زوجي وحياتي السودا معاه<<استوفي الردود

السلام عليكم انا رح ابدا بالموضوع على طول بدون مقدمات لانها قصه طوييله قصه 10 سنوات مع العذاب والهم والنكد انا تزوجت وعمري 20 سنه...... اهل زوجي ناس ما عندها لا اخلاق ولا ناموس ناس مغلقين مجلسهم ما يطبه رجال ما يعرفون جيرانهم ولا لهم \علاقات برا لا الشايب ولا العجوز الشايب شاطر بس يلاسن بحريم عياله ويهاوشهم وياويل اللي تنام للظهر وياويل اللي ما تطبخ وياويلك تكلمين بناته وياويلك تسافرين مع زوجك وياويل زوجك ياخذك معه مشوار قممممه الحقد والغيره وعياله ما يثنون كلمته والام شغاله تحريش من تحت لتحت لدرجه انه يقول ياويل وحده تسوي شي ما يعجبني ترا عندي مباحث يعلمني بكل شي وياشر عالعجوز ناس متفرررررغين للحريم حتى اهاليهم ما يخليهم يطولون عندهم اذا الوحده راحت لاهلها يدق عليها ويهاوشها ويقول ترجعون اليوم ومنو رح يمسك يومكم ومن هالكلام بما ان الحريم كل وحده عليها يوم تطبخ فيه .........وتعالوا شووفوا بناته كيف عايشات يجون يجتمعون كل اسبوع عند اهلهم وواذا ما سويتيلهم عشا يقلبون عليك البيت فوق تحت ويشتغلون تحريش عند الرجال طبعا اذا في وحده ما جت زارت ابوها اكثر من يومين او 3 يدق الشايب على زوج بنته ويسفل فيه تسفيل ويهدده يقوله بناتي ما تقطعني منهم فاهم ؟؟ طبعا هذا اللي يذبحنا ويقهرنا اكثر شي بس ما نقول الا حسبنا الله ونعم الوكيل .......طبعا نتيجه هالقوقعه ياللي عايشين فيها والعزله صارت شغلات غريبه عجيبه بالعيال طلعوا كلهم يعانون من حالات نفسيه وكل همهم بالمجلس حنا رجال والله لو زوجتي تسوي كذا لنتوطى ببطنها ولو ما سمعت كلمتي لاتزوج عليها والشايب يتحداهم ويقول الرجال بعيالي هو اللي ياخذ حرمه ثانيه على مرته وانتوا ما فيكم رجوله خايفين من حريمكم مع العلم ان كل وحده تدخل هالعالم الغريب تتحطم وتتعب نفسيا وتكره حياتها لدرجه اننا كلنا نجلس مع بعض ونحش برجالنا من نجاستهم وحقارتهم معانا .... الشايب طبعا حرم عياله من عمامهم وخوالهم ورباهم على بره هو وانهم يسمعون كلامه وشلون يعصرفون عليه واي احد ياخذ اوفر تايم ولا بونص لازم يناله منها اقل شي 5000 رريال مع انه مو ناقص عليه شي يستلم 17 الف ريال بالشهر تقاعد لانه كان يشتغل ببلد ثاني وشؤوون طبعا مسجل كل بناته اللي متزوجات برا غير متزوجات عشان ياخذ عليهم شؤون وفوق هذا يطلب من هنا ومن هنا .... المشكله انه كاتب نص املاكه باسم مرت ابو زوجي والنص الثاني يوصي يقول هذا اذا متت تصدقوا فيه ولا واحد ياخذ ولا قرش من فلوسي شوفوا لوين النحاسه والله يابنات ما زليت عليكم بكلمه ادري ان امر هالشايف غريب بس هذا اللي حاصل .... ونتيجه كمان للعزله صارت حالات طلاق عندهم وعياله كانوا يتحرشون ببنات اخوهم بالسطح والحين البنات عندهم مشاكل تبول لا ارادي وحالتهم النفسيه زززززفت حرموهم من امهم وكانوا يكوونهم ويضربونهم جسمهم متشوه من كثر الحروق اللي فيهم وياااويل وحده من الحريم تتقربلهم والا تسولف معهم هذي تحرش عليهم .......ومره من المرات ام البنات اتصلت على وحده من حريم العيال وترجتها انها توصلها ببنتها ويوم تكلمت مع البنت راحت البنت حرشت عليها وسوولها مشكله ما بعدها مشكله ...... يتبع

المهم انا الحمدلله كنت طالبه بيت شرعي والشايب وعياله كل يوم عندي من سادس يوم بزواجي يمكن 15 الى 16 واحد ولازم انا اقوم اسوي العشا وتعالوا شوفوا ما يجيبلي الا ربيان وسمك و وكل يوووم على هالحال لمده شهر لما ملييييييييييت ما اطلع من البيت ولا اروح ولا اجي ولا اشوف احد ممنوعه من الجيران وكنت احاول قدر الامكان اني ما احمل كان زوجي حسبي الله عليه شررررررس لابعد الحدود معي لدرجه انو مره كانت بايدي صوره لابوي وابوي الله يرحمه كان متوفي من ثلاث سنوات دمعت عيني ويمسكني يهزااااااااااااااني ويسويلي عرس انو ليش تبكين عليه واللي يسمعك يقول توه ميت ومن الكلام ما صدقت عيوني وش هالوحش وش هالحيوان اللي انا بكمل حياتي معه يابنات اكرررررررههه لدرجه ما تتخيلونها المهم انا طلعت من بيت اهلي الحمدلله مدلعه من اول ما وعيت وعيت على خدم وان كل شي جاهز وكل طلباتي اوامر لو بس اسولف بالشغله القى اني الله لا يحرمني منها جايبتها لي تغيييييييرت حياتي فوووق تحت انقلبت قلب الله يقلب حياته ويا اهله حسبي الله ونعم الوكيل بس المهم الحبيب طللع بخييييييييل لا حرام اقول بخيل اظلمه اكان شحيييييييييييييييييييييح ونججججججس وطلع مدمن مخدرات وطلع رد سجون ولوطي الله لا يبلى المسلمين هذا كله عرفته بعد زواجي التعيس يابنات انا تزوجت وشهرين او 3 جا رمضان رمضان عندهم يومميات ولازم تنوعين بالاكل وتسويلهم سفره طولها 4 متر عشان يملون بطونهم الوحوش والا ينسعرون عليك المهم انا كنت مبتدئه تنوم المحروس في المستشفى لان صارت عليه حراره وحطني ببيت اهله وبس رجع اخدني ووداني لهم اليوم الثاني والثالث والرابع يحطني عندهم لحد الساعه 4 الفجر لما يخلص صياعته يجيني وتعالوا شوفوا الريحه شي لااا يطاق تطلع روحي ويجي دايخ وياااويلي اطلب ايييي شي لي والا للبيت هو يروح يجيب كل شي وانا مالي كلمه ولااا بشي والله يابنات كنت البس واكشخ ويجي يطالع فيني من فوق لتحت ويمشي ويتركني طبعا يكون شبعان الاخ وانا ياغافين لكم الله بس ما اهتميت بهالموضوع لانه بصراحه اخر اهتماماتي كنت اكررررررررررهه اكرررررررره الارض اللي يمشي عليها كان يجيب اصدقاءه واخوه عندي بالشقه ويسهرون عندي للفجر طبعا اصدقاء السنوء كلهم خمارين وحشاشين وووووو المشكله كنت يااااااااااويلي اقفل على نفسي الباب يعني انا اكون خايفه يسوون فيني شي يعني انا وحده مو متربيه وتفكيري وسخ شوفوا لوين وصلت معاه الله لا يوفقه لا دنيا ولا اخره كنت اسمع صوتهم باذني لللفجر جالسين وضحكهم يخووووووووف طبعا يكونون اكثر من 4 ويجيب مرات اصدقاءه الحثاله يجون ينامون عندنا في الشقه ويروح هو ينام عندهم بالصاله ويتركني حياتي صارت جحيييييييييييم ابكي ليل نهار الله لا يوفقهم هذا غير زن خواته عليه واهله لا تعطيها ولا تسويلها وليش ما جابت من مهرها ومن هالكلام انا كنت حريصه اني ما اجيب منه عيال لدرجه اني كنت ادعي على نفسي اني اكون عقيم .... كان بخييييييييييل لدرجه انه اذا ترك ريال عالطاوله يجي يسال عنه مع انه موظف شركه بترول وراتبه كويس انا كنت اتحاشااااااااااااااااااااه بكل الوسائل كنت اروح لخواته اضحك واسولف ومع سلايفي ومع بنات اخوانه فالتها بس ارجع للبيت ارجع للواقع المرير وهااااتك يا صياح طبعا انا عشرييييييييييه حيييل بشهاده الجميع وما عندي نقل سوالف ولا نغزات ولا حركات الكيد لان نيتي صافيه ......كرررررهته كررررررررهته كرررررررهته يابنات كرهت مشيته كرهت وقفته كرهت زوله شكله شعره ريحته كل شي فيه حتى اسمه كررررررهته حاولت اعيش حياتي برا البيت بس رففففض اني احتك باي احد من جاراتي رفض اني اروح واجي على كيفي المهم بلشت الدوامات وكنت ادرس بالكليه وبلش معاها النكد صار ياخد مني المنبه واخذ1 مني الجوال ويتركني انام عشان ما اداوم صارت حركاته وسسسخه تدل على وساخه قلبه وربي يابنات مو ادمي حيواااان وحش بمعنى الكلمه جيته وقلتله ابي كتب قالي ليش ما شريتي الكتب من مهرك قلت الله يلعن المهر ذببببحتني وش دخل مهري الكتب ضروريه قال ليش ما تركتي مبلغ تشترين فيه كتبك ؟؟ المهم صارخت بوجهه وبكييييت بعد ضغغغغغغغط قام مسكني حييييه وهدني ميييييييييييته وعيونه مثل الجمر من المشروب والحشيش ويضضضضضضرب لحد ما يهلك يرجع يرتاح شوي ويرجعلي يضررررررررربني لحد الموت ويتصل على اهلي ويقول بنتكم فيها وما فيها يسويني مااانفع وانا يشهد علي ربي تحملت شي محد يتحمله بس هذا مستقبلي ما اقدر يخليه يلعب بحياتي كلها لان من شروط زواجي الدراسه والبيت الشرعي ....... صار كل يوم يدخل يضربب ويطلع وحبسني بغرفه وقط كل ملابسي واغراضي علي بهالغرفه وكل ما يدخل شارب يفرغ طاقته فيني من ضرررب واهانات لدرجه انه صار يتعب ويحط معلاقين سيم ويا بعض ويضربني فيهم طبعا كان مانعني اتصل على اهلي ومسكر عني التلفزيون ورافع عني التلفون وياااويلك اشوفك مشغله تلفزيون ومقفل علي الباب وطالع يجي البيت على وجه الصبح يضرب ويطلع الله لا يوفقه كان مرات من كثر ما يضرب وتجيه الحاله يشقق ملابسه ويصارخ ويهاوش مدري وش يقول ما افهم عليه بشي اخر شي يروح يجيب التلفون من السياره ويكلم اخته يقول ضربتها ضررررب ما خليت فيها عضمه صاحيه ااااااااااااااااااخ يابنات هذا وربي نقطه ببحر اكيد رح تسالون عن اهلي اهلي كانوا توهم رافعين قضايا على زوج اختي وتوها متطلقه منه والعالم ما تركتنا بحالنا وكان عندهم صعععب اني اتطلق انا بعد الناس وش يقولون عنا ومدري ايش اااااخ بس وربي انا مالي حظ بهالدنيا كنت ابكييييييييي عندهم اقول حرام عليكم مابي يكون بيننا عيال وربي غير يكونون ضحايا مابي منه لا مؤخر ولا شي ابي بس ورقتي وكان هو يهددني بالطلاق لما شافني ميييييييييييته على الطلاق قام يهددني انه يعلقني ويشحططني بالمحاكم حسبنا الله ونعم الوكيل بس ............ يتبع

اشكر كل البنات اللي دعولي واللي يقول عيشه ما تنطاق وكيف عايشه انا الى يومكم هذا اقول شلون صابره ماني عارفه وربي ....... لكن ربي كتبلي اني استمر معه المهم كان يروح لابوه واخوانه وخواته ويقعد عندهم ماله سيره غيري سوت وعملت وقالت وحطت ابوه صار يكرررهني ويقوله تزوج واخوانك يدفعولك المقدم والمؤخر ولا تشيل هم شي بس قطها عند اهلها خلها تصير مثل اختها حسبي الله ونعم الوكيل وهو مو راضي يطلق لانه يعرف انه هو الغلطان وانه مستحيييييل احد يتحمله كثر ما تحملته وعارف ظروفي ومستغل هالنقطه .... المهم بعد ما خفت الاثار اللي بوجهي دق على اهلي وقال تعالوا خذوها قاله اخوي انت جيبها جابني لاهلي وانا ادعي كلل الطريق ان تجي سياره وتشيلني انا وياه عشان نتقابل عند رب العالمين عشان يحكم بيننا رب السموات السبع .... طبعا هو كان ما يصلي ويسوي نفسه قدامي متدييييييين يجبرني اني البس دسوس بايديني واغطي عيوني وانا كنت احتقره زياده كنت اقوله لما اشوفك طالق لحيتك ومقصر ثوبك ومتعلق قلبك برب العالمين اسمعلك بهاالامور اما كذا اسفه صارت مشاكلنا على هالسوالف ..... نسيت اقولكم انو مره امي جتني للبيت بعد زواجي بشهر واول ما شفتها بدوون ما اتكلم طحت بحضنها وبكيييييييييييييت ولما راحت امي قلب علي الدنيا قلب شوي ويضربني ليش تبكين واني انا احمد ربي وما نقصني شي عنده والله يابنات كان وزني ينقص بشكل غرييييب لدرجه انو حتى تنوره الكليه امسكها بيدي عشان ما تطيح ولما اقوله ابي تنوره تغير مقاسي يجيبلي سيره المهر وانه ليش ما شريت من مهري تنوره وانا اقوله يا ادمي المقاس تغير عندي بس على مقاسي القديم المهم رفض وصرت امشي وانا ماسكه تنورتي حتى ابره وخيط ما عندي الله ياخذه اخذ عزيز مقتدر يااارب العالمين .... المهم لما رحت لبيت اهلي زعلوا اهلي منه لان كان باقي بوجهي اثار ضربه المجرم اهلي تهاوشوا معاه وجلست عند اهلي 5 شهور كنت وقتها مبسووووووووطه وكل ما تجي سيرته اقولهم مابي ارجعله وهم مو بعاجبهم المهم جا الشايب لبيتنا وقالي يللا تعالي معاي لبيتي زوجك سلم الشقه و انا كلمته تسكنون عنددي وتدفعولي ايجار قلتله اسفه مابي ارجع وحااااول فيني المهم اني قلتله مستحيييييييييل ارجعله عاد الشايب هنا انهببل شلون ترفض طلبي او بالاحرى اوامري ..... وصرت عدوته اللدود وبصراحه كان اخر همي اني اكون صديقته والا عدوته ... المشكله انو اهلي برا السعود\يه وكليتي بالسعوديه فكنت احتاج تصريح دخول وخروج عشان اداوم رحت سجلت بسكن الطالبات وجلست هناك صرت ادرس من هناك ورجعتلي صحتي كنت اللي يشوفني يقول مستحييل هذي عندها كل هالمشاكل طلعت طاقتي مع البنات ما نسى ضحكنا وسالفنا وسهراتنا وطلعتنا للكليه سوا انا وصاحباتي صرت احلى من قبل الزواج نور وجهي ورجعتلي عافيتي بس بعدت عنه .... المشكله انو الحين انا كنت داخل السعوديه واحتاج تصريح عشان ادخل عند اهلي قعدت هناك 5 شهور وهو رافض يسوي التصريح ... جا هو واخوه عند اهلي وررجعوني اهلي وانا مااااااني طايقه اشوف وجهه المشكله الحين انو خيروني بين بيت الشايب او بيت اخوه الكبير لانهم قالوا الولد مو مظببوط ونبي نرصه شوي ..... اخترت بيت اخوه عنده 8 اولاد مطلق امهاتهم ووتزوج وحده جديده بعد زواجي ب 4 شهور طبعا قالولي تجين ما تهتمين الا بزوجك مالك شغل بهالعوايل قلت اوك .....طبعا كنت حريصه اني ما احمل بس جايه عشان اكمل دراستي ....صرنا انا واخته ومرت اخوه بالبيت زي الخوات اكلنا وشربنا ونومنا سوا طبعا انا كنت اتحاشاه وهو مو طاايق وجهي انام وقت ما يكون موجود واول ما يجي ينام اقوم ماني قادره اتقبله بالمررررررررررره احسه شيطان بس هالمره كانت نفسيتي احسن لان في مين يسليني بالبيت كان اخوهم هذا بخييييييييييل كمان كان ما يجيب شي في البيت وكنا بصراحه نموووت جوع كان عنده بنات مراهقات امهم كانت توها مطلقه كنت اموووت فيهم الى يومكم هذا كانهم خواتي احبهم اتصل عليهم ويتصلون علي..... نسيت اقولكم ليش كنت متحمله حسبي الله على خواته كانوا اذا جو يقولون كل الحريم مثلك وكل المتزوجات ينضربون وكل الرجال كذا خايسين حطوا هالفكره براسي وانا بصراحه عمري ما عاشرت متزوجه وكنت صغيره شفت حياة اختي كانت قريبه من حياتي عشان كذا صدقت وهم يقولون انتي ما تشوفين شيصير فينا ببيوتنا المشكله ان رجالهم مدلعييينهم ماخلوا مكان باوروبا ما سافروه ومصروف وطلعات وماخذات حريتهم بكل شي بعدين يجون يسوون حالهم يبكون عندي وان رجالهم مو زينين ويضربونهم وانهم جالسات بس عشان العيال واذا رحت لاهلي قالولي نفس الكلام ان كل الرجال زي بعض وان حنا حظوظنا طايحه لو ناخذ زينه الرجال واني لازم اصبر ....... المهم هو كانت نفسيته تعبانه عشان الحمل وانا كنت اقول يارب ما احمل منك وكان ينجن لما اقول كذا .... مرت الايام وصار عندي التهاب بالمسالك البوليه كنت ابكي بالكليه منه اخر شي ما تحملت قلت لازم اقوله قلتله ولما اخذني للمستشفى يقول انا اخذتك خوف من ربي مو اكثر وال اانتي ما تستاهلين المهم دخلنا للدكتوره وقلتلها ولما طلع التحليل قالتلي كييف متحمله عندك التهاب شدييييييييييييييد ليش ساكته على حالك كل هالوقت عطتني ادويه ولما طلعت راح قالها عن الحمل وانا ما ادري سوتلي السونار وقالت اليوم التبويض ممتاز طبعا انا انجنييت رجعنا للبيت حطيت الاويه فوق ونزلت عبايتي ونزلت تحت وهو يتصدي يبي الحمل باي شكل شوي الا يناديني واخذ مني الشغله وكان عندي امل اني ما احمل مرت طبعا كنت لي7 شهور ما شفت اهلي مع اني بيني وبينهم 3 ساعات جو خواته بعطله الصيف وقلتله باروح لاهلي قالي مافي الحين روحه تجلسين عند خواتي انا كان وضعي مع خواته مو ذاك الزود حاولت قام ضربني واهاني اخر شي خلاااااااااااااص حسيت ان الدنيا كلها تسكرت بوجهي .... قعدت ابكي ودتني حاله هستيريه ابكييييي واصارخ واروح اخذ الحبوب واشربها عشان اموت وافتك من هالحياه .... يعني حاولت انتحر .... طبعا كل هالوقت عمره ما عطاني ريال واحد ولا وداني للسوق ولا مره ولا اشترالي شي كان اخوه ماخذ الصرافه حقته ويعطيه 500 ريال مصروف يروح ياخذ ال 500 ويشتري لبيت ابوه اكل وتاركني اموت بجوعي ,,,, كان لما يجي يجيب لخواته وبنات اخوه فطور ويتركني انا ....كرههههههههههته كرهت حياتي تمنيت اني امووت حسيت بضغط من كل الجهات حسيت حياتي نقمه حسيت كل مصايب الدنيا وبلاويها تتحذف علي مافي شي بحياتي حلو حياتي اهلي زوجي كل شي ضدي بس الحمدلله على كل حال ...... يتبع

بنات اشكر كل مين دعتلي واحب اقول لزبده 77 حسبنا الله ونعم الوكيل وبسسس مابي ااقول اكثر من كذا لان قاهره الروافض وفت وكفت ....
ام نيوفي اشكرك حبيبتي وصح مثل ما قلتي انا سعوديه واهلي مغتربين برا السعوديه ...
اللي تقول مو مصدقه انو انا كنت متوقعه انو كل الحريم كذا اقولها لا صدقي انا عشت بعيد عن قرايبي اذا شفتهم بالسنتين او كل 3 سنوات مره اقولك زييين وبعدين ما اجلس مع متزوجات انا اول وحده تزوجت بصديقاتي وقريباتي .....
اللي تسال عن ابوي الله يرحمه كان داعيه وكنت افكر انو الملتزمين وضعهم مختلف انو هذول يخافون الله بحريمهم واهل بيتهم .... المهم قدر الله وما شاء فعل انا الى يومكم هذا استغرب كيف قدرت اصبر
وسبب صبري كان اني لازم اكمل دراستي وكنت اقول بس اخذ شهادتي احطه ورا ظهري واتطلق .....
كان يقول لو تموتين ما اعطيك تصريح دخول وخروج للسعوديه وكمان انو احلمي اطلقك غير اخليك معلقه لحد ما تعفنين عند اهلك ....
وبنفس الوقت اختي تطلقت اول زواجي والناس حسبي الله عليهم مااااخلوا كلمه ما قالوها فينا بس ما نقول غير حسبنا الله ونعم الوكيل



نكمل قصتي بعد ما حاولت انتحر جاني السافل زوجي وصار يتكلم ويتاسف لاني قلتله خلاص ما بعد هذي شي انا ما ااقدر اعيش معك ومن هالكلام وقام يعتذر ويقول انا والله مضغوط ومنن هالكلام الفاضي سكتت قلت لحالي بس اروح لاهلي يحلم يشوف وجهي قلتله خلاص المسامح كريم بس وديني عند اهلي انا مابي اقعد اكثر من كذا طبعا محد يقدر يطلعني من السعوديه غيره ركزوا معي يا بنات لان اهلي عايشين برا السعوديه ولازم جوازي يكون معي وتصريح دخول وخروج ....
رحت لاهلي نص وجهي ازرق ونصه اخضر ونصه احمر .... طبعا من الضرب وقت دخلت حسيت حالي خلااااااااااااص رح تنتهي كل معاناتي ورح اعيش الحين حره ومثل ما قلتوا بطنش العالم كلها والا اتطلق وما اعلم احد فتره سنه سنتين 3 عادي ما عندي مشكله وصلت عند اهلي واتصلت امي عليه هاوشته واتصلت على اخته واخته طولت لسانها على امي من حقارتها وطول لسانها بس ربي معطيهم حظوظ وموفقهم بحياتهم بشكل عجيييب وقالت خلاص اشبعوا بولدكم اللي تدافعون عنه بنتي عندي وانتوا ولدكم عندكم وحسيت براحه يااابنات عجييييييييييبه كاني توي انولدت من جديد المهم عدا اسبوع اسبوعين ثلاث وانا مبسووووووطه احاول افتن بينه وبين اهلي كثر ما اقدر عشان اخليهم يكرهونه ويمسكوني عندهم ............ز الطامه الكبرى صارت بعد الاسبوع الثالث عدا اسبوع والدوره ما نزلت انهبببلت راحت امي فيني للمستشفى كنت ادعي كل الوقت اني اكون عقيم وما اشوف الضنا من كرهي للزواج خلاص كنت ناويه اتطلق واجلس ببيت اهلي .......
المصيييييييبه لما جتني النيرس وتبشرني اني حامل انا خلااااااااااص تحطممت وبكييييت معقوووله ؟؟؟
حاولت انزله بكل الوسائل اشيل شغلات ثقيله وانط عالسرير واكل اعشاب واخلي اختي الصغيره تنط على ظهري بس قدر الله ان هالحمل يثبت وهو كانت فرحته ووناسته شي ما ينوصف ...... اتصلت بمرت اخوه وخبرتها وقلت لها اني مابي هالحمل واني نفسيتي تعبانه لاني اكره ابو اللي ببطني وجعل اللي ببطني يموت قبل لا اشوفه قامت هي خبرت زوجها وانتشر الموضوع خلاص صرت افكر اني انا الحين حامل يعني طاح الفاس بالراس واني لازم اروح واكمل دراستي واخلص هالهم واتخرج عشان اتطلق منه .........
جا اخذني لما فتحت الكليه ورحت معه مغصوووبه عشان ما تروح علي السنه كان الترم الثاني توه بلش .....وانا ماني قادره ارفع عيني بعينه من كثر ما اكرهه بس كنت اتهرب منه طبعا مثل العاده وصلت للشهر السابع كان صايرلي سنه ونص من تزوجت وكنت اداوم بالكليه وكان الجو باااااااااااااااااارد ذيك السنه واخوه من زود البخل مو راضي يجيب ولا دفايه بالبيت وانا ما عندي شي اتدفا فيه كل الملابس ضاقت علي .......
طلبت منه ملابس حمل وملابس داخليه وتنوره وبلايز للكليه وصار يعيد نفس السيمفونيه ويهااوش ليش ما جبتي من مهرك ؟؟؟؟؟؟؟؟؟؟ ااااااااااخ بس حسبي الله ونعم الوكيل عليه الله ينتقم منه
اااخر شي لما قلتله حتى ملابس جهازي ضاقت ما صارت تنفع ومن هالكلام قالي خذي 300 ريال وخلصي كل شغلك ووداني لمحلات هنود يابنات قلتله 300 ما تسوي شي تجيبلي تنوره بس وانا صارلي سنه ونص عندك ما شريت معك ولااااااااااااا شي قام الوحش تهجم علي بالسياره بكل وحشيه وضررررررربني ويضرب راسي بشباك السياره لما صارتت ملامحي ما تبين من كثر الضرب .........
بنات امانه ادعولي عليه انا بس ابي اشوف ظليمتي وابي ربي ياخذ حقي من هالظالم المتخلف .....
كان وقت امتحانات ومدري شسوي الكليه صعب اني اروحلها بهالحال قمت اخر شي تشجعت وداومت بوجهي ودخلت على العميده بوجهي كذا لما فتحت عن وجهي انفجهت العميده شوي وتبكي قمت ابكي واقولها قصتي وههي والله شوي وتبكي معي جزاها الله خير قالتلي بس اكتبيلي معروض وتوكلي على الله ومتى ما جيتي امتحنك .... طبعا قلت لها اني ما رح اقدر اجي يمكن اطول لان ما عندي تصريح ....زز
قالتلي خلاص عطيني رقمك ويصير خير ..........
بعد كذا اتصلت على اهلي وقلت لهم يجون جا اخوي وتهاوش معاه واخذ منه الجواز طبعا مافي تصريح بس اخوي نزل بمكتبه وزور تصريح له ودخلني فيه ..........
دخلت البت ابكييييييييي كان قاطعني عن اهلي لي 7 شهور ما شفتهم حسبي الله عليه دخلت وقلت يصير اللي يصير بالولد حتى لو ياخذه مني ما اقدر اعيش مع هالحيوان اسمحولي خلااااااااااص مليت قاموا يذكروني بكليتي وانو لازم اكمل لان حياتي الزوجيه فشلت والشهاده لازمتني اكثر من اي وقت ثاني.............يتبع