السلام عليكم ورحمة الله وبركآته
كيفكم ياحوائيــآت
بقول لكم مشكلتـــي لأنكــم مثل خوآآتي
وابي مشورتكم في الحل مع زوجي العنيــد
تزووجت من سنه ونص تقريبا ولله الحمد ربي رزقني ولد
عمره الحين شهــرين وفي بدايه ايام زواجي كان بين زوجي وابوي مشاكل
والحمد لله انحلت المشاكل وارتحنا
اهلي يسكنوون في منطقه تبعد عن الرياض تقريبا 140 كيلو
يعني بالمشووار تاخذ بالطريق ساعه وشوي
المهم من تزووجت الى الان مانمت عند اهلي الا بنفاسي
وياليتني تميت بس جلست 25 يوووم
والسبب ان زووجي يتعذر بالولد عشان نطهره
وحتى امه تقول خلاص جبها اهلها بعيدين واقاربنا يبوون يشوفونها
ويسلمون عليها ويتحمدون لها بالسلامه >>> وش هالحرصه بيمديهم على خير
وانا اقول له اذا تميت بجي ويجووني عاادي مافيها شي
الله يحييهم بأي ووقت
قال لا هم يبوون يجوون بالنفااااس وخذاني بالقوووه وانا اصيح وزعلانه وحالتي حاله
واكبر قهــر اني بكر يعني اول مولود ولا اعرف شي وجيت لبيتي وامه مزعجتني ابي الولد
عطيني ولدنا ومن تجي من صلاة التراويح تروح تنووم وتخليه عندي وانا مابعد تعوودت على البزران
مااعرف له كل ماصاح صحت معه يوم كنت عند اهلي امي تاخذه وخواتي ويخلووني انووم ومن جيت وانا وجهي مصفر وعيوني ذبلانه ونفسيتي تعباانه كله منه هو وامه وكل مانمت وطلع ولدها من الغرفه القاها ناطه فوق راسي ومابقى احد مادخلته لغرفتي وبيتي يشوفونه من ربعها وانا مابي احد يدخل لغرفتي وهي ماتحترم ابد
ساعات القاها تغير المفرش حق السرير والله اني ما اكذب وانا انسانه خجوووله وهي متسلطه شوووي
ولاقيتني طيبه ماخذه حريتها والا مرت ولدنا الثانيه اتحدى لو تقرب من جناح غرفتها الله يهديها ودي اقول لها لاتدخلين الغرفه بطريقه حلوه ومهذبه بحيث انها ماتزعل
المهم تميت الاربعين على خير وطلعت الحمد لله بالسلامه ورحت وسافرت بالعيد
رجعنا من السفر لازم اروح اسلم على اهلي وهو يقوول ماعندي مانع اوديك بس ترجعين معي بنفس اليوووم
وابووي زعلان لاني ماجلست اتم نفاسي عندهم ويقول اذا انتي بتجين وترجعين بيومك لاتجين
احنا اهلك مالنا حق تجين تسلمين كأنك تعزين وترجعين ماتسوى عليك هالمشوار
ريحي في بيتك وانا قلبي بينقطع عليهم كل اسبوعين اخواني يجتمعوون ويكلوومني الا انا ماروح معهم ابد
ابووي الحين يقووول بكلم زوجها وبتفاهم معه وانا خايفه من هالمكالمه ابوووي عصبي مررره وزوجي مثله
اخاف يكلمه ويتهاوشون مره ثانيه وانا الضحيـــه معد اقدر اروووح لهم قلت لامي لاتخلينه يكلمه تكفين
ماصدقنا تروح المشاكل يعودون يرجعون من اول وجديد وترجع حليمه لعادتهها القديمه
ياحوائيـــآآآت ارشدوووني لحل
انصحووني نبهووني اعتبرووني اختكم الصغيره
مدررري وش اسووووي ..:(
حلمي الوحيد اروح عند اهلي وانبسط معهم وانام عندهم
ياليت هالحلم يتحقق واصير اروح واجي بدون مشاكل ووجع راااس
نواااااارهـ @noaaaaaarh_1
عضوة نشيطة
يلزم عليك تسجيل الدخول أولًا لكتابة تعليق.
ام الشيبات
•
الله يعينك
وسعي صدرك ممكن زوجك تعود عليك ولا يقدر يخليك بعيد عنه وانتي كلميه بسلوبك ممكن يقتنع بس انتي وشطارتك
ربي يسخره لك
ربي يسخره لك
بالعكس خلي ابوك يكلمه يمكن يستحي ويحس بنفسه بس فهمي ابوك انه يتفاهمون بهدوء بدون عصبيه
الله يعينك
الله يعينك
الصفحة الأخيرة