زوجي وبنت عمه كيف هذا بالله

السلام عليكم
زوجي عنده بنت عم وهي وحيدة على اخوانها
عمرها ٤٠ سنة وميت زوجها من زمان وماتزوجت ثاني ب ارادتها
هذي الحرمة اول حاجة في بينها وبين زوجي ميانة وضحك وسوالف بحكم انهم متربيين مع بعضهم من صغرهم
وعلاقتي فيها قوية مرة وكل اسبوع ازورها او تزورني
المهم امس رحت زرتها بشقتها وزوجي كان تحت يسلم عليها
بعدين يقولها هذا جبتلك فلانة حبيبتك وذيك تقوله احطها بعيوني
بعدين زوجي حب يتلقف ويخفف دم يقولي وهي تسمع مادام تحبون بعضكم كل هالقد
اخطبي فلانة لي وزوجيني ياها واخليكم بنفس الفيلا مع بعضكم
وهي صار وجهها اصفر من الاحراج وذاك يضحك الين طردته انا وهي مدري كيف تغيرت طول الجلسة وبينت لي انها انزعجت منه ومن كلامه
بعدها يرسل لي رسالة يقولي ترا امزح لا تصدقين ياهبلة
انا ماكلمته ابدا يوم رجعني ولا جبت له سيرة وهو كان ساكت وماجاب موضوع
بس مدري احس فيني قهرة منه ومن هالاسلوب حقه ذاك اليوم ومدري كيف اعبر بس الله المستعان