زوجي وحبه لهله

السلام عليكم
زوجي شمالي شرقي جنننني بحبه لهله امه وخواته انا ما اقول شي اهله بس مولهدرجه
اهله دايم يغلطون علي وقدامه ومستحيييل يدافع عني وحتى لو كلمته بعدين يقول تكذبين ماقالو شي وانا متاكده انه سامع بس يسوي نفسه مانتبه لتجدعهم الكلام مثال
دايم اروح لهله بالاسبوع تقريبا من ثلاث لاربع مرات هو يطلب مني ويقولي انتي ماتروحين لهلي ماتقدرينهم مع اني ماعمري دخلت ايدي فاضيه واسولف وامزح ومع العلم مايقولون لي تعالي لا يكلمون زوجي ويطلبون يجيب ولدي لحاله بس هو يخلي اروح انا
مره رحت لهم وقدام زوجي اول مادخلت قالت خالتي وشوله جايه مانبيك من عزمك
طبعا ايقاله تمزح وهي مزح برزح ونقهرت فشلتني قدام الموجودين كلهم وزوجي يضحك ولا كان قالت شي يوم صرنا لحالنا وقلت شفت وش قالت امك لاعاد تجبرني اروح يقول وش قالت لا تكذبين ماقالت شي
ياربي جننننني ودايم عندهم وبيتي فاضي لي ثلاث شهور ماتقضينا ويقول مامعي فلوس وهو يدي اهله السوبر ماركت غير المقاضي الي شبه يومي يجيب لهم وخصوصا لا ودان لازم نفرفر نجيب لهم طلبات من الى وبيتي فاضي ما القى ما اطبخ
بتقولون ولدهم مخالف على عيني وراسي بس هو يعطي امه مصروف ويمشي له حافز وخالي موجود مايقصر ابد والبنات الي يمشي له راتب ولي حافز وغير كذا عندهم عندهم ست عيال غيره بس كلهم يعطون امهم مصروف شهري وشايلي ايديهم مو زي زوجي
تصدقون بنات اذا عيت اروح لهله يروح لحاله ويتركني مايجي الا بليل متاخر ويجلس طول المده عنهم !
ولايبي يسفرني عشان اهله مايغارون واول مايطلبون اهله يسفرهم من بكرى يمشون مايقول لهم لا ابد ويقولي لاتروحين انتي موب لازم اجلسي عند اهلك
جننننني هالرجال عنده هوس بالبر ويخاف يصير عاق
لا تقولون تغيري ومادري ايش وربي اني مدلعته وهو يحبن مايغلط علي ولايجرحن واحس بحبه لي بس مشغووووول قوه بمرضاة اهله يحاول يكسب رضاهم وخصوصا امه باي شكل مستعد يسوي اي شي بس عشان يرضون وهم كل مالهم يزدون