السلام عليكم ورحمة الله وبركاته
الله يفرج همومكم ويكتب لكم اجر مساعدتكم ساعدوني وأطرحوا أرائكم
بدايه ، هذا الإسم اللي اكتب فيه اسم لوحده من صديقاتي وطلبت الإذن منها
مشكلتي إن زوجي قبل لايخطبني كان خاطب وحده من قرايبنا
المهم أببدأ بالسالفة من الألف إلى الياء
زوجي قبل لايخطب كان غير ملتزم ومن عليه بالإلتزام وخطب بنت خالته لأنها ملتزمة وحافظه القران وحتى تساعده وتعاونه على الدين لكن هم شرطوا له انه إذا حفظت القران كامل زوجناك
طبعاً زوجي قال مايمدين احفظه يبلي سنوات وانا صعبه انتظر خلاص زوجني بنتكم وهي تساعدن على حفظه
لكن امها رفضت عشان قرايب وسوابق ام البنت مع ام زوجي
المهم زوجي خطبني وتزوجني وقالوا له ترى البنت صالحة ومحافظه على امور دينها وانا فرحت فيه عشانه ملتزم واصير مثله متلزمة
وقبل زواجي بيوم ارسلت اغراضي لبيتي وهو فتح الشنطة وشاف كل ملابسي مو ساتره
وراح لم امه وقال: انا قلت ابي بنت ملتزمة قالت امه انا خبري ان البنت ماتلبس عند اهله كذا
طبعاً هالكلام هذا هو صارحني فيه وانا فعلا عند اهلي لبسي ساتر لكن من يوم اعرست تفتحت وصرت البس قصير وعاري وصعبه كل المجتمع اللي حواليي كذا وهو بالبدايه ينصحن ويشد علي ويلبسن حتى الغطوة ويمنعن من النقاب لكن اللحين مل مني وتارك لي الحبل على الغارب
لكن وصل لي كلام انه مازال يفكر ببنت خالته الملتزمة وكل يوم وهو يزورهم وكل شوي يقول لخالته ترى انا خايف على نفسي من الثبات ماعندي زوجة صالحة تعينني على الخير
وربي اني اعاونه لكن هو تغير بدأ يخفف من لحيته ويزينها وانا بالعكس من ناحية المحافظة على دينه احرص لكن الهداية والثبات بيد الله لكن هو يسويها اعذار عشان يتزوج بنت خالته
ويقهرني دايم اذا اجتمع بأخواته يقول خليكن قريبات من فلانه اللي هي بنت خالته تراها ملتزمة وحافظة القران ومثقفة ابيكم مثلها شوفوا كيف سمعتها باالعلالي وانا أموت قهر لأني اعرف انه يفكر فيها وانه خطيبته السابقة حتى يوم اني عروس قال يلا انا وياك نزور خالتي قلت حنا عرسان خل شهرنا لنا قال لا انا ابي اشوف خالتي ورحت لخالته وانا نفسيتي زفت لأني عارف اني راح اشوف خطيبته السابقة
صرت اكره هالبنت وهي ماضرتني بشي
اللحين ابي مساعدتكم وش اسوي هل هو على حق ؟
والبنت والله نفسي اصير مثلها لكن مجتمعي متفتح عجزت في البداية التزمت عشاني زوجة ملتزم لكن ماثبتت صار المجتمع يتكلم فييني كل مارحت وكل ماجيت
ساعدوني ..
***سوسو *** @soso_108
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
يعني اذا امام الاخرين يمكن يستفزك علشان تصيري ملتزمة اكتر
واما مجتمع شو المجتمع هذا يلي تحكي عنه
هذا المجتمع يلي يقول عنك اذا صرتي ملتزمة عفوا منك هذا مجتمع مستواه في الارض
الانسان كل ما كان ايمانه اقوى يكون افضل و امستواه يعلو اكتر
اما هذا المجتمع فلا اسف عليه
واختي اذا انتي بدك تكوني ملتزمة علشان زوجك فهذا الشي غلط
قبل ما ترضي زوجك ارضي رب العالمين
والله يهدي زوجك لانه ما يصير كل شوي و جايب سيرة بنت عمته
الله يررزقها ابن حلال و تفتكي من كلام زوجك