زوجي وخواته

السلام عليكم
الله يحزاه خير ويفرج له ربي كرب الدنيا والاخر الي ترد وتشور علي

انا الله يسلمكم لي سنه متزوجه زوجي طيب وحنون وكريم مافي شي يعيبه غير انه يتبع امه وخواته بشكل فضيييع هو الوحيد من اخوانه الي يمشي بشور خواته

خواته ثلاث من اول ما دخلت حياتهم وهم ليل نهار يقولون لي بنزوج اخوي وبنبدلك وبنرجعك لهلك مانبيك قدام اقاربهم وقدام اخوهم اتعبوني بشكل فضيع ومره ارد ومره اطنش الا انه ذاك اليوم اخته داقه علي عشان تقولي وراه ماتجين وتقولي خلاص خلاص حنا مانبيك بنبدلك تخيلون وانا دايم عندهم ووين مايرحون عزايم معهم وزوجي هو الي يوديهم والله العظيم انه احيانا يوديهم فوق الثلاث مشاوير باليوم واربع وعشرين ساعه معهم بس يجي البيت ينام يجي دايخ ماله خلق اي شي مني
يبي ينام بعذره من الدوران وياويلي لو عاتبته لدرجة انه مره وانا اصيح منقهره من كلامهم سالني وش فيني يوم قلت له انه سبب كلام خواتك وقال انتي بس تسوين مشاكل وايه تراي افكر بالثانيه تخيلون ووقت كان لنا اشهر بس متزوجين بس هو مررررررره يتاثر بكلام خواته وامه

تصدقون لدرجة انه لاصرنا طالعين لحالنا انا وياه انه اذا دقو اهله نشيل اغراضنا ويرجعني البيت عشان يروح يشوف مشوار اهله مالي اي حق عليه ولو تكلمت بكلمه وحده حط اللوم كله علي وزعل المهم الحين هو مسافر يجي اسبوع ورى اسبوع واذا جاء ما اشوفه طول الوقت عند اهله وانا يا اني اروح لهله واتحمل كلامهم السم يا اني قلعتي اجلسي بالبيت لحالك واذا تكلمت او زعلت زعل علي الحين نفس الموال الاسبوع ذا جاي الخميس وبيمشي عصر السبت والخميس عند اهله من العصر الى 12ونص باليل وانا لحالي بالبيت والجمعه بعزيمه تبع اهله والسبت وداني عند اهلي بعد ماراح زعلان لاني عاتبته كيف يخليني كذا وزعل لاني رحت لحماتي عصر الجمعه اتقهوى عنده وهي زعله على اهله مزعلينه يعني الي يقاطعون اهله لازم اقاطعها معهم جاي يبي حقه كا رجل ظهر السبت وانا امتنعت لاني قووووه متضايقه هو الحين مسافر وزعلان مايكلمني ابد ولا يرد علي ولا على مسجاتي وانا جالسه اكل في نفسي



هو طيب وانا احبه ودايم سبب المشاكل الي بيننا اهله بس هو هالمره ناوي يكبره حييييل مايبي يعطيني مجال نهائي اني اعتذر وانا خايفه ان اهله يفرقوننا خصوصا انه اهله دايم يقولون لي بنزوجه وهو قالي تراي افكر بالمره الثانيه وللحين ربي مارزقني بالضناء


وش اسوي تكفون