زوجي وتعامله

السلام عليكم
حابه افضفض لكم شويا ')
بالاول انا حامل بنهاية السابع حاليا ومشكلتي مع زوجي مهما سويت احس مايبان في عينو يعني اقوم اطبخ وانفخ وارتب البيت اغسل واكوي واتجهز واكشخ وكل شي كامل ما الاقي منو اي كلمه حلوة او اي رد واذا قلت مثلا بطريقه غير مباشره ( اليوم الاكله دي مخصوصه عشانك 😍) يكون ردو ليا ( ممرهه 😏😒) حتى لما اتجهز واكشخ مايقول كلام حلو ويمدح لازم اسحب الكلام سسحب حتى اذا طبخت لازم ينتقد ( مو زي طبخ امي ) وكلامو جاف معايا يعني كل كلامو باسلوب هججومم مو بالهداوه وربي صابره على دا الحال ومن انا بالشهر الرابع اضغط على نفسي بكل شي يرضيهه عشان ما اكون مقصره معاه بشي او اكون غلطانه غير كدا خميس جمعه وسبت بما انها ويكند انا انبسطت اقول بيفتكرني بيقول بطلك تتمشي تغيري جو طبعا العكس يروح مع اصحابو وانا اجلس بالبيت زي الهبلة كل البنات يصورو انهم مع ازواجهم وانا زي الجنية لحالي بالبيت وان رجع جا تمسكن عليا واخذ ***** ونام (دحين تجيني وحده تقولي انتي مقصره معاه عشان كدا راح لاصحابو ... لا مو مقصره لبس والبس نظافه وبخور وفله وضحك وكل شي اهيئلو هوا بالبيت احطلو الاشياء اللي يحبها سويت كل شي حتى بال***** سويت كل شي عشانو حتى وانا حامل رغم انو تعب عليا تقريبا يوميا اذا ما كان مرتين بالييوم كلو عشان ما اانب نفسي اني مقصرة معاه )تعبت وانا ضاغطه على نفسي من الشهر الرابع تعبت وانا استنى كلمه حلوه منو او اي شي يحتويني فيه او يهتم لتعبي امس خلاص انفجرتتت ماقدرن استحمل بكيت لين طفشت وليتو جا يطبطب عليا جا يصرخ اشبك اشبك اوك هوا خايف عليا بس برضو في اسلوب حتى لو باتكلم وبفضفض لك باسلوبك تفجع الواحد وتخليه يبطل يهرج طبعا عصب وراح نام وسحب على جدي ...اسفه اذا كلامي ملخبط بالله قولولي اش اسوي مع دا الرجال