السلام عليكم
بدخل بالموضوع على طول
بس اتمني ماتقولو عني مريضه ولا موسوسه
لازم تقتنعون ان كل شي بدنيا يصير مافي شي غريب
انا متزوجه من 10 سنوات وعندي اطفال
عندي بنت صف ثاني
دايم تجي عندنا بنت جيرانا صف ثالث تلعب معها
بنت جيرانا شكلها مو قد عمرها مو مثل بنتي
طويله وجسمها شوي مليان
الي لاحظته زوجي مايشيل عيونه عنها
وهي رغم انها طفله والله والله ماتشيل عيونها عنه
مادري عشان انها ملاحظه نظراته لها؟؟
لدرجة تجي متشيكة واذا سمعت صوت زوجي تترك العب وتزبط شعرها وتركض جري له وتبتسم له
وهو يناظر لها واذا شافني يرتبك مررررررررره
تخيلو اسمعها تقول لبنتي واو ابوك متغير شكله مو نفس اخر مره يوم شفته
احسها ماأخذت البراءة مثل باقي الأطفال
وتحاول في بنتي تقول اتركي العب احنا كبار مو صغار
خلينا نروح قريب نشوف مجلس الرجال
وبنتي ترفض
وفجأه تختفي من البيت واحصلها لحالها قدام مجلس الرجال تناظر لزوجي
ياناس هي طفله مالها ذنب بس الي قاهرني تصرفاته هو كل شوي يترك الرجال ويدخل للبيت ويدور عليها يقول فلانه وينها
مع اني اعرفه مايحب الأطفال
ولا عمره حتى سلام سلم على اطفال اخواته او اخوانه
الا البنت ذي
مرره لقيته يفكر واكلمه ولاهو بيمي فجأه قال بسئلك فلانه كم عمرها قلت كبر بنتنا ليش قال لابس ماشاءالله احسها غير عن بنتنا
لسانها طلق واحسها مثقفه احس اهلها مربينها صح
وجريئه ولا كأنها طفله كأنها بنت واعيه غير عن بنتنا
ودايم شياكة مع انها صغيره لاكن واضح انها تحب تتشيك
يابنات احس انكب علي مويا بااااااارد وقلبي يرجف ماقدرت ارد
مسكت البنت يوم حسيت الموضوع تعدا الحدود شوي
وطلعتها مع الباب وقلت لاعاد اشوفك جايه هنا
ماناقشته بالموضوع لاني عارفه بيقلب الموضوع علي
ويقول مريضه و تخاف من طفله و لا راح احد يصدقني
وافتضح قدام الناس
علموني شورو علي
والله مثل الجمره على صدري
كيف اتصرف؟
الطفله البريئه بعد ماطرتها من البيت صارت تجلس برا بشارع على الباب
واذا شافته تقوم واقفه وتبتسم
تخيلو مرره اخواني جو مع زوجي عندي للبيت
وجاني اخوي للمطبخ قال بنت جيرانكم ذي تجيكم؟
قلت اي دايم تلعب مع بنتي ليش قال لا بس حسيت فيها شي غريب
قلت ايش قال يابنت نزلنا من السياره ولا ناظرة فينا كل نظراتها لزوجك مع ان زوجك ماهو غريب دايم تشوفه
قسم بالله منهاره
شورو علي وش اسوي؟
ماقدر افك فمي بحرف
راح يقولو طفله
Liali678 @liali678
عضوة
يلزم عليك تسجيل الدخول أولًا لكتابة تعليق.
تنآقض
•
نسمة :
وعليكم السلام ورحمة الله وبركاته. تصرفك صح إنك طردتيها من بيتك وهالشي مو بس لمصلحتك لمصلحتها كمان وماتزعلي مني ما أبي أتهم أحد بس الشيطان ما مات وياما سمعنا عن قصص تحرش بالأطفال عشان كذا صحيح الي سويتيه لمصلحة البنت ولمصلحة زوجك ولمصلحتك. وترى المشكلة الأساسية بنظرة زوجك للبنت يعني هو مركز بكل التفاصيل فما ألومك إنك تضايقتي بالعكس شي يخوف نظرته لطفلة بهالطريقة لو كانت بنت كبيرة كنا عذرناه وماليك حل الا الصراحة معاه خلي يقول عنك الي يقوله عشان يعرف إنك حاسة ومنتبهة وإذا قال عندك تتوهمي علميه ان اخوك لاحظ هالشي ما تسكتين أحسن ما يصير شي لا قدر الله يخليك تندمي على سكاتك.وعليكم السلام ورحمة الله وبركاته. تصرفك صح إنك طردتيها من بيتك وهالشي مو بس لمصلحتك لمصلحتها كمان...
👍
زائرة
•
لاتخلي طفلة تجي بيتكم إذا هيه تفكيرها برئ وتحسب دنيا للعب لمفترض يكون زوجك عاقل الله يهديه وشيطان موجود مثل ما قالت الأخت نسأل الله السلامة
انتبهي لا تخلينها تجي بيتكم ابدا ترى بعض الاطفال مافيهم براءه شفت اطفال بعض بنات مافيهم براه انتبهي زوجك وكلمي امها قولي بنتك دايم في شارع انتبهي لها لا يخطفها احد
زينب
•
معليش ياقلبي هي مالها ذنب زوجك عينه ع وحده كبر بنته اعوذ بالله قولي غض بصرك يارجل اظن إن البنت ابوها مو موجود وودها بالحنيه✨
الصفحة الأخيرة
تصرفك صح إنك طردتيها من بيتك وهالشي مو بس لمصلحتك لمصلحتها كمان وماتزعلي مني ما أبي أتهم أحد بس الشيطان ما مات وياما سمعنا عن قصص تحرش بالأطفال عشان كذا صحيح الي سويتيه لمصلحة البنت ولمصلحة زوجك ولمصلحتك.
وترى المشكلة الأساسية بنظرة زوجك للبنت يعني هو مركز بكل التفاصيل فما ألومك إنك تضايقتي بالعكس شي يخوف نظرته لطفلة بهالطريقة لو كانت بنت كبيرة كنا عذرناه وماليك حل الا الصراحة معاه خلي يقول عنك الي يقوله عشان يعرف إنك حاسة ومنتبهة وإذا قال عندك تتوهمي علميه ان اخوك لاحظ هالشي ما تسكتين أحسن ما يصير شي لا قدر الله يخليك تندمي على سكاتك.