اخت قلعة الملوك كلامك كبييييير ترى
يمكن صاحبة الموضوع اخطأت بالحكم على نية السلفه لكن حتى انتي غلطانه وغلطانه نعم غلطانه
كيف يعني والله ما امسح مكياجي عشان اخو زوجي؟!!!!

وينك عن ايه(وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ)
وينك عن قول الرسول عليه الصلاه والسلام الحمو الموت؟
وينك عن اية (وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ) ربي حذر من الضرب بالارجل مو عشان يشوف زينتها لا
عشان لايتخيل هي وش متزينه من ورى هالضرب!! يعني ربي حذر المرأه انها ماتخلي الرجل ((يتخيييل حتى)) وش زينتها
وانتي تحلفين والله ما امسح مكياجي عشان اخو زوجي؟ عجيب والله
وماتبين صاحبة الموضوع تغار , اصلا ربي حرم الاختلاط عشان لايصير غيره ومشاكل وانتي مطفيه النور وتجاوبين بحماس

حبيبتي بما اننا في رمضان خصوصا لاتغتابي حماتك بهالشكل اللي يوصل للقذف لها بخيانتها لربها ثم زوجها الا لما تكوني متأكده من هالشئ يعني لما تمسكي عليها حاجه اكييييده ..غير كذا مايجوز حبيبتي
ثانيا مثل ماقالوا البنات انتي ليه ماتهتمي وتثقي من نفسك وتحبيها ترى اللي يثق بنفسه ويحبها ينعكس هذا الشئ على اللي حوله واللي يشوف نفسه جميل الناس يشوفوه بأرضه جميل يعني انتي اهتمي بنفسك وبشرتك وماكياجك علشان نفسك اولا انتي انثى لاتنسي هالشئ وترى كل الحريم عندهم بزوره ومانسوا انفسهم من الاهتمام والكشخه ...عطي نفسك حقها وابدأي تغيير من اليوم

اللي قلتي انتي غيرانه منها لا ي بعدي انا مو غيرانه منها من حقي اغار ع زوجي منها الشيطان مامات وياللي تلوموني ماراح تحسون ابد لانكم ماشفتوا الوضع فيه شي اسمه )حياااء وستر وخوف من ربي ونيتها العالم بها ربي لكن اني غيرانه منها احنا مسلمين نغار ع ديننا وغيرتنا في شي بمحله

الحل انك خليكي ذكية وشغلي كيدك


اول شي ابدا لاتبيني له انك منتبهة او غيرانه منها هذا اهم شي
ثاني شي كل ماجيتي من بيت اهله وشفتيها اتكلمي كلام عام عن الجلسة وجيبي سيرتها بطريقة غير مباشرة
حبيبتي خذي نصيحة من اختك الرجال بصري يعني يحب الخيالات وهو شايف ظاهرها مكياج واسرته وسحرته بزولها طبيعي بيخق معاها لانو مو شايف غير الظاهر وخياله شطح بعيييييد
انتي اشتغلي على خياله قد ماتقدرين
طلعي عيوبها قولي مثلا شميت فيها ريحة عرق وصكت راسي ودايم اشم فيها كان نفسي انصحها عشان زوجها مسكين كنت بقولها على عطوري ومزيلات العرق الي استخدمها
قولي مثلا شعرها مدبق ماتتروش اي عيب فيها قطيه بس اهم شي بطريقة غير مباشرة وانتبهي اشد الانتباه انه يعرف انك تغارين منه

عندك وعندنا خير وحاسه فيك
والحل
كلمي زوجك مايجلس معها ولا لك تصرف ثاني معه
هدديه وهاوشيه خذيها مني وانا اختك
لا تسكتين له
وقولي ايه اغاااار عليك حبيبي وزوجي ومابيك تسولف مع غيري ابد
واذا قال مثل اختي
قولي له حتى اخوك مثل اخوي
بس ماسولف معه احتراما لك ولمشاعرك
وانت احترم مشاعري مثل ماحترمت مشاعرك .. وخوفيه بزعلك
صدقيني مره ثانيه اقل شي يحسب لك حساب ويستحي على دمه
هذا ب النسبه لزوجك
وهي سلفتك
طقيها في وجههاااا
قولي لها غطي عيونك حبيبتي ترا زوجي مو محرم لك لا تأخذين اثم انا ماحط مكياج قدام زوجك استحي ومابي الاثم
وانتي اذا تبين تحطين براحتك بس لا تقابلين زوجي لو سمحتي
قولي لها كذااا ليه خايفه منها مب قاطعه راااسك
حتى وان قالت تغارين مني قولي ايه حبيبتي زووووجي واغاااار واموت عليه وهو يحبني ويموت علي مابيه يطااالع غيري ..
وربي مافيه احسن من هالاسلوووووب
والله يحسبون لزعلك حساب ويخافون منك
محد نافعك لاخرب بيتك ياقلبي .
ولو انه انتي الي تسوين مثلها يمديها اكلتك بقشورك
فليش ساااااااكته لزوجك ولها !!!!!