زوجي وبنت جارهم

السلام عليكم ورحمة الله وبركاته 
بنات انا ماأعرف احط رابط موضوعي الاول اللي نزلت فيه مشكلتي مع زوجي وصديقتي هند اللي طلعت ساكنه قريب من اهل زوجي وكان زوجي دايم يمزح يقول تخطبيها لي وكنت اطنش وامها قالت انو خطبها بس انها رفضت ماتبي تعطيه بنتها  وانا كنت حارقه عمري بالتفكير  وما ابين له شي 
الحين انا مرتاحه بقوه بقوه وليتني واجهته من بدري عشان ارتاح لان لي قرابت السنتين واكثر وانا افكر بصمت واهمم ومحد داري عني 
ونصحتوني بالمواجهه عشان ارتاح 
سالته هو قد خطبها ورفضوه؟ 
بس جبتها بعد تخطيط وتكتيك بحيث ما أبين انو الموضوع أموترني ومتعبني نفسيا 
أختي اتقدم لها أخو صديقتها ورفضت اختي لانو كان يبي بنت خاله ورفضته بنت خاله 
المهم اخوها اتزوج الله يوفقه وكانت اخته دائما تحط صور عرض لاخوها وهو بشهر العسل وهومسافر لندن وكل شوي تغير الصور وتراسل اختي عشان اتشوف 
قلت لزوجي ماشاء الله افلان بلندن هو وعروسته طبعا زوجي يعرفه ويعرف انو خطب اختي  قال زوجي ماشاء الله ليش اختك رفضته قلت لانه كان يبي بنت خاله وهيا خافت تاخذ واحد قلبه معلق بغيرها يمكن انو خطب بس عشان يحر بنت خاله قال صادقه مو سهله 
بس مو شرط انو خطب وحده ورفضته انو متعلق بها قلت يعني انت مو متعلق بهند قال مين؟ وعدل جلسته انا هنا بغى قلبي يوقف 
قلت هند بنت جاركم امها قالت انك خطبتها وأنها رفضتك قال كذابه وتخسي مابقى الا هي تكذب علي اصلا ولا عمري فكرت فيها وفي بناتها 
قلت انا استغربت اصلا 
قال بالله صدقتي ؟ الصراحه شكيت انها صادقه من كلامك يوم تقول اخطبيها كنت أقول بنفسي ان شكلك تبيها اول قبل تخطبني 
قال والله والله انو  يوم اقول كذا انو أشاكسك استانس يوم تتضايقي وتضلي ساكته وماتردي علي اعرفك لاغرتي علي واني ما أشوف غيرك 
وانك اول حب لي
صار نقاش طويل طويل طويل بس طلعت بنتيجه لصالحي قسم بالله يابنات انو كان جبل وانزاح عني ارتحت لاني كنت عايشه بوهم 
اتصدقو من بعد مااتكلمنا ماعمره جاب طاريها لا بمزح ولا بجد حتى البنت قابلتها بزواج نظرتي واحساسي اتغير اتجاهها
الحمد لله .
الله يوفق كل وحده ردت علي بموضوعي الاول ولكل وحده دعت لي .