بعد ما جبت الولد ... جاني القذر للمستشفى وعطاني مصروف واعتذر مني وطلب مني اسامحه عشان ولدي ... انا طبعا ما قدرت اصارخ عليه واطلع اللي بقلبي هالمره لاني كنت بالمستشفى وكان حولنا ناس ومرضى وزوار سكتت وقطيت الفلوس بوجهه .... المهم رجع تكلم معي وانا ساااكته ابيه بس يذلف ....وكانت في مشكله كانت ماديات اهلي تعباااااااااااانه حيل بعد وفاه الولاد الله يرحمه كان عندي اخوان بالابتدائي وبالمتوسط واخوي الكبير مو لاقي وظيفه واهلي كانوا يعولون بنت اختي .... عشان كذا ما اقدر اضغط عليهم واخليهم يصرفون على ولدي مع اني كنت افكر بس اولد اقط الولد عليه واخليه يطلقني بس ما قدرت بصراحه ما عطاني قلبي .... داني بيوم وانا عند اهلي كنت نفاس بولدي وقالي انه بيسافر عنده كورس برا انا طنشته قلت لقلبي عساك ما ترجع وش علي منك ... خلصت لاربعين وجا اخذني للفندق ورب البيت يا بنات كنت زعلانه عند اهلي من الشهر السابع وتميت عندهم لبعد الاربعين يعني تقريبا صرلي عنه اكثر من 3 شهور .... قام قطط اغراضي بالفندق واخذني عند خالته قبل لا انزل نقابي قالي يللا مشينا عند خوالي انا مشيت معه وسويت حالي مو مهتمه بالموضوع ... رجعنا اخر الليل ورجعني اليوم الثاني عند اهلي .... جلست عند اهلي 5 شهور الين ما لقى شقه .....وهو كان يجي عند اهلي بكل وقاحه ويجلس مع ولده انا بصراحه اعطيه الولد واطلع لان مالي خلق اجلس معه .... بعد الشهر الخامس .... سافروا اهلي للسعوديه وجا اخذني لشقتي حتى ما كلف نفسه ياخذني عمره حسبي الله عليه مع اني كان نفسي ازور مكه لان ولا مره زرتها.... المهم بالطريق وانا بالسياره نزل يجيب دخان من المحطه وطول شوي قمت افتش بالسياره لقيت جوازه قمت افتش فيه طبعا الجواز كان مليااااااان اختام دخول وخروج للبحرين وشوي طاحت عيني على ختم المغرب ..... انا يابنات من كرهي له ورب البيت لما اشوفه يسوي هالكبائر اني افرح من داخلي عشان ربي يحرقه بنار جهنم لحد يستغرب بس هالمخلوق مووووووفق يابنت بشكل مو طبيعي لدرجه انه يقول انا اموري ميسره وربي فاتحها علي من اوسع ابوابه حتى لو كان الشي مستحيل بس ادخل فيه انا يمشي وفعلا هالشي انا شايفته بعيني بس كنت اقول بقلبي ان الله يمهل ولا يهمل ...... وكننت انتظر فرج ربي كنت اذا تاخر اتمنى احد يتصل علي يقولي انه مات وافكر شلون راح اصطنع الدموع قدام اهله من كثر ما كنت مبسووطه بهالحلم ...... كنت اذا تاخر اقول لنفسي الحمدلله شكله بيموت قبل لا يمسك صلاته ويموت على الرذاله والوساخه عشان ارتاح منه .... مرات اقول لا ما ودي يموت ودي يتشوه ولا يتحرول واشوف ظليمتي قدام عيني واقطه على اهله اللي مقوينه علي وامشي واخليه .... اااخ ياينات وربي حتى وانا ادعي ما اقدر ادعي ان ربي يسخره لي دايما ادعي ان ربي ياخذه ويفكني منه ...... المهم انا كنت اخذ حبوب منع حمل ومره اخذني عند اهله قطني مثل العاده ماجاني الا بعد يومين .... طبعا الحبوب مو عندي لاني اول شي توقعتها زياره وما اخذت الحبوب ....بعد الولد يا بنات تغير شووووووووي باقولكم شنو الاشياء الي تغير فيها .... صار اذا نام جنبي ما يحط الغطا تحته عشان ما المسه ..... النقطه اثانيه صار يضربني بس مو كثر اول قل شووووي عن اول ..... عدت الايام وتغيبت الدوره عني اسبوع طلبت تحليل حمل وانا ابكككككككككككككي خايفه اكون حامل بس قدر الله وماشاء فعل طلعت حامل ببنت ... بكييييييييت وترجييت ربي انه ما يثبت هالحمل بس الله له حكمه بهالشي ....قام هو قدم على بعثه خارجيه وانقبل على طووووووووول وانا كنت ابكي مابي اروح مع هالوحش برا انا كذا ياالله بالعته ..... رحت معه للرياض عشان الفيزا ونزل مني دم صرت انززززززززززف لانه مخليني اشيل الشنطه الله لا يوفقه وانا توي حامل بالشهر الاول .... المهم اووول ما دخلت الشقه حسيت حالس غرقانه ولما رحت اشيك طلع نزييف شديد قالي اوديك للمستشفى قلتله لا مافيني شي انا ابيها من الله عشان ينزل الحمل نمت وصحيت لقيت النزيف موقف والامور تمام ...... اااااااااااااخ بس لو تحسون باحساسي شلون كنت مبسوووطه وانا انزف ما تتخيلون فرحتي بس يافرحه ما تمت حاولت بالرجعه اضاعف الاغراض واشيل الشنطه والولد والاوراق واروح واجي ما قعدت عشان ينزل الحمل بس ما نزل رحت شربت دارسين واعشاب مافي فايده .....المهم خلص امور البعثه وذلف لحاله اول شي ياااااااللله يا بنات شلون كانت فرحتي اول ما راح ومستحيييييل ادق عليه واكلمه ولا حسسته باهتمامي ولا كاانه موجود صار هو يدق علي ويطلب من اخواني يفتحون الكام عشان ولده ....بعد ما راح تعبت نفسيته حييييييييييل لانه ما لقى احد يشاركه العربده هناك كان لسى ما تعرف على احد ......وكل يوم والثاني يدق ويتشكى ... وانا بقلبي اقول انا شدخلني فكني بس اووول ما يقول مع السلامه اسكر بدون شعور والله ....بعد 3 شهور جا واخذنا وولدت هناك......وجبت بنووته بعد ما رحت هناك حبسني بين 4 جدران كرهت حياتي كرهت الديره طبعا كل المبتعثين كانوا من نفس الديره اللي هو فيها ... بس كانت سمعته زييي الزفت وكانوا يكرهونه ويحتقرونه .... كانوا حريمهم ما يعزموني ولا يعبروني بس لاني زوجه هالنذل .... واذا انا عزمتهم يرفضون يجون لان رجالهم مو متقبلين هالافه ..... الملهم ولدت هناك ومحد حولي محد وقف جنبي ... كان عندي ولد عمره سنه وبنتي الصغيره يعني قمممه العذاب بس شسوي وكلت امري لله .... طبعا بعد ما صار في مسؤوليات واولاد وشغل وضغط وحبس ملييييييييت صرت زي المجنونه وربي ..... كان بخييييييييييييييييييييييييييييييييييييييييييييل مستحيل يجيب لعياله بدله والا بجامه ملابسهم تفششششل ويقولي ما عندي ومن هالكلام وهو فلوسه كلها رايحه عالعربده اخر شي صرت اتهاوش معه عالمصاريف ... كنت اقول نفسه خايسه وما همني .... لاني ماني طايقه اصلا اسولف معه وربي يا بنات صارلي معه 10 سنوات ولا مره سهرنا سوا وسولفنا وضحكنا انا اتحاشاه وهو نفسه خااااااايسه وعصبي وتااافه ....المهم صرت اقوله نبي ملابس للعيال ما يرضى نبي اكل ما يرضى يجيب نبي اااثاث ما عندي واذا قلت شوف اللي حولك كلهم مبتعثين زيك ويطلعون ويسافرون ويروحون مطاعم يقلب حياتي جحيم ....... مره يابنات ضربني هناك بعلبه حديد كان حاط فيها العمله المعدنيه كان يجمعها وياااويلي اخذ منها قرش طبهعا المهم يوم ضربها علي فكروها جيرانا الامريكان طلق نار شوي الا جايين الشرطه وحاول يلم الموضوع وقالهم تركوه وراحوا اقولكم يابنات ميسررررررررره وربي مفتوحه بوجهه هالادمي ....طبعا هو كان حاطني باقذر حي وبدور ارضي انواع الحشرات ... وبارخص شقه بالعماره .... وكنت ساااكته بس حسيت حالي بديت امل من الصبر والصبر كمان بدا يمل مني .... حملت بالثالث لاني كنت استخدم اللزقات والظاهر استخدمتهم غلط هنا تحطممممت لا مابي احمل .... بس اراده ربي .... اااخ يابنات وربي فكرت ااربط الرحم والا اسوي اي شي بس اني اوقف حمل المهم رحت عند اهلي وولدت البنت وجلست عندهم سنه كنت نفس الشي مستحيييييييييييييييييييل اتصل عليه ولا على اهله ..... ولا بحياتي رفعت السماعه عليه وقلتله شلونك كله هو يتصل وانا ساعات ارد ساعات اقولهم قولوه مو موجوده بس يعتقني لوجه الله لا بارك الله فيه ....... طبعا الشحيح كان اذا قلتله نبي ملابس ولا اكل والا شي يجلس يفتحلي موال بكرا بس اتوظف لاوفرلكم كل شي وانا الحين مضغوط ومن هالكلام كنت اسوي نفسي صدقته عشان العيال ........ رجعنا للسعوديه ورجع مع اهله ورجع اردى من اول صار اوقح واوسخ وانجس وابخل من اول طبعا هو حتى بامريكا كان يزني ويشرب ويعربد ,,,,,, بس كنت اسوي نفسي ما اشوفه عشان العيال ,,,,,, طبعا انا كنت ماجله كليتي عشان البعثه وكنت محوله انتساب بناء على رغبته ..... رجعنا ورجعني منتتظمه وكان باقي علي سنه كملتها والحمدلله خلصت من همها .... كبروا العيال وصاروا كل دنيتي والحمدلله ارتحت شوي لانه يداوم بمكان معزول ويجينا خميس وجمعه ... ثرت اسولف مع عيالي والعب معهم وادرسهم ماخذذين كل وقتي بس لا جا الاربعاء تنغصصصصصصصصت عيشتي يجي الاربعاء ويذلف الجمعه والمشكله ما بفكر يعتقنا اسبوع وينقلع لاهله كل اسبوع هو مزروع هنا ...... انا بصراحه عشات حياتي بعيد عنه صار يخليني اطلع لجاراتي يعني صار في شوي تحسن وصرت اروح مع السواق للسوق اذا احتجت ... لانه حاطنا بالديره اللي فيها اهلي عشان يتطمن علينا لانه يعرف اهله اردى منه ...... المشكله الحين اخواني يعشقووووووووووووون عيالي يموووتووون فيهم وانا مليييييييييييت من بخله وعالصيف يبي ينقلنا عند اهله ويعيش معانا والحين صارت مشكله بيني وبينه بسبب بخله ....... موراضي يصرف على عياله ولا يتركلهم مصروفهم واذا قلتله نبي لحم للثلاجه يقولي مو اكلتي لحم عند اهلك وش تبين فيه ....... تخيلوا يا بنات ...... الحاصل انو الحين انا زعلانه عند اهلي وطالبه الطلاق وهو مبسوووط يبي يسلم الشقه عشان ما يصرف .... وحاط عياله عند اهلي ما يعطيهم حتى مصروف المدرسه امس اخوي راح جاب لبنتي مريول شتوي وجاكيتات لعيالي ... وانا محررررروووووووووووق دمي منه ......طبعا غير انو عندي بنت عمرها 5 سنوات رفض يدخلها الروضه واللي اكبر منها اللسنه اللي فاتت سجلها بروضه حكوميه ولما طلبوا عليها مريول فصلها من الروضه وطبعا موضوع المواعين مقفل عليه تخيلوا يابنات فناجيلي وربي من 4 سنوات وهم عندي ولما قلتله ابي مواعين انفجررر فيني وصارت المشكله قمت انا ردييييت عليه ولعنت ابوه وبعنت اهله وعيرته بموضوع اخوانه وتحرشهم بالبنات وانه مستحيييل اترك بناتي عند هالوحوش وربي صدق الضغط يولد الانفجار صرت ما اخاف منه مع انه كذا مره بعد ما يضربني يهددني انه يطفي السيجاره بعيوني عشان ما اتزوج.... هذا غير ان كل بنات عمامهم وعماتهم لابسين ذهب الا بناتي .... مع العلم انه مهندس بارامكو وراتبه فوق ال 17 الف غير البونص وبدل السكن والعلاوات كل سنه ياخذ امتيار ويزيد راتبه فوق الالف .....هذي مشكلتي من الالف للياء .... بنات اللي تقدر تساعدني بشي ياليت تحطلي رقمها عالخاص ونتواصل واتس اب .......... عالعموم انا كل يوم استخير بالطلاق بس متعللللللقه بعيالي ماني قادره اتركهم ... لان شخصياتهم صارت ضعيفه بسبب عصبيه ابوهم وجنونه ....

المشكله الحين ان اهلي محسسيني اني انا غلطانه واني دمرت بيتي وشتت عيالي وانه رح ياخذ العيال غصب علي لاننا عايشين برا السعوديه وانو انا ما صبرت واني انا اللي مو زينه لاني ما ااعطيه وجه ياابنات محد مقدر اني اكرههههه حتى هو يقول لامي انا اعرف انها تكرهني بس ليش ما تجامل لحد يقول اصبري خلااااااااااااااص حتى الصبر مل من صبري كرهت اهلي كرهته كرهت نفسي كرهت اهله تقوقعت على نفسي وربي يابنات من 10 سنوات ما عطاني مجال اختلط بالناس ولا بالجيران صرت مكتوووومه كل الوقت صرت احس بالنقص وغير كذا زدت 30 كيلو من القهر بنات صرت اعصب على اتفه الامور واحس بحاجتي للناس حولي واحس بضييقه بصدري كل محد جاب سيرته واذا سيرت عند اهلي ونطقوا اسمه والا علقوا اي تعليق عنه اسوي مناحه من كرهي له ...........حسبنا الله ونعم الوكيل الله يوريني فيه يووووم يارب

الله يعوضك في حياتك

لاحول ولا قوة الا بالله

الله يسر لك الامر كله راجع لك انتي الوحيدة اللي قادرة تاخذين هالقرار ومن ناحية عيالك ابوهم غير مؤهل لرعايتهم بما انو مدمن يعني عيالك بيكنون في حضانتك بس اهم شي يكون ثابت عليه ام يكون قد انسجن او شي وتقدرين تكلمين المحكمة وتستفسرين او محامي هاذا اذا فكرتي بالطلاق
اهم شي صحتك وصحة عيالك النفسيه حرام قدامهم المستقبل لا يتعقدون وتجيهم نفسيه وانتي كثري دعاء تقولين ماعمرك دعيتي ان الله يسخرره لك ادعي ربك سبحانه قادر على تبديل الحال
ولاتزعلين من كلام بعض البنات اكيد مايقصدون بس من القهر عليك
دعواتي لك الله يسخرلك زوجك ويبدل حالك ويصلح لك شانك..