آه يابنات في صدري ضيقة تخنقني مو قادره انبسط ولا استمتع بأي شي ف الحياة بسبة هالانسان يا بنات مااصدق انها زانت الا وترجع تشين لاحول ولا قوة الا بالله
هالانسان يعاملني على تعامل زمن الجاهليه وتعامل أطفال تقولون لي شلون
من يصير خلاف بيننا يسحب مني الجوال والله طفشت من وضعي معاه وفيه لقااافه زايده من يسمع رنة رساله من راسل لك جيبي جوالك من يشوفني متكاسله قال اشغلك الجوال وانا والله اني ما أمسك الجوال قدّامه ولا اتواصل مع ناس عندي برنامج تليقرام داخله فيه دورات بس يجي منه رسايل وكل ماطلب جوالي اقعد احذف البرنامج وأي صوره وأي تواصل صار مع أهلي ماعاد صرت اقدر احتفظ بخصوصياتي فيه طفشت مليت من هالحال الحين يقول انتي مايناسبك الجوال اااااه بس الجوال هذا والمنتدى هذا متنفسي الوحيد اهلي ف منطقه ثانيه وبعد ايششششش اروح لهم بس اتواصل معهم ف هالجوال تتغير نفسيتي وش الحل مع هالانسان وشلون أخليه ماياخذه مني ويحترم خصوصياتي والله تعبت نفسياً احس اني بنجن بسبة فعايله هذا جزء من خلافاتنا وحياتنا ماتخلو من مشاكل ثانيه والله تعبت تعبت تعبت
ام انوسي ياليت يكون لك مشاركه ف موضوعي
يلزم عليك تسجيل الدخول أولًا لكتابة تعليق.
كلاري اللطيفة
•
رف
زوجك شكاك الله يعينكزوجك شكاك الله يعينك
المشكله اني أقوله انت تشك فيني يقول لا أصلاً ماعندي حركات تخليه يشك ولا مسك علي شي حسبي الله ونعم الوكيل احس راسي بينفجر من تصرفاته صرت بس انام كرهت كل شي بحياتي
لا ماهو شكاك بس يعاملك معاملة بزر و يبي يعاقبك يقالك مسيطر عليك والله لو مكانك يوم يرجعه لي بقوله خله لك ما بيه و ادبر لي فلوس واجيب جوال بفلوسي و لو فيه خير يمد يده عليه ،، الله يعطيك الصبر وانتي بعد يوم يسحبه لا تنقهرين و لا تعصبين لانه يشوف هالتصرف يجيب معك نتيجة
لا ماهو شكاك بس يعاملك معاملة بزر و يبي يعاقبك يقالك مسيطر عليك والله لو مكانك يوم يرجعه لي بقوله خله لك ما بيه و ادبر لي فلوس واجيب جوال بفلوسي و لو فيه خير يمد يده عليه ،، الله يعطيك الصبر وانتي بعد يوم يسحبه لا تنقهرين و لا تعصبين لانه يشوف هالتصرف يجيب معك نتيجةلا ماهو شكاك بس يعاملك معاملة بزر و يبي يعاقبك يقالك مسيطر عليك والله لو مكانك يوم يرجعه لي بقوله...
حبيبتي والله حتى لو جوال انا أشتريه ياخذه مايستحي مره جاني هديه من اهلي اخذه مني قال لاتستخدمينه وبين فتره وفتره يجي فجاءه عطيني جوالك ويقعد يحط ويحذف اي شي على كيفه كنه جوال مشترك
الصفحة الأخيرة