا انا وين اودي اولادي ما اقدر ارجعهم عند اهلي لاني تعودت عليهم ومرتاحه وهم معايه ونفس الوقت ماقدر اقول لزوجي مايجيب عياله لان اخوانهم الاولاد يدرسون برا الممكله يعني بس البنتين بيجون
مدري شسوي صراحه ضايق صدري من وقت ما قال لي
ابي مشورتكم ودعواتكم الله يسهل ولادتي ياررررب