زوجي وحاتم الطائي

السلام عليكم ورحمة الله ........................ابدأ في الموضوع على طول

الله يسلمكم ........زوجي شخص طيب جدا ومخلص ومتفهم وكرييييييييم جدا جدا معي ومع غيري.........وهذي هي المشكله

زوجي كريم جدا مع الجميع ........ يدين اي واحد يقف على بابه ومستحيل يرده لو مايلقى ياكل ويكفل اي احد يطلب منه .

يمكن البعض مايعتبرها مشكله لكن بالنسبه لي مشكله مأزمتني جدا لأنه في كثير من الأحيان اضطر ابيع من ذهبي او اطلب من اهلي عشان اشتري ضروريات لأولادي......والله مابالغ وراح اضرب امثله سارت من شهرين بس.....................
كانت الساعه2 الظهر:time: دق الباب واحد يطلب منه الفين ريال وماكان معاه جاء قالي ابغى فلوس ضروري عطيني من اللي عندك(هو يعطيني كل شهر فلوس ليه) المهم زعلت وقلت ماني معطيتك قالي ارجعها لك العصر بس ذحين الرجال واقف على الباب، وانا مصره مااعطيه وجلس ينصحني ويقول اما السائل فلا تنهر وانه مايقدر مايعطي اذا احد طلبه وعطيته الي عندي ... ويوم قابلت زوجة الرجال الي جاء تدين من زوجي جالسه تتفشخر ان حضرة زوجها ما يرفضلها طلب حتى ان هذا الفستان اشترته بـ 2600 وهو ماكان عنده وتقول مو ضروري اعرف من فين يجيب الفلوس اهم شي انه مايرفضلي طلب وانا جالسه ومقهوره وكان نفسي اقول هذا الفستان من فلوسي :(................. وماعدا كم يوم الاو اخوه مسافر برا هو واهله ومتصل عليه يطلب خمسه الأف وطبعا ماقصر بدل الخمسه عطاه سبعه وقال يمكن يحتاج اكثر بصراحه كل هذا مازعلني لاني متعوده عليه شهريا بس اللي قهرني يوم دريت انه كافل واحد من اصحابه بمبلغ 120 الف وصاحبه النذل ماسدد وجات على راس زوجي وانا لما دريت دريت بالصدفه ولي زادها انه ماخلص تسديد الا وهو كافل واحد باكستاني يعني في اي لحظه يسافر ويورطه:44:.............عرفتو وين المشكله بديت ماحس بالأمان معاه فكرت اكثر من مره اشتكيه على اهله بس والله مايستاهلون احد يزعلهم خاصة ابوه دائما ينصحه انه مايكفل احد ودائما يسألني اذا يدين احد وقوله لا.........
وبصراحه زوجي مايقصر معاي فاتحلي حساب في البنك لاكن يوم اشوفه محتاج اعطيه واقول هي اولا واخيرا فلوسه............ يعني والله لو الناس الي يعطيهم محتاجين والله مايهمني بالعكس افرح وادعيله بعد، لكن اكثر الي يطلبون منه ياخذونها عشان يسافرون اوعشان حريمهم او عشان اشياء تافهه........:06::06:
بالله مو شي يقهر خاصة ان راتبه كبير ماشاء الله وبيتنا ملك واكثر مقاضي البيت متكفل فيها عمي اللي هو ابوه وبالرغم من كذا مايجي نص الشهر الا والحساب في البنك بالكثير فيه خمسين ريال..........وضروري تعرفو ان زوجي موراعي سهر في الإستراحات جالس على طول في البيت لانه مايحب السهر بالمره..............

ابغى رايكم بصراحه هل هي فعلا مشكله ولا انا مكبره الموضوع على الفاضي

.........................................................ودمتم بخير..............