زوجي وبنت خاله

بسم الله الرحمن الرحيم

انا عضوه قديمه من زمان بس انسرقت عضويتي وسويت عضويه جديده

المهم بدخل بالموضوع على طول انا اليوم وكل يوم مشاكل مع زوجي با استمرار على اتفه الاسباب وعلى طول

زعلان مني ويهجر غرفة النوم وينوم بالصاله وطبعا هو من النوع الصامت الي مستحيل يسولف معك او يطلع سر من

اسراره لك المهم اليوم لبس وشخص وقال لبنتي الكبيره بتروحين معي علشان نزور خالي بالمستشفى قلت له على وين

وش الطاري بتروح اليوم لخالك ولا قلت لي تعالي زوري معي طبعا خاله هذا كان زوجي قاطع فيه ولاعمره زاره

بالمستشفى ولابالبيت لان خاله هذا ماكان يزور زوجي اذا تعب او اذا جاء اي ظرف لزوجي خاله مايجي يسلم ابد كل

خواله وعمانه يجون الاهو وسبب الفجوه هذي صارت بسبب ان خاله ومرت خاله كانت دايما يقولون ان بنتنا فلانه

لزوجي بس هو رفض او امه رفضت والله مدري وش الصدق المهم خاله دخل كم مره المستشفى عمر زوجي مافكر

يزوره ابد طبعا بنتهم تزوجت بعد زواجي بسنتين وطلقت ثم تزوجت بعد بكم سنه وطلقت وتزوجت قبل كم شهر ومات

زوجها يعني ماتوفقت بزواجاتها الله يعوض عليها يارب الي مستغربته يوم كانت بنت خاله متزوجه وخاله بالمستشفى

اقول له رح زور خالك الدنيا مافيها مطاوله ورافض مره مايسمع مني يوم مات زوج بنت خاله رحت اعزيهم وراح معي

وشكله مغصوب بس طلع منهم مبسوط والبارح راح جاب رقم مرت خاله وكلمها وسولف معها طبعا انا ماكنت موجوده

وهو من سنين ماكلمها ابد واليوم يبي يزور خاله حسيت فيه حركه يبي يتقرب منهم بس يمكن يانبه ضميره علشان بنت

خاله ماتوفقت يبي يخطبها ولا المشكله الحين هي في العده وووحده من ربعنا كلمتني تبي تخطبها بعد عدتها وكلمت

الحرمه زوجي تبيه يتوسط وتاخذ رايه ورفض قال لا فلانه ماعاد تبي احد بعد زوجها الي توفى الله اكبر هو وش دراه

عن نيتها ابي اعرف يابنات تكفون وش الحل هل انا موسوسه والا شكي في محله تكفون يا اخواتي طلبتكم عطوني

الحل واهم شئ ادعولي ان الله يسخره لي ويشفيه ويشفيني تكفون طلبتكم تدعون لي الله يسعد كل وحده تدعيلي