زوجي وتأزمه النفسي

السلام عليكم
من اول مارجعت لبيت زوجي وملاحظة عليه التغيير
قاعد يسترجع ايام الماضي قبل زواجه الثاني علي
يوميا يكلمني ويتذكر كيف كانت حياتنا وبالاخر قالها لي انه مو مرتاح نفسيا مع زوجته الثانية ابدا رغم انه عنده منها بنتين و ولد
قعد اكثر من يوم عندي وقايل لها انه مسافر وقاعد يفضفض طول الوقت وحاطط ابني قدامه مايبغاه يفارقه
الحين قبل يومين سافر فعلا مع اخوه وابن عمهم على قوله انه يغير جو ويتنفس قبل رمضان
وللان متواصل معاي يقعد يسولف للفجر
فجأة يكلمني يقولي بنتي لو عايشة الحين كان عمرها ١٧ سنة وقعد يحسب تاريخ ميلادها وكل شوي يكلمني ويتذكرها ويتمنى لو انها عايشة وانها بتتخرج ومدري ايش وبعدها صار يبكي
هذي اول مولودة لنا وكان طااااير فيها عاشت تسع شهور وبعدين مرضت وماتت وهو حالته تدهورت كثير بعدها
بعدها جبت له هذا الولد وبعدين فشل حملي كثير
وبسبب العيال تزوج علي مرة ثانية
وعلى مافهمت منه انه شاف بنته بالحلم اكثر من مرة ويجي يفضفض لي
خلاني اكتئب نفسيا معاه حاولت اني اكلمه يفضفض اكثر اكيد في سبب خلاه كذا مو راضي بس يقولي حنين للماضي
حاسة فيه مخنووق جدا ومو راضي يشرح السبب بس يتكلم ودمعته بعينه على طول
وزوجي بطبعه حساس جدا وكتومي يتم حابس بقلبه على طول