السلام عليكم ورحمة الله وبركاته
اخواتي ترددت كثير قبل ما اكتب الموضوع بس محتاجه استشارتكم ربي يجزاكم الجنه..
انا متزوجه من سنتين وانا وزوجي متفقين من ايام الملكه ما نخبي على بعض شي لدرجة عادي لو يجي واحد منا رساله الثاني يفتحها , ومره بداية زواجنا مسحت رساله من جوالي رسلتها اختي وما خليته يقراها وقلت له اسرار نسائيه وشي يخصها ومأمنتني ما اعلم أحد.. بس زعل وقال احنا متفقين ما نخبي على بعض شي وجلست اترضاه واقنعه ان هالشي يخصها ما يخصنا واحنا اتفاقنا ضمن خصوصياتنا فقط ولا اقتنع ومن بعدها وصيت اهلي وصديقاتي إذا عندهم شي مايرسلوا لي إلا إذا قلت لهم اني لحالي عشان امسحها قبل يرجع..
الحين انا حامل ربي يتمم لي على خير.. وايام وحامي تعبت مره حتى بيتي وزوجي كرهت ريحتهم وابو زوجي توفى وحصلت له ظروف عائليه بس كان مراعيني رغم كل شي ووداني عند اهلي شهر كامل يقول لين تخلصين وحامك وتقدرين ترجعين بيتك.. وكنت احس الطفش في صوته لمن يكلمني يقول فقدتك وفقدت حياتنا الحلوه في شقتنا وانا اصبره واخفف عنه. لين ربي يسرها وراح الوحم.
ولمن رجعت لبيتي قال ودي اسافر اغير جو وابو فلان كبير وعاقل وعياله في الثانويه مهو راعي خرابيط وبيسافر الدوله الفلانيه عشان يجيب عمال وش رايك اروح معه اتمشى واشوف الاماكن الحلوه ونرتب لسفره محترمه بعد ولادتك بإذن الله.. بس اهم شي ما تعلمين اهلي وامي وانا بقول لهم اني رايح انتداب تبع شغلي..
انا مره ما اقتنعت بكلامه بس وافقته مضطره ونصحته ما يطلع من السعوديه بدون ما ياخذ اذن امه ورضاها خصوصا انها في العده ومحتاجته والدنيا مالها امان وما ندري وش يصير.. بس قال كلها اسبوع ولو درت ما بترضى وما عليك انا بدبرها وان صار اي شي بإذن الله اغير حجزي وكلها ساعتين ثلاث وانا في السعوديه.
المهم انه سافر ورجع ومن بعدها قفل جواله برمز سري رغم اتفاقنا اننا ما نخبي على بعض.. وصار يحرص اني ما افتح جواله , انا احساسي يقول انه عنده صور ومقاطع ما يبيني اشوفها لأني ماركنت اعتقد انها توصل لأنه يكلم او شي من هالقبيل, بس نفسي اعرف وش اللي مخبيه عني, ولمحت له كم مره وصار يقلب الموضوع مزح ونمشيها على كذا لين مرت شهور وتعودت ع الوضع رغم عدم رضاي.. وعشان اخليه يحس بشعوري في يوم صار عند اهله جمعة حريم وقفلت جوالي برمز سري ولمن رجعت البيت جا يفتحه ولقاه مقفل وعلى طول قلب لونه وقال وش الرمز السري وليه قافله جوالك؟ قلت الصغار طفشوني يلعبون فيه وقفلته عنهم واعطيته الرمز وانا مبتسمه وقلت غريبه تزعل وما تبغاني ازعل انك مقفل جوالك وذكرته برسالة اختي اللي مسحتها اول زواجنا وزعل مني والحين كل جواله مقفل مو بس رساله.. انحرج وقام يبرر قال انا ما زعلت بس اتسغربت ومقدر ان في اشياء خصوصيه لأهلك وادري انك بتقدرين وضعي انا والله مقفل جوالي عشان بعض اخوياي ملاقيف واخاف يفتشونه ويشوفون رسايلك.. قلت بس انت تحرص اني ما افتحه حتى لمن تعطيني اشحنه ولمن تروح الحمام تتأكد اول انه مقفل.. ضحك وهو منحرج وفتحه ووراني اول كم رساله وفتح الصور ووراني كم صوره عاديه ما وراني اللي ايام سافر وكان مرتبك وعشان ما يكبر الموضوع قلت له انا اثق فيك واحترم خصوصيتك ولا ابغاك توريني وتثبت لي بس كان ودي تتفهم شعوري وموقفي..
والحين انا قربت اولد وعند اهلي ولاحظت انه متغير نوعا ما..يعني كثيييير نكون نكلم بعض واثناء المكالمه يقاطعني و يقول جاني اتصال برد وارجع ادق عليك, ومره راح مع ولد عمته الجنادريه من العصر للساعه 11 الليل تقريبا وهو راجع البيت دق علي ويادوب سولفنا كم دقيقه إلا يقول ولد عمتي يتصل بشوف وش يبغى وارجع اكلمك.. وقفل وجلست انتظره اكثر من نص ساعه وزعلت واخذت في خاطري انه يطنشني عشان يرد على غيري ولمن اتصل وهو مشغول ما يقطع مكالمته ويرد علي,, ولمن اتصل مره ثانيه ما بغيت ارد بس بلعتها ورديت وسألته وش يبغى فلان غريبه طول معاك وانتو من العصر سوى , قال يشتكي ان ماعنده فلوس والراتب يطير ما يكفيهم.. صراحه ماصدقته بس برضه مشيتها.
الحين يا بنات وربي قلبي مقبوض خايفه ان قاعد يصير شي يخرب حياتنا وانا ماني داريه ,, فكرت اطلع كرت الذاكره من جواله وهو نايم واركبه في جوالي وافتح الصور والرسائل لأنه يخزن فيها واقطع الشك باليقين واريح بالي.. بس خايفه يعرف وتنقلب علي..
اللي خلاني اوسوس واشك انه كان يدخن قبل ما يخطبني وقبل الملكه سأله ابوي قال انت تدخن؟؟؟ قال : كنت وبطلت.. وبعد الزواج صارحني انه يدخن وقال ابتركه بس اهلك لايدرون وبرر موقفه انه كان فعلا مبطل ذيك الفتره بس ما تحمل ورجع له قبل الزواج وانه كان خايف يخسرني عشان كذا ما بلغني إلا في شهر العسل. ووعدني وحلف لي يتركه وماعاد يشتريه بفلوسه وفعلا تركه فتره ولمن رحت لأهلي رجع له ووعدني يتركه قبل يجينا اول طفل والحين ولادتي قريبه وهو مستمر كل مره يتعذر ويقول ابتركه.. صراحه حسيت ثقتي فيه اهتزت لأنه وعدني وخلف بوعده وحلف لي وسوى عكس كلامه.. والشي الثاني ان بحكم اني موظفه بطاقتي الصراف معه نسيت اخذها منه لمن جيت لأهلي وحاسه صرفيته زايده لأنه مخلص راتبه بسرعه والحين راتبي قرب يخلص كل يوم يومين يسحب منه 300 و400 ولمن كلمته وقلت خلنا نوفر للطفل الجاي وبليزمنا مصاريف وعقيقه وضيافه قال والله اني اسحب 50 ريال كل مره وراتبي راح ع الجمعيه واقساط..
ربي يسخر لكم ازواجكم علموني كيف اعرف إذا زوجي ماشي في طريق غلط أو لا؟ احس اني بنجن من التفكير وودي اريح بالي ولو في شي كبير ابغى ألحق على حياتنا قبل ما يفوت الفوت وأعالج المشكله..
عارفه ان مو من حقي اتجسس بس هو يشوف كل خصوصياتي حتى ايميلي واحنا متفقين ع الصراحه واسلوبه خلاني اشك فيه ومن حقي احافظ على بيتي وحياتي قبل ما تتفاقم الأمور.. ع الأقل اكون على بينه من اللي يصير واريح بالي من الهم والتفكير.. مع العلم اني ولله الحمد ادعي ربي باستمرار حتى في سجودي ولو ادري انه مسوي شي ضمن المباح والله افرح وارتاح اهم شي ما يكون شي حرام..
اعذروني ع الإطاله وممكن ما اقدر ارد عليكم وحده وحده بس وربي لأدعي لكل من ردت علي واعطتني رأيها ونصحتني باللي تبغى..
تفاؤل و طموح @tfaol_o_tmoh
عضوة جديدة
يلزم عليك تسجيل الدخول أولًا لكتابة تعليق.
أول غلط سويته انه صرافتك معه ليش اخذي صرافتك لو ايش يصير لاتعطينه فلوس هو رجال يدبر عومره لاتقولين زوجي واساعده انتبهي اختي هو عنده راتبه يمشي حاله فيه وهو ملزوم فييك اقري القصص للحريم اللي ازواجهم ياخذون راتبهم او انها تعطيه هي من طيب نفس وتتعظين ..وتقولين انه قافل جواله برمز واضح وراه بلا بس لاتتعبين عومرك وتجلسين تنبشيين اذا مرا انكشف قدامك واجهيه وغيره لا لاتجلسين تدورين المشاكل واقفلي جوالك وماعليك منه زيك زيه قولي له كل واحد له خصوصيااته حتى ايميلك غيري الباس كذا لعانه عشان يحس بس وانا ترا اشوف انه يكون لكل شخص خصوصياااته يعني تكفي الثقه مو انه كل واحد يجلس ينبش بجوال او جهاز الثاني وهذي من من وهذا ايش
شذا طيبه
•
الله يوفقك ويسعدكم خليه يشيل الرمز او يعلمك بالرمز عشان ترتاحينالله يوفقك ويسعدكم خليه يشيل الرمز او يعلمك بالرمز عشان ترتاحين
اتوقع لو بيعطيها الرمز او يشيله كان ماحطه اصلا..
الله يفرج همك ويسخر لك زوجك ويهدي بالك.
الجوالات ما اعرف فيها مره وبإذن الله الخبيرات يفيدونك
الله يفرج همك ويسخر لك زوجك ويهدي بالك.
الجوالات ما اعرف فيها مره وبإذن الله الخبيرات يفيدونك
حبيبتي اول شيء لا تتوقعي في يوم الرجال ما يتغيرون او عيال بليس يخلون احد بحاله استعيني بالله وقوي ايمانك فيه وادعي لربك يبعده عن طريق الحرام شوفي حسب خبرتي القليله زوجك الحين جرب دنيا جديده عليه وهذا اصلا يصير سواء قبل الزواج او بعده الرجل يحب يغير ويحصل لذه عجيبه في هالشيء سبحان الله كل ممنوع مرغوب وترى الغلط يجر الغلط احذرك ونا والله اعلم وان شاءالله ظني ما يكون بمحله زوجك وراه شيء صدقيني ....قد يكون مجرد صور ومقاطع او قد يكون مكالمات او يكون فعلا على علاقه طيب لنفترض اسوأ الظروف ايش راح تسوين ؟؟؟؟انا راح انصحك ببعض شغلات اول شيء اول شيء لازمن وحتما توقفين البطاقه الائتمانيه اللي عطيتيه تحججي باي شيء الحين في هالمرحله هو مستعد يصرف اي شيء عشان يحقق اللي بخاطره وماهو بصاحي وبعدين مدري انتي ولدتي ولا لسه ؟؟؟اصلا هالفترة اللي هي فترة الحمال معظم الخيانات تصير لان الحرمه تكون تعبانه وحالتها حاله والرجاجيل عاد ما يتوصون ما يصدقون على الله الحرمه تهملهم شوي انا عندي اقتراحين يا اما تظلين وراه ليما تتاكدين من السالفه وبعدين عاد تقررين او ولا كان صاير شيء وعيشي حياتك وراقبيه من بعيد لبعيد قد تكون نزوة انا ودي تسالينه مصاحب حد جديد ؟؟؟ حاولي تنبشين بافكاره حتى تعرفين ايش اللي بخاطره بس ترى الرجال اذا يسوي غلط كثير يكون حريص اللي حسيته لمن وراكي التلفون ما اعطاكي اياه وقال شوفيه هو بنفسه جالس يوريكي اللي يبغاكي تشوفيه وكلنا نعرف التلفون في اماكن كثيرة يقدر يحبي فيها اشياء ايضا كثيرة وخطيرة
الحين هو عايش هالفترة وطاير فيها مهما سويتي او حاولتي ما في فايده الا اذا حد كشفه او شاف عليه شيء هذيك اللحظه ممكن يتوقف ....بما انه زوجه بعده يعملك حساب وخايف من زعلك وريه العين الحمرة شوي ولا تضغطين عليه حتى تتاكدي والله المستعان ...وبليز طمنيني عنك
الحين هو عايش هالفترة وطاير فيها مهما سويتي او حاولتي ما في فايده الا اذا حد كشفه او شاف عليه شيء هذيك اللحظه ممكن يتوقف ....بما انه زوجه بعده يعملك حساب وخايف من زعلك وريه العين الحمرة شوي ولا تضغطين عليه حتى تتاكدي والله المستعان ...وبليز طمنيني عنك
إذا كان مقفله حوذي الذاكره وأشبكيها بجوالك وراح يطلع اللي بها إذا كان حافظ عليها مو ع الجهاز
وإلا إذا جاء يبي يقفله بس ينزله قبل لايكمل الوقت حق القفل خوذيه وأتفرجي عليه بدون لايحس
وأنالومكانك أجبره يفتحه أوأحط رمز زيي زيه وأريح راسي
وبالنهايه هولوماكان حاط شي يزعلك ماقفله"طنشي وريحي راسك عن الزعل والمشاكل وصدقيني مرده بينساه مفتوح"
وإلا إذا جاء يبي يقفله بس ينزله قبل لايكمل الوقت حق القفل خوذيه وأتفرجي عليه بدون لايحس
وأنالومكانك أجبره يفتحه أوأحط رمز زيي زيه وأريح راسي
وبالنهايه هولوماكان حاط شي يزعلك ماقفله"طنشي وريحي راسك عن الزعل والمشاكل وصدقيني مرده بينساه مفتوح"
الصفحة الأخيرة
خليه يشيل الرمز او يعلمك بالرمز عشان ترتاحين