زوجي وخواته تعبت الاقي حل

حبيباتي احب اخبركم عن قصتي مع زوجي
تعبت وانا احاول الاقي حل

اول شيء
انا زوجي معقد ، و هو اصغر واحد في بيتهم واغلب قعداته مع امه وخواته ، امه انسانه محترمه تخاف الله وماعندها مشاكل ، لكن الخوات متسلطات مسيطرات ملسونات يعني العشره معاهم شيء لايطاق

المشكله هم الثنتين متزوجات
بعد وفاة ابوهم كل وحده حاولت
تأخذ قسم من البيت .. وعامله دراما انها مش مرتاحه مع اهل زوجها وعندها سكن بسيط وتحتاج تجي تسكن مع زوجها بشقه بالبيت وقالت لهم انا عشان اكون جنب امي واساعدها
واتفقو كلهم و
البيت تقسم بالتساوي
ما اقصد بالتساوي يعني بالمتر والمل اقصد ان كل واحد عنده غرفتين وصاله ومطبخ


اخته الكبيره اعطت شقتها لعيالها

انا طبعا شقتي اصغر شي ومافيها صاله وفي مكان قابل ان حنا نوسعها عليه

طبعا انا عندي ولد وبنت

طبعا اخوان زوجي مقترحين عليه ان المكان ياخده عشان يكون عندنا صاله

زوجي كان قاعد مع خواته وامه و قال انا احتمال اوسع .. وتقعد اخته الي ساكنه معانا
تحاول تستولي على المكان بعد ماطلبه زوجي
وتخليه غرفة استقبال للضيوف او غرفه للعيله يتجمعون فيها

بالرغم من ان عندهم غرفه كبيره كبيره كانت مقسومه نصين وشالو الحاجز الي بالنص

وصارت تفكر الف فكره عشان مايكون هالمكان لي
وترغي ترغي ترغي لغاية مازوجي صرف نظر

امها اصلا ماتبي المكان بس ماتقدر تقول لا قدام بنتها ..

صرفنا نظر وصرت استقبل صديقاتي او اهلي بغرفة عيالي
وظل المكان اربع سنين مهجور ولا غيرو فيه اي شي .. محد محتاج له اصلا بس ذي تبي مشاكل

المهم احس زوجي يخاف منها
شفتها تتحكم بالبيت كل ابوه
امها تخاف منها اختها تخاف منها عيال اختها يخافون اخوانها كلهم يخافون منها

تبي كل شي على كيفها لدرجه تبيني انا على كيفها !!

يوم من الايام زوجي جايني يوريني صورة بنت اخوه مولوده جديده بقروب العيله
انا جاني شوي فضول وشفت القروب
هي المشرفه
وصورة القروب " الاخ والاخت هم لايعوضون
مهما احببتم من الناس ومهما تسرب هذا الحب في
تربية النفوس يبقى الاخ والاخت هما الاقرب والاهم
اللهم احفظ لكل اخت اخيها ولكل اخ اخته "

ولقيت القروب كله تحريض اخوانهم على حريمهم هي واختها
بالرغم ماشافو مني شي

انا في حالي وحتى حريم اخوانهم بحالهم

بس كل اخوانهم عارفين خواتهم
الا زوجي يعني احسه روبوت يتحكمو فيه ويفرض علي اطبق الي هم يبونه

والله وينقل كل صغيره وكبيره لهم عني كل شي كل شي

وهما يضايقوني وهو يضحك
ولو شكيت منهم يقوم القيامه
ومبرد قلوبهم فيني

يصارخ علي قدامهم
ويهزأني ويمسخرني
كل مره يجيني
ولقى مثلا بنتي نايمه قبل العشا
يصحيها ويقولها لو عندك ام صح
ماظليتي بلا عشا
يقول لها روحي عند عمتك
تسوي لك اكل
وكل ماتخانقنا يقول لاتطبخي لي الحمد لله عندي اخت
ياخذ ملابسه يخليها تغسلهم
وطول وقته معاهم
خواته لما كنت اشتكي لهم يمثلون انهم مأيديني
لما هو يتواجد يقلبون كل الكلام ...


بالاخير لقيتهم يحاولون يزوجونه علي وحده بس الله كشفهم .. وقاطعتهم قطاعه ابديه

علاقتي مع امه طيبه بس هما بعدوها عني ودخلوها ...ويضغطون على زوجي يقولون له زوجتك ..
ماتحترم امي ليش مخليها عندك

واخته الكبيره تمدح في بنات خلق الله وجمالهم قدامه

صارت بينا مشاكل كثيره يبغي يطلقني

لدرجة ابوي كان مريض يصارع المرض وكان مقهور من معاناتي مع خوات زوجي وتوفى ربي يرحمه

تعرفون كل اب يتمنى يشوف بنته سعيده

انا خاصمتهم وقاطعتهم بس زوجي
صاير بيني وبينه انفصال عاطفي يعني وقته كل ابوه معاهم ويجي هنا وقت النوم بس
واذا سويت له طبخه حلوه ولا شي
يطلع مئة عيب فيها
ويمن علي انه ياكل معاي وتاركهم
وحاولت احتويه واكسبه بس يحطمني ويهيني اهانات
العيشه معاه لاتطاق لا تحتمل
ولاحظت شي كل ماصديت عنه وخاصمته يحاول ينطقني باي طريقه واحس يهتم
ويمثل انه مو مهتم

يعني مو عارفه يعني في ناس تقول احتويه ودلليه عشان مايحتاج لاخته وتقدر تتدخل في حياتكم وتحملي كل شي منه ومع الوقت يتغير لان اذا صديتي عنه يتعود يخاصمك ويصير جفا


وفي ناس يقولون لاتعطينه وجه و ادي كل واجباتك ولاتكثرين معه كلام وعيشي لنفسك وعيالك ووريه انك مبسوطه وحابه نفسك واضحكي مع عيالك وسوي جو ولا تعطينه وجه وتشوفيه يتقرب .


والله مو عارفه شسوي
وش تجاربكم ونصيحتكم