للاسف شخصيتك ضعيفة ويبيلك تاهيل من اول وجديد ويابنات لا تتتعبو نفسكم وتنصحو لان هالحرمة خالصة ماعاد عندها مشاعر ... ركزو وش كاتبة الله يهنيها فيه ... يابرود قلبك ياشيخة
للاسف شخصيتك ضعيفة ويبيلك تاهيل من اول وجديد ويابنات لا تتتعبو نفسكم وتنصحو لان هالحرمة خالصة...
انت انسانه عجيبة .. مستحيل تكونين واقعية في ردودك ..
مدام ماجربتي حياة التعدد حبيبتي .. فأنت مستحيل تعطين النصيحة وتكون نصيحتك بمحلها ..
مواضيع التعدد ومشاكل زوجات المعددين مايحس فيها الا اللي تعايش معها .. سواء أولى أو ثانية ..
ونصايحي الحمدلله عامه لأي زوجة .. امرأة .. تشتكي من ظلم زوجها وتعامله معها .. سواء كانت اولى او ثانية ..
ما انحزت أبدا .. لا أولى .. ولا لثانية .. بالعكس أنا اقول اتركوا زوجات المعددين في حالهم .. هم بيحلون مشاكلهم بينهم .. بدون ما أحد يتدخل .. لأنه كل وحدة فيهم تبي الراحة والاستقرار .ز مع زوجها وعيالها .. وتعرف تختار الأنسب لها .. لو كانت صادقة في نيتها وتبي حل لمشكلتها ..
ثاني شي .. كل رجل وله تعامل معين .. لما يجي واحد يظلم زوجته .. حتى لو ماكان معدد .. له طريقة تتعاملين معه فيها .. ولاصار زوج من نفس نوعية الأخت صاحبة المشكلة .. ماراح ينفع معاه العناد .. هو بلسانه رد عليها وقالها من حقها كل اللي تسويه ..!! شفتي كيف رده عليها .. ماقال والله معك حق .. والحين بروح اوريها شغل الله ..
وانت ماتقدرين تلغين الزوجة الثانية .. وتلغين حقوقها .. من حياة زوجك .. تبينها تعيش على الهامش مثلا .. مالها حقوق ولا طلبات .. والأولى هي الآمرة الناهية .. وتظلم الثانية وتصادر حقوقها ..
الزوجة الثانية ماهي دخيلة .. شئت أم أبيت .. الزوجة الثانية زوجة شرعية اختارها الزوج بملئ ارادته .. وقدم الغالي والنفيس عشان ترضى فيه .. الزوجة الثانية قدر .. مثل ماالأولى قدر .. وكل وحده لها حقوق مستقله عن الثانية ..
بعدين وش اللي نصحت صاحبة المشكلة انها تتنازل عنه .. ؟؟!!
أنا نصحتها تهتم بحقوقها هي .. وماتجلس تزن على زوجها .. انت ليه ماترد على مكالماتي وترد على مكالماتها ..
انت ليه ماترد على رسايلي .. انت ليه ماتعطيني هدايا ..
انت .. انت .. انت .. ..
برايك هذا الأسلوب بيخليه تمام معاها ويلبي كل طلباتها .. انها تجلس تزن و تستجدي الاهتمام منه .. وتقارن بينها وبين ضرتها بكل صغيرة وكبيرة ..
تبينها تستمر على هالأسلوب ...
واللي تقول ارسلي لها رساله .. واللي تقول اقلبي الدنيا على راسه .. عطوا حلول واقعية و لاتخربون بيوت الناس ..
كبروا عقولكم ياحريم .. وعيشي لنفسك ولسعادتك بالدرجة الأولى .. سواء كنتي اولى أو ثانية ..
اذا زوجك قصر معك .. اعرفي شلون تطالبين بحقوقك .. كل زوجة لها حياة تختلف عن الثانية .. مستحيل تكون حياتها نسخة طبق الأصل من حياتك .. ومستحيل حياتك تصير زي حياتها .. كل وحدة لها ظروف معينة .. والزوج يتعامل معها على هالأساس ..
(كيدي عظيم ) انت انسانه ماعندك ابسط مبادئ الحوار .. وماتحترمين الطرف اللي يتكلم معاك .. وماتحاسبين على الفاظك وكلامك ..
ومتحاملة بشكل غير طبيعي على كل زوجة ثانية .. وتطعنين في شرفهم .. وانهم تعرفوا على أزواجهم بالحرام .. ( هذا اللي مانسيته من كلامك ..) ..
لكن .. ما أقول .. غير .. ( وعلى نياتكم ترزقون ) .. والله سبحانه يعلم خائنة الأعين وماتخفي الصدور ..
ولاتنسين .. داين تدان .. لو كنت صادقة ان ماعندك ضرة - وهذا اللي تبينه ردودك - ممكن يجي يوم وتجربين هالشي ..