زوجي وتهديده بالطلاق

الْسَلآإمّ عَلْيّكَمُ وٍرٍحَمُةٌ اللَّـَـَـَـْـْہ وبُرٍكآإتَهّ 🌹

اخواتي ياريت اصحاب الخيرة والرأي الحكيم ينصحني
انا احب زوجي وزوجي يحبني من اول ما اتزوجنا وكان طيب جدا معايا ومدلعني
طبعا قل الدلع والرومنسية بيننا بعد ماخلفنا عيال
وبيننا مشاكل من اول ما اتزوجنا وكانت تمشي عادي
الحاصل لاحظت جوزي سار يهددني بالطلاق له كم سنة احيانا اسكت واحيانا اشتكي لاهلي ومعاها يقولي انقلعي بيت اهلك ولمي عفشك..طبعا ثاني يوم ينسى الكلام اللي قاله ومانتكلم لحد مايهدأ هوا.. مع العلم في كل مشكله نتجادل انا وهوا ونغلط على بعض اول يومين بعدين نهدأ طبعا ولا مره يعتذر او يراضيني حَتْىّ لو هوا غلطان..
احيانا اروح بيت اهلي ازا كانت المشكله كبيرة بيننا جربت اقعد بالشهور مانفع معاه لا يتصل ولا يسأل عننا ولا يرجعنا حَتْىّ مايكلف على نفسه يكلمني او يكلم ابوي يخلي امه تتكلم وتحل مشاكله بدل عنه..وجربت مره ارسله الاولاد وخليتهم عنده على اساس يحس بقيمتي ويحس بالمسووليه برضو مانفع معاه لايتصل ولا يرجعني البيت ..هوا انسان مكابر جدا وكرامته فوق الكل ويبغي ابوي يتنازل ويكلمه هوا ما يبغي يبدأ بالصلح او يجي يتفاهم مع ابوي لانو مع الاسف مالو كبير مو خايف من اهلي ولا من احد ولا حاسب حساب لاحد .. ابوه متوفي وخواله شايلين ايدهم مايبغو يتدخلو.. الكل يقولي دا بايعك مايحبك ومستخسر فيكي ريال ( مع العلم هوا بخيل راتبه كويس ماعندنا لاقرض ولا ديون ) دايما يقولي ماعندي فلوس ولمن اروح لاهلي يسافر ( سبحان ٱلـّاـْہ من فين جات الفلوس وطول السنه ماعندي وهوا يسافر لحاله كل سنة يتحجج بدوامه طول السنه ومايبغي جنان بزورة في السفر) بصراحه انا تعبت اولادي صغا وما افكر في الطلاق عشانهم وعشان احبه وهوا ولا مره حسسني انو شاريني او ليا قيمه عنده ولا مره رجعني مع انو مشاكلنا غالبا اسبابها تافهه..
الان انا متزاعله معاه و ما اعتبرها مشكله اصلا كان تقصير بسيط مني وزعل وخرج من البيت وصار ينام عند امه ويقضيلنا اغراضنا ومشاورينا ويطلع حَتْىّ بزورته مايطل فيهم.. قعدت قرابة شهر صابره على امل يحن ويرجع وبرضو استمر على تهديداته ومايبغي يرحع البيت.. قررت وقتها اروح لاهلي لاننا طفشنا في البيت لحالنا وقلت اعيّد مع اهلي ونغير جو وهوا صار يهددني بالسفر ازا رحت لاهلي !!!المشكله هوا مايبغي يرجع البيت ولا يقعد معانا وفوقها يهدد وينكد علينا في العيد!! رحت لاهلي استنيت منه اتصال او مكالمه لاحس ولا خبر ..وحبيت انوه على حاجه انو لينا كم سنه بيننا فتور ومافي مصارحه وكل واحد يجمع في قلبه على التاني ..ما ادري هوا الغلط مني ولا منه ..
كيف اخليه يعرف قيمتي ويدور عليا تعبت وانا اتنازل كل مره وكل مره احس اني رخصت نفسي ؟