بسم الله الرحمن الرحيم
السلام عليكم ورحمة الله وبركاته
اخواتي العزيزات
ابي اكتب قصتي "ماودي اقول مشكلتي لاني خلقة ضايق صدري" <<< اواسي نفسي
الله يهدي الجميع ويفرج همي يارب
اخواتي انا متزوجة من سنة
وزوجي من اول زواجي كنا في شهر العسل ودق على ابوة وقالة تصدق يابابا انها اللي هي انا
ماتحب تشتري كثير
لانه متعود امه تحب السوق وتشتري اللي تبي والللي ماتبي يعني كل يوم بالسوق الله يهديها
المهم وانها ماتشتري اي شي
وانا قلت انه ضايق صدرة من الغربة وينفه عن نفسة او قصده سوالف
من مبدأ ((ضع لاخيك 70 سببا قبل ان تضلمه))
المهم:44:
ومشيتها وعااادي
رجعنا وعندة اخت صغيرة بالابتدائية كانت تجي عندي كل يوم او يومين
وانا والله افرح فيها
يوم صرت اروح لخاالتي بدت تقولي كلام كأنها معي بشقتي
تعرف عني اشياء
فشكيت وانا متأكدة اني ماقلت لخالتي الكلام اللي تقولة فقلت اكيد الصغيرة تنقل الكلام وانا ماادري
المهم
قلت له تصدق ان اختك الله يهديها حركة شوي
راح قال لامه بدون ماادري
صارت البنت مااعاد تجي عندي ابدا
واقولها لية حبيبي ماتجين عندي نلعب
قالت ماما تقول لا
المهم راحت الايام
وتعرفون مرت سنة ونص
والايام تمشي وصاروا يمنون شوي بالكلام علي
فبدأ ابوة يسولف ومن بين سواليفة تخيلوا يسألني عن اخوي وشصار في موضوعه ؟؟ وانا اصلا مااقلت له شي
وشوي خالتي تقولي كلام انا ماقلت له يعني والله العظيم كأنهم ساكنين معي
وطلعوا يعرفون كل شي حتى الشغالة يمين بالله قالت لي وش صار يوم رحتي المستشفى:mad:
انا انفجرت وبكيت وقلت له انت تنقل الكلام اثرك وانا ماادري
احسب اختك وطلعت انت
انصدمت مرة
وكذب علي وقال والله مانقلت شي
ورضيت وصدقتة
بس صار موضوع عند اهلي وعن اخوي الثاني
وقلت له من مبدأ زوجي ابو الاسرار :44:
وراح وقال لابوة وابوة سألني من بكرا
يقول انا اقترح عليك تقولين لاخوك كذا:icon33:
مسكت اعصابي
ويوم رحت شقتي كتبت رسالة وطبعتها وتركتها على الطاولة وهي كالتي
لا اعرف حقيقة كيف ستتمكن زوجة من اخفاء اسرارها على زوجها ؟!!
هذا امر بغاية الصعوبة ؟؟
ونشر الاسرار من قبل الزوج دليل قاطع على ضحالة تفكيره وقلة وعية وإدراكه لخطورة هذا الامر
الذي نهايته دمار للعلاقة الزوجية التي هي بالأساس اسرار بين الزوج وزوجته ونفضها للآخرين حرام شرعا باتفاق العلماء واستنادا للأحاديث الصحيحة الواردة في كتب الحديث
وهذا الحديث الوارد في صحيح مسلم يظهر منزلة من هم بأمثال هذا الزوج الغافل
وعن أبي سعيد قال قال رسول الله صلى الله عليه وسلم إن أعظم الأمانة عند الله يوم القيامة وفي رواية إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها . رواه مسلم
وأيضا
عن أبي هريرة أن النبي صلى الله عليه وسلم أقبل على الرجال فقال : هل منكم الرجل إذا أتى أهله فأغلق عليه بابه وألقى عليه ستره واستتر بستر الله ؟ قالوا : نعم ، قال : ثم يجلس بعد ذلك فيقول فعلتُ كذا ، فعلتُ كذا ؟ قال : فسكتوا ، قال : فأقبل على النساء ، فقال : هل منكن من تحدث ؟ فسكتنَ ، فجثت فتاة كعاب على إحدى ركبتيها وتطاولت لرسول الله صلى الله عليه وسلم ليراها ويسمع كلامها فقالت : يا رسول الله إنهم ليتحدثون ، وإنهن ليتحدثنه ، فقال : هل تدرون ما مثل ذلك ؟ فقال : إنما مثل ذلك مثل شيطانة لقيتْ شيطاناً في السكة فقضى منها حاجته والناس ينظرون إليه
انتهت الرسالة
فقال لي اشوف كاتبه ورقة فيها احاديث كأنها دقة لي
قلت لا بس هذي الورقة تخصني
وحلفت اني مااعاد اتكلم معه بأي موضوع
واحس ان المشكلة مني انا
لان احفظ لسانك يحفظك
ولكن احفظ لساني عن زوجي بعد هم مشكلة كيف احفظ لساني عن زوجي اللي اهو المفروض حافظ اسراري
وانا والله رغم هذا كله اذا كلمت امي
اقولها بس وش اخبارك وكيف حالك وبس ولاعمري قلت لها شي عنه
عشان اتحاشى القيل والقال وكثرة السؤال ؟؟؟
فأيش رأيكم؟؟؟

fatoome @fatoome
محررة
يلزم عليك تسجيل الدخول أولًا لكتابة تعليق.


ا لله يهديه
لا عاد تقولين له شي ابد عشان يحس ع دمه
وعيب عليه يقول كل شي وانتي قولي له الرساله لك مو دقه ولا شي
لا عاد تقولين له شي ابد عشان يحس ع دمه
وعيب عليه يقول كل شي وانتي قولي له الرساله لك مو دقه ولا شي


تصدقين حسيت زوجك عمره 7 سنوات
ربي يعينك يالغلااا
وبصراحه لابد له من حل
ولا على كذا بتجلسين طووول وقتك سااكته
ربي يعينك يالغلااا
وبصراحه لابد له من حل
ولا على كذا بتجلسين طووول وقتك سااكته
الصفحة الأخيرة
الا اذا انت معتبرني غريبه عنك وتروح تسولف فيني واسراري عند اهلك هذا شي ثاني اعطيني خبر يقين
وش مكانتي ف هالبيت اذا انا ببيتي مااضمن اسراري تطلع
هم اهلك صح وعلى عيني وراسي بس في خصوصيات لازم تحترمها والبيوت اسرار مو كل شي ينقال
مالك صالح من الحكي اللي ماله داعي