زوجي وتعامله معي

السلام عليكم بنات
مادري والله كيف ابدا
لكن زوجي له فتره يقول انا انسان احب النوم وحدي لاني معك مايجيني النوم وصار يجلس يسهر بالصاله وانا كنت قبل احاول اسهر معاه الحين عندي دوام وماقدر اجاريه ف صرت انام قبله واذا داومت اكتشف انه ينام وقت دوامي طب ليه ذا كله؟
غير ان حياتنا ممله وكئيبه لا طلعات ولا سوالف وضحك طفشت من ذا الروتين وهو راضي وعادي عنده مو فارق
ولا ادري وش اسوي ب اطق من القعده واذا طلعت طلعت اقضي اشغال للبيت وبس
ماعاد لي خلق حتى اسولف معه لاني اشوفه مايحاول يسعدني وكل سوالفه عن ناس وعن اصدقائه شي يجيب الكآبه
وفجأه يسولف ويضحك وفجاه يقلب نكد وصمت
فجاه ماينام معي بالغرفه بحجة مايجيه النوم وفجأه يجي يحطني بحضنه
انا طفشت من هالتذبذب ابي اعرف اعيش مبسوطه ولا اقعد بهم وقلق
غير انه يابنات موصلني ل مرحله اني احس اني اذا ماتوظفت باكل هوا لان ماشوف منه لا مصروف ولا هم يحزنون اذا طلبت شي يكون ضروري جاب غيره لا
انا ادري موضوعي ملخبط بس بوصل لكم الاحساس مررره طفشت لو اني بدون زواج احسن كان على الاقل ما انقهر ع حالي ومشكلتي اكل في نفسي ابي واحد يدللني ويحطني بعيونه واحس اني مهمه عنده وراضي فيني بعيوبي قبل ميزاتي لكن للاسف مالقيت الا واحد يقول احبك لكن الواقع اني مُنتقده ف كل شي ويفضل ينام بعيد عني ويضحك مع اصحابه اكثر مني والمشكله اني مو مخليني اكون صداقات اكتشف ان كثير جمعات تصير ويلغي حضوري فيها من عنده ما ادري الا بعدين انه قالهم اني مابجي!!!! وانا اكون ميته عالجمعه
مايبيني اروح ولا اجي الا معاه وليته يطلع ويجيب 💔💔💔
تكفون ابي حلول لحد يزيدني عاللي فيني اذا شايفين مشكلتي تافهه ف انا شايفتها مفصليه ممكن توصل للطلاق لاني تزوجت عشان اعيش مو اموت وانا حيه