زوجي وخياناته المتكررة حسبي الله ونعم الوكيل

انا ماراح اطول عليكم بعطيكم الخلاصة لان نفسيتي تعباااااااانة من هااللي اسمه زوجي والله العظيم انه يخوني من اول شهر تزوجنا فيه الى هذا اليوم لي سنوات متزوجة وكم مره اكشف خياناته مع البنات لكن ماعليه مني ولاهميته قسم بالله انه قبل سنة تغير علي شهر كامل موطايقني ولا طايق عياله واشوف مكالماته كثرت بالمجلس واذا نام اروح اخذ جواله واشوف مين تطلع وحدة من بنات الشوارع اللي يعرفهم بالوزارة معاه وهي اعلامية واامشكلة اني ما هميته يعني مايمسح مكالمتها يخاف اشوفه بالعكس بكل وقاحة كاتب اسمها ولقبها الى جا اليوم اللي قطعت فيه الشك باليقين وحطيت تسجيل بجواله وسمعت الطامة الكبرى حسبي الله ونعم الوكيل فيهم تخيلو يقولها كلام عمره ماقاله لي انا زوجته والله العظيم انهم يتكلمون مع بعض كأنهم نايمين على السرير كلام الواحد يستحي يسمعه من قلة الادب اللي فيه والجرأة واجته بالمكالمه وسمعها راح قلب الموضوع علي واني اتجسس علي ومن هالكلام قالي انقلعي من بيتي انا وقتها منهارة وابكي بس نقطة ضعفي عيالي الثلاثة خايفة ياخذهم مني وانا مااقدر على فراقهم سكت وقعدت بالبيت وماقلت لاحد حتى اهلي مادروا عن شي لانهم يحبونه كثير وخفت ياخذون عنه فكرةماهي زينة المهم جا ثاني يوم يعتذر ويقول اخر مرة واعطاني عشرة الاف رضاوةلكن وش تفيد رجع لها بعد شهر والى يومنا هذا وهو مايفارقها فتحت ايميله ولقيت فيه البلاوي قسم بالله انهم متواعدين يروحون دبي مع بعض بحجة العمل ومواعدها بفرنسا يسوي لها برنامج سياحي احلى من اللي قبل لا تحطون في بالكم انه غني بالعكس ماعنده غير راتبه 15000 ريال والله العظيم اذكر في مكالمتهم كلمة الى الان كل ماتذكرها اقول الحين بطلب الطلاق وهي ...قالت له تعال عندي بالبيت قالها مااقدر عشان زوجتي موجودة قالت له خلي البدوية تنفعك قالها موبس بدوي الا صلبية ااااااااه يالقهر انا بنت القبايل ينقال عني كذا وبنت الشوارع حاطها فوق راسه قسم بالله انه وراني صورتها مرسلتها له بالايميل انها قهر مافيها من الجمال ذرة عمرها 39 سنة وماهي متزوجة يعني اكبر منه وانا عمري 24 متعلمة الحمدلله وجميلة ليش يطالع بغيري هو يقول ادعي اني اتركها شوفو الوقاحة كيف والله العظيم اني كتبت لكم عن وحدة بس لكن خياناته لي معرفته بالبنات اكثر من 100 بنت والمواقف اللي مريت فيها خلال الخمس سنوات تشيب الراس اعذروني طولت عليكم وازعجتكم بس والله مال غيركم افضفض له وادعوالي الله يخليكم واللي ماعندها كلمة تقولها ترفع الموضوع تكفو قولولي وش اسوي مع هالرجال