زوجي وتصفية الحسابات

سلام عليكم
انا قصتي تقدم لي احد قرايبي وكان يحبني من صغره وانا كنت رافضته لكن ابوي اصر علي
رفضي لسببين
ان خواته راعيات مشاكل وتدخلات وحده من خواته بينها خلاف مع عمتي الي هي اخت زوجها واخااف من تدخلاتهن
السبب الثاني لان ابوه وابوي بعد بينهم مشاكل وابوي يقول هو ماله دخل
لكن هو متمسك بي ويقول ماحد يتدخل بي وبحياتي
وتزوجنا لكن ماكان قريب يجي كل نهاية اسبوع يومين واستمرينا للحال 5 سنوات وهو يتنصل من المسؤليه ثم صارت مشاكل بسبب ان يتهم ان عمتي تدخل بحياتنا بنا على كلام اخته عدوتها استغلت كرهها لعمتي وقالت اشيا كلها كذب في كذب حتى خواتي تكلمت باعراضهن هو اصلا مخليني عند اهلي ومايصرف علي لو امرض اهلي يقومون في وبعيالي ويعير اهلي يقول بيتهم وسخ وانتم وسخين وكلله كلام خواته وعاري من الحقيقه لان عندهم هوس بالنظافه وغرور واهلي حاطينه ولدهم وابوي شرى له سياره ومعطيه مبالغ طائله ماطلب وراه
ويودي خواته المتزوجات لاي مكان سواق لهن ويعطيهن اللي ينقص عليهن واي ارباح من مشروعه اللي باسمي لهن وانا لطلبته ماعندي مزنوق ويقول هن يستاهلن وانتي لا
السوق ماروح له الا من عيد لعيد
حتى غرفة نومي جاب حقت اخوه المستخدمه وحطني بالامر الواقع مع انها واضح انها متكركبه ومتكسره مصمغينها
وهن يتدخلن من تحت لتحت حسبهن الله ماكنت ادري عنهن غير الاتهامات وبعدين صارت مشاكل وبعدين هدا لكن مايخليني اروح لاي مكان ماطلع من البيت حتى امي مره بالاسبوع ومره بغيت المستشفى رفض يوديني ووداني اخوي وخليت بنتي عنده ورحت ورجعني يقول خوذي بنتك معك واخذ الجوال مني وقفل الباب علي وخوذي ضرب بكل جسمي ومن شدت الهلع جسمي تخدر من الخوف ماحسيت بالضرب على قوه وخفت منه وبعد يومين جا يعتذر ويتلطف استغربت ويقول قولي انا غلطانه اكتشفت انه يسجلني ماهو اعتذار لله ويسمعه ابوي واخوانه ومدري من بعد اتوقع خواته وصابني خوف منه وانصدمت يوم دريت انه يسجلني مو كافي يصور اي شي بالبيت لطاح اي شي عشان يقول وسخه
طبعا انا جايته بمزاجه بكل شي مستغربه انه يدور علي
لكن بعدين صار الضرب شي روتيني لان ابوي صدقه اني انا الغلطانه وصار يهدد بالطلاق ويطردني من بيتي وياخذ عيالي ويقول اصبري لين اجيب حرمه واطلقك ماني مستعد افتح بيتين ويصور اي شي بالمطبخ لو كوب ويقول شوفو وسخه شهر بي بين الناس ويعلم الله ان بيتي واغراضي كانها جديده من زواجي ماجبت غيرهن ومره يقول ماعندها نظافه شخصيه ومره يقول هي قرمه ونظيفه بكل شي حتى الناس ماعاد يصدقونه لتناقضاته ويكذب علي باشيا واجد

ويقول روحي لبوك وراح يستفزع الناس يبيني ارجعك (نوع تحدي)
ومره سيرت على اهلي ودق يتوعد بي ليش اسير عليهم وخفت منه وابوي يبي اروح لبيتي وخفت وقمت اصيح مابي اروح وانا صابني خوف صرت اخاف منه واتعرق وارتعد لشفته بعد الضرب
الحين لي 4 شهور عند اهلي ماسال عني الا ان وحده من خواته سوت اشاعه فينا وقالت تستفزك هي وامها وانجن زياده ويرسل سب لبوي وكشفه ابوي على حقيقته الي اول يصدقه بكل شي اسمع ان خواته يقولن بنزوجه اللي احسن منها وابوه بعد راح يخطب له
طبعا خواته يقولن البلا منها مو منه وهو طيب مره مكذبات ضربه لي وسب فيني انا مابيني وبينهن اي عداوه
مستغلين زواجي منه لتصفية حسابات على حسابي