زوجي وخويه حسبي الله عليهم

بسم الله الرحمن الرحيم
كيف حالكم ان شاء الله بخير
يابنات بقول لكم مشكلتي وانتوا عطوني حل لاني جربت كل شي ومانفع المشكله يابنات زوجي اخ يازوجي من خياناته اللي ماتخلص واخرها امس يابنات كله من زميله الفاسد حسبي الله عليه امس يكلمني زوجي الساعه 12 بالليل يقول اكوي ثوبي قلت ليه رد علي بروح مع خويي فلان مشوار خويه انا بس ابي اعرف حرمته ماتدري عن مصايبه وخرابيطه المهم يابنات جى زوجي الساعه وحده اخذ دش سريع ولبس ملابسه وانا واقفه عنده واحلفه ان مشوارهم مافي حريم حلف ياربي يحلف انه مافي حريم اخ بس جى الساعه 5 الصبح ونام وجلس الظهر وافطر وطلع انا صليت العصر ورحت اعلق عباتي على الشماعه واشوف الياقه حقت ثوب زوجي عليها روج انا كنت شاكه بمشواره وارسل له على الواتس انك مهما تكون حريص ربي يكشفك يسوي نفسه مو فاهم ويتصل علي واقعد احقق معاه واعترف ان خويه رايح يقابل خويته واختها موجوده واحلفه انه مالمس وحده فيهم يحلف بس مو مصدقته بعد مادعيت يشوفها بخواته هاللي يسويه قال لي بس احضان مافي شي ثاني قلت بالله ماخفت من ربك فوقكم طيب لو داخل واحد من اخوانهم وشافكم وش بتسوون يقول والله مافكرنا بشي وقلت له كيف هنت عليك وانت تسكر باب بيتنا وتناظرني وانا كاشخه لك مافي شي ردك لهدرجه مافي احساس المهم قفلت وجى العشى وانا مسويه العشى تعشينا وانا ساكته طبعا حاول يحضني صديته وقال والله ميه كح.....اعذروني على الكلمه يقول مايسوون اصبع رجلك واحلفه مالمسهم يحلف لي ويقسم انه مالمسهم وتاكدت انه مالمسهم لانه لما جلس الظهر طلبني المهم من ضمن كلامه قال لي لو لمست وحده منهم ماطلبت منك فهمتو علي يابنات ياربي انا من داخل انحرق وش اسوي الحين انا مااكلمه بس اجهز طلباته وانا ساكته وطلع الحين للاستراحه ياربي يابنات وش اسوي قسم بالله ماخليت شي ماسويته علمت اهله ودخلت اهلي وبرضوا مافي فايده والله قلت له مالك بقلبي محبه اكرهك وش اسوي علموني