زوجي وبنتي وانا

السلام عليكم
زوجي أنسان عصبي جدا جدا ومتقلب المزاج
يعني فجئه ينكت ويضحك ويازينه ثم يقلب يصرخ بأعلى صوته وكمان صوت وجل واساسا صوته عالي عاد كيف اذا صرخ ويقول هييييه انتي قلتلك جيبيلي مووويه ليش ماجبتي هذي ثاني مره اقولك
او مثال كنا بالسياره سألته امس يوم كشتتكم تقول نزل برد قال ايوه قلت ع ساعه كم نزل بسم الله الرحمن الرحيم يزاااعق علي بأعلى صوته انا يوم ادق عليك واقولك نزل برد كانت الساعه كم
قلت طيب ليش تزاعق قال سؤال مدري وش يبي الوقت اللي دقيت عليك كان توه نازل البرد
نجي البنتي
بنتي مسكينه تبكي اذا بدا ابوها يزاعق هي بنت 4 سنوات تخاف من الصوت العالي
والله نفسيتها تدمرت انا وانا كبيره وعارفه الزوجي صرت متوتره ودايم خايفه لاني اخاف يصرخ علي يفزع قلبي كيف طفله مسكينه
وكلمت ابوها قلت ترى البنت تخاف قال هذا طبعي غصب اعجز اغيره مقدر أسيطر على نفسي
اخرها قبل شوي طالبه طلبية من الانستقرام واتواصل مع المندوب بالواتس احسبها حرمه طلع رجال يوم جا زوجي يحول المبلغ عرف ويدق يهاوشني جالسه تراسلين رجال الله يلعنك ويلعن من جابك
وصراحه انا ولعت زاعقت بأعلى صوتي قلت اطلب طلبيه طلبيه ملابس مو اغازل فتح مخك وتراني احسبه حرمه لانه دايم اللي يبيعون بالانستقرام ملابس اطفال اغلبهم نساء
والحمدالله عاد الوعيه واسكت وماقال شي
بنتي هنا انهبلت جلست تصيح وتعضض يدينها وتبكي رحمتها