السلام عليكم ورحمة الله وبركاته
يسعد صباحكم ياأحلى بنات
انا ببدأ بالموضوع ع طول وياليت لو تجيبون لي حل لأن والله راسي بينفجر من القهر
ضغطت ع نفسي وتحملللللللللت بس خلاص وصل فيني الصبر حده
يمكن بعضكم يشوف الموضوع تافه ومايستاهل بس أنا خلاااااااص ملللللللليت وماعاد أقدر اتحمل
السالفه ومافيها زوجي >> آآآآآه أحيانا تجيني حالات ودي أذبحه
زوجي من النوع اللي ينتقد كثيييييييييييييييييييير ومايعجبه العجب والله العظيم ع قد ماأسوي مايعجبه
شيء ولا كأني سويت شيء وإذا ماسويت تعالوا اسمعوا النغزات والدق بالكلام ع الطالعه والنازله
هو صح طيب وحبوب بس يقهرني مايقولها صريحه يحب اللف والدوران
في الطبخ والله أتفننننننن له كل يوم أكله وأنا الحمدلله أعرف أطبخ و طبخي حلو بشهادة الجميع >> الله يخلي الكتب
بس والله ماعمره مدحني ولا عمره قال شيء ياكل وهو ساكت صار يشككني بنفسي وبطبخي
في البداية توقعت إنه طبعه كذا مايحب يمدح بس اتفاجأت فيه
تخيلوا يابنات والله العظيم مايشوف أخواته وإلا زوجة أخوه مسويه شيء إلا يجلس يمدح فيه وياليته وقتها ويسكت إلا بين كل فتره وفتره يعيد السالفه وماينساها
والله أحيانا تكون أشياء بسيطه
معليش يابنات لاتجي وحده وتقول غيره والله ماني غيرانه بس ليش يعني الشيء اللي أسويه مايعجبه وبس ينتقد
و المدح ماعمري سمعته إلا لغيري مع إني والله الحمدلله مو مقصره بشيء نهائيا
أحيانا يروح عند أهله يلقى وحده من أخواته مسويه طبخه ولما يجي طول الوقت مدح فيها وماعنده سالفه غيرها تدرون وش المشكله
والله إن الطبخه هذي أكون قد طبختها له قبل أكثر من مره ولا عمره قال شيء
ويقول ليه ماتطبخين لي زيها أقول والله قد سويتها لك يقول ماأدري ماأتذكر وربي صرت أكره أجلسه معاه بعد مايجي من عند أهله
>> ترا هو يروح لهم كل يوم
لانه يقهرني إذا جاء سواليفه زي الحريم فلانه سوت و علانه قالت والمشكله يحرجني عند أهله أحيانا أكون معاه ومثلا كانت وحده من خواته جايبه حلا أو فطاير والله إني أعرف طريقته وقد سويته قبل كذا له
تخيلوا واحنا جالسين يسأل اخته هذا الحلا ((مثلا)) وش اسمه ثم يسألها عن مقاديره وإذا خلصت التفت علي وقال احفظيه عشان مره ثانيه تسوينه لنا
يحرجني معهم لما يسمعونه يحسبون إني ماأعرفه ولا أعرف أطبخ ولا أسوي شيء
وأحيانا لما يصير عندنا زواج أكون حاجزه في مشغل تخيلوا أتفاجأ إنه داق ع أخته يسألها أي أحسن مشغل عشان بيوديني له ولما أقوله بس أنا حجزت ليش تسألها أنا ماقلتلك يقول ماأدري عشان هي تعرف انقهر يعني أخته بتحسبني داجه ماأعرف شيء
ماقلتلكم سواليفه زي الحريم
واللي يقهر أكثر والله إني شايله أمه ع راسي و مو مقصره معاها بشيء الحمدلله وأزورها ع طول يعني مستحيل يمر اسبوع ماأجيها وإذا جيتهم والله أجلس من المغرب إلى الساعه 3 الفجر وكل هذا مايبين بعينه
اخوه متزوج وساكن في منطقه بعيده عنا وأحيانا يجون إجازه اسبوع وزوجته تكون عند أهلها بس تزور عمتي مرتين بالإسبوع هذا وبعدها يسافرون
عاد تعالوا اسمعوا النغزات إذا جاء من عند أهله يقول ماشاء الله فلانه اليوم عند أمي أحسه ينقهر إذا درى إنها هناك يقول ماشاء الله عليها ع طول تزور أمي
قلت شيء طبيعي لأانهم طول السنه مو موجودين إلا هالأسبوع يعني لازم تجيها كذا مره بس أنا الحمدلله عندها طول السنه وأجيها بأي وقت
يعني بشكل عااااااااااااااام يحب المقارنه بشكل مو طبيعي ودائما يطلعني أنا الغلطانه والله يابنات تعببببببببت
ماأردي وش أسوي لاتقولون طنشي لأني طنشت وماحصلت فايده غير القهر
والبيت والله الحمدلله يلق لق من النظافه والترتيب حتى أمي إذا جات عندي تجلس تهاوشني تقول باين إنك كارفه نفسك لاتسوين كذا تعب عليك وأنتي حامل
ماعليك من الشغل أهم شيء راحتك لا تضغطين ع نفسك وهو مايشوفني مسويه شيء بالمره وإذا جيت أنام أقوله والله تعباااااانه خلاص ظهري ورجولي بالمره تعورني يقول غريبه مع إنك مرتاحه ماتسوين شيء
طول الوقت فاضيه أقوله حرام عليك والله من الصبح وأنا أشتغل يقول بس مرتاحه ماهو ذاك الشغل والله من القهر أجلس أبكي ليش مايحس فيني
عاد ذاك اليوم هو راح عند أخوه المتزوج ولما جاء وربي كل يوم يعيد نفس السالفه يقول ماشاء الله بيت أخوي نظيف كأنه جديد قلت الحمدلله حتى بيتنا نظيف ومرتب قال صح ثم يرجع يعيد السالفه
قلتله ثانيا ترا هم عندهم شغاله مو زينا وأنا لوحدي وحامل ومع ذلك الحمدلله مو مقصره بشيء
و إذا رجعنا من عند أهله ع طول والله واحنا بالسياره يقول عطيني العلوم وش سولفتوا فيه ووش قلتوا أقوله عادي سواليف حريم يقول طيب علميني ومايخلي شيء إلا يسأل عنه وفلانه وش لابسه وعلانه وش قالت
وأحيانا أدري عن أشياء يعني تكون بالمررررره تافهه سالفه بايخه وماأقولها له وأحيانا انساها
إذا جاء بعد فتره وسمع فيها يجي يقولي عنها أقول ايوه سمعت فيها يقوم يزعل ليش ماعلمتيني ليش تخبين علي والله إنها تكون سالفه تافهه مثلا زي مره زوج أختي ضاعت محفظته ويزعل ليش ماعلمتيني
ماأدري خلااااااااااااااااص طفشت من هالوضع وهالعيشه الله يخليكم عطوني حل ساعدوني ترا والله مالي غيركم بعد الله
واعذروني أدري إن كلامي كثير بس أبغى أطلع اللي بقلبي ولو بكتب كل شيء والله ماتكفيني عشر صفحات ..
وشكرا لأنكم تحملتوني وتحملتوا كلامي وهذرتي الواجده..
هذا الموضوع مغلق.
ههههه معليش بس زوجك من جد زي الحريم هو يقولك زي كده عشان تزيدي اكثر زي زوجي يقول زي كده اقوله ليش انا ماني مقصره وازعل يقولي اعرف بس انا اقهرك عشان تزيدين وتتحمسين هو يعرف انك مانتي مقصره طنشي وكبري راسك واذا تكلم علئ احد قولي اي واللله بيتها نظيف وانا بيتي وسخ صح واذا قال فلانه اكلها حلو قولي ايوه انا اكلي موحلو صدقيني بيستحي علئ وجه ويبطل يتكلم هذا الكلام
اه ليت زوجي فاضي لمثل هالسوالف ذبحته الهموووووووووووم ربي يفرج عنه ويهديه. وانتي ياقلبي لاتنرفزيييييين طنشيييييييييييي ماعليك منه ربي يسخره لك ومايشوف مثلك يارب
طيب كله تقولين قال وفعل وانتقد وقارن
وانتي كله ساكته ليش ماتناقشين معه
ليش ماتقولين له اعجبك الاكل او لا
وش الي تحب اسويه لك
واذا اكل شي عند اهله قولي له ترانا مسوينها يعني مهب غريبه بس شكلك تحب الي بعيد عنك والي قريب ماتشوفه
واذا على سوالف الحريم قولي له انت رجال والسوالف هذي لنا مهب لك خير داخل بكل شي
ابيك تدافعين عن نفسك تتكلمين تناقشين تواجهين مهب بس تكتمين وتصيحين
وانتي كله ساكته ليش ماتناقشين معه
ليش ماتقولين له اعجبك الاكل او لا
وش الي تحب اسويه لك
واذا اكل شي عند اهله قولي له ترانا مسوينها يعني مهب غريبه بس شكلك تحب الي بعيد عنك والي قريب ماتشوفه
واذا على سوالف الحريم قولي له انت رجال والسوالف هذي لنا مهب لك خير داخل بكل شي
ابيك تدافعين عن نفسك تتكلمين تناقشين تواجهين مهب بس تكتمين وتصيحين
الصفحة الأخيرة
هذاحبيبتي فيه عقده النقص ويحط حرته فيك
كل ماسمعتي شئ طنشي اقهريه خله يحس ان كلامه ماياثروبيسكت بس يبي يستفزك
ولاتشتغلين واجدوانت حامل حرااااام مب نافعك اذاصارلك شئ