زوجي وجارتي 😑.

صباحكم خير
وجمعه كلها خير يارب .


انا عندي جاره متعرفة عليها من سنوات اعرفها زين وعشره عمر .

و زوجي م أقصر ابدد بشيء في بيتي الحمد لله ومحد كامل بس انو احاول.


المهم زوجي اذا بيعزم احد او جانا ضيف اطبخ لازم حتى لو ذبيحة مستحيل انسي شي اسمه براا شغالة بالساعة يقولي مو لازم مع هذا مايشكر او يذكر هالشيء لي لاااااا


بس اذا يوم مسك علي حاجة وماطبخت اليوم مثلاً
قالي جارتك طابخة ماشاء الله عليها ريحة طبخهم مو زيك
اشم ريحة قهوتهم ماشاء الله عليها سنعه ماتقصر 
عندهم ضيف او شاف ضيوف جايين لها قالي ماتقصر مع ضيوفها 
اقول من متى جاك ضيف وماضيفته بنفسي!

يعني يقارن بكلشي لو قلت بجيب عاملة بالساعة قالي شوفيها ماتجيب قلت شدراك عنها !!! لايكون ساكن معهم

وجيت اغير اثاث غرفة عندي قال شوفي جارتك بيتها ماقالت بغيره قلت بيتها زين مايحتاج تغيره

يعني يلصقها فيني ومقارنه بطريقة تطفش مع انه مايعرفها اصلا ولا يعرف زوجها بس ذبحني بمقرناته

قبل يومين دخل وجاء يهاوشني قال انا عند الباب اسمع صوتك!! تبين جارنا ينقل بسبتك قلت خير انت عند الباب طبيعي بتسمعني صالتي ع طول ع باب الشقة قال واذذ مر جارنا انا ماقد سمعت صوت زوجته ولا قد رفعت صوتها

انا اذا سمعت باب مدخل العماره اعرف انه جاء واذا كنت اكلم او انادي عيالي اسكت لين اسمع باب شقتهم يعني حريصة وجارتي اذا طلعت اسمع بالدرج صوتها وضحكتها وكيف تنادي عيالها يعني طبيعي ببيتي ماراح اقصر صوتي دايم بس هو يترصد لي ومايبين صوت انه جاي عشان يقفطني ويهاوشني😑.

قبل يومين على اساس اطلع موعد وقال انتظركم بالسيارة وفتحت الباب بنزل دق علي قال لاتنزلين قلت انا بالدرج قال ادخلي جارنا تحت بيدخل ودخلت وبعد مانزلت قال م تستحين بتنزلين والرجال بيدخل قلت انت قلت انزلي و ثم وش دراني انه جاي! قال ماشاء الله ع جارتنا ماقد شفتها او قابلتها واذا بتنزل تتحرص
قلت انا كذة لو هو فاتح الباب كان سمعت بس انتي مرسل لي قبل ينزل من سيارته 😳 وثاني شيء انا بعباتي مستتره ترا ولو سمعته وهو طالع ونا نازله برجع مايحتاح تذكرني
قال لا الاحظ انك تدرعمين ماهمك من جاء بعدين سكت وبعدها ماسكت و لارح يسكت ف صرت اطنش وهو مكمل مقارنات بس هالشيء يصدع راسي لان اعصب من داخلي واسكت 😠