صباح الخير 🌷
بدخل بالموضوع دايركت مالي بالمقدمات بس بداية اللي عندها كلام مفيد تقوله اما اللي بتفش خلقها وضغوطها فيني ياليت ماترد والله يستر عليها🌷
ما احلل نقل سالفتي بأي شكل من الاشكال 😪
المهم انا وزوجي صايرين نتهاوش بالهبل من بعد ولادتي انا مضغوطة والوضع جديد علي وبغربة وبنتي متعبة ربي يصلحها ويهديها وصار يومي من اقوم لين انام وانا اكرف وحتى وانا نايمة نومي متقطع مع النونو و يروح اليوم بين طبخ وغسيل مواعين وكوي وتنظيف اثاث وبين شيل وحط ببنتي وتعرفون اشغال البيت مع النونو تاخذ وقت طويل لانها تتجزأ مليون جزء يجي زوجي من دوامه وانا هلكانة مالي طاقة كويس اذا مشطت شعري حتى التروش صار بالحسرة علي اول ما انومها وادخل الحمام الا واااء تبكي وانجبر اخلص بسرعة واوقات اوقف وارجع اكمل !! مشكلتنا لما اروح اخلص لي شغلة او حتى لو بروح للحمام الله يكرمكم وبنتي عالارض تلعب واقول لزوجي انتبه لها شوي وبجي يقول طيب اتفاجئ ان البنت ميتة صيااح دموعها لاذنها واصله ووجها احمر وصوتها انشحط من قو البكي وهو قاعد على جواله عالواتس او تويتر والخ !! واذا قلت له ليه ماقمت لها ماتشوفني ماني موجودة عندها قام يقول بزر وتصيح ماهو جايها شي واجلس اتهاوش معاه على هالحركة وللامانة دايماا تتكرر حركاته اليون فجعني وهي بحضنه عالارض جالسين وجاء بيعطيني اياها وانا كان قدامي شي بوخره الا فجأه هو تركها وعلى طول مسك جواله يلعب وتطيح ياقلبي على وجهها وجسمها بس لانها كانت قريبة من الارض ربي سلمها وصرخت عليه ليه تسوي كذا قال ماكنت ادري بكل برررود !! طبعا والله يا بنات انا مصدومة انها تموت من البكي قدامه مايقوم يشوفها ولا كأن بنته اللي تصيح حتى كانت فترة طويلة تعبانة وبكاها عالي واصل للجيران الفجر وماكلف على نفسه يصحى من نومه ويشوف ايش فيها او يتطمن عليها او يسكتها !!! ومن عمرها شهرين وهو يحنن اني اطلعها من غرفتنا واحطها بغرفة ثانية !! الى الان وهو يحن اني اطلعها رغم ان عمرها شهور قليلة واذا جيت انومها انومها بالصالة بعدين ادخلها للغرفة يعني مراعيه انه ينام بهدوء طبعا من كثر ماتحن امه واخته عن تربية الاطفال واننا مدلعين بنتي !! بفهم يعني وين الدلع فيه برضيع للحين حتى مايحبي ولا ياكل بنفسه ولا يتكلم عشان يفهم للدلع المهم انهم دخلو فكرة ان بنتي مدلعة واذا بكت لا تسوي لها شي والافكار السطحية الغبية اللي تقولها الوحده من سعة مو من ضغط وكرف وهو ماشاء الله يطبق لدرجة يوم كامل عادي مايلاعبها ولا يشوفها بس على جواله وساحب عليها و امس يقول وحنا نسولف اني عنيدة قلت له انا عندي رأي مو شرط اقبل بأي فكرة واطبقها الا انا مقتنعة فيها واشوف ان هذا الافضل يكون للواحد رأي مو امعة يأثرون عليه رد علي ان العنيد يتركونه الناس وقلت لها بعدها انت مهمل ببنتك قال من يوم ولدتيها وهذا كلامك انت مهمل وتطلعيني اسوء الناس قلت اي عشان تنتبه لنفسك وتعدل من وضعك وهو فعلا نادر يسأل عنها اذا مزاجه رايق ورايق علي يلاعبها واذا معصب علي سحب على بنته وزعل عليها بعد !! المهم انه من ساعتها وهو مطنقر علي يرد علي براس خشمه غير انه يتجاهل كلامي كانه ما يسمعني !! ذليت نفسي ورحت تأسفت ويقول ما قبلت أعتذارك وش يبيبني اسوي له اكثر واليوم الصباح جلست اكلمه واحاول اطيح الحطب ويتجاهلني وسكت خلاص ذليت نفسي بما فيه الكفاية
الحين بعرف هذي غيرة الاب من عياله والا ايش لاني مالقيت لها تفسير اول مره اشوف رجال ماينبسط ان مرته مهتمه بضناه !! وهو اول نونو مفروض له طاقة وفرحان فيها مو كذا باررررده مشاعره وتصرفاته !!!!💔💔💔

غـيوم @ghyom_24
محررة ماسية
يلزم عليك تسجيل الدخول أولًا لكتابة تعليق.

Zohr
•
انتي مضغوطه من الوضع الجديد مع البيبي وهو ضغطتك اكثر باهماله لا تخلينها معاه لحالها لا يصير لها شي ولا يهمه ولا تطلعينها من غرفتك اذا بكت خليه يتحمل مثل ما انتي قاعده تتحملين عشان ما يتعود كل ما صاحت طلعتيها والاعتذار دام هو غلطان لا تعتذرين عشان ما يعتقد انك تحسبين نفسك غلطانه وهو الصح لازم يعرف غلطه وادعي ربي انه يسخره لكم ويهديه


من رأيي اتركيه لاعاد تقولي له بنتك وبنتك
اهمتمي بنفسك وجمالك وبنتك واشغال البيت خليها بوقت معين
الرجال طريقة الاعتذار منهم الفراش فقط
لأن تفكيرهم منحصر على هذا وهو مهم عندهم...
أما كثر الحكي والتاسف ماتجيب رؤوسهم
خليه لما ينظر فيك متزينه وصامته وبالك وسيع
😉✋
أتمنى لك التوفيق والسعاده
اهمتمي بنفسك وجمالك وبنتك واشغال البيت خليها بوقت معين
الرجال طريقة الاعتذار منهم الفراش فقط
لأن تفكيرهم منحصر على هذا وهو مهم عندهم...
أما كثر الحكي والتاسف ماتجيب رؤوسهم
خليه لما ينظر فيك متزينه وصامته وبالك وسيع
😉✋
أتمنى لك التوفيق والسعاده

Zohr :
انتي مضغوطه من الوضع الجديد مع البيبي وهو ضغطتك اكثر باهماله لا تخلينها معاه لحالها لا يصير لها شي ولا يهمه ولا تطلعينها من غرفتك اذا بكت خليه يتحمل مثل ما انتي قاعده تتحملين عشان ما يتعود كل ما صاحت طلعتيها والاعتذار دام هو غلطان لا تعتذرين عشان ما يعتقد انك تحسبين نفسك غلطانه وهو الصح لازم يعرف غلطه وادعي ربي انه يسخره لكم ويهديهانتي مضغوطه من الوضع الجديد مع البيبي وهو ضغطتك اكثر باهماله لا تخلينها معاه لحالها لا يصير لها...
👍🌺
الصفحة الأخيرة
وتذكري كلامي ..